ភ្ជាប់​ទៅ​គេហទំព័រ​ទាក់ទង

logo-print
ព័ត៌មាន​​ថ្មី

ពិភព​លោក​ប្រារព្ធ​​ទិវា​ប្រឆាំង​អំពើ​ពុក​រលួយ​ដែល​លួច​លុយ​ពិភព​លោក​​២,៦​លាន​លាន​ដុល្លារ​ក្នុង​មួយ​ឆ្នាំ


រូបឯកសារ៖ ប្រអប់​រាយការណ៍​អំពី​ករណី​អំពើ​ពុករលួយ​ នៅតាម​បណ្តោយ​មហាវិថី​នរោត្តម​ ក្នុង​រាជធានី​ភ្នំពេញ​ កាលពី​ថ្ងៃទី​២៤ ខែ​មករា ឆ្នាំ​២០១៧។ (ហ៊ាន​ សុជាតា/ VOA)

អំពើ​ពុក​រលួយ​ក្នុង​ពិភព​លោក​បំផ្លាញ​សេដ្ឋ​កិច្ច​ពិភព​លោក​ប្រមាណ​២,៦​​លាន​លាន​ដុល្លារ​ក្នុង​មួយ​ឆ្នាំ។ ​នេះ​បើយោង​តាម​អ.ស.ប. ​ដែល​កំពុង​រៀប​ចំ​ប្រារព្ធ​​ទិវា​ប្រឆាំង​នឹង​អំពើ​ពុក​រលួយ​អន្តរជាតិ​នៅ​ថ្ងៃ​អាទិត្យ​នេះ។​​

អំពើ​ពុក​រលួយ​ក្នុង​ពិភព​លោក​បំផ្លាញ​សេដ្ឋ​កិច្ច​ពិភព​លោក​ប្រមាណ​២,៦លាន​លាន​ដុល្លារ​ក្នុង​មួយ​ឆ្នាំ។ ​នេះ​បើយោង​តាម​អ.ស.ប. ​ដែល​កំពុង​រៀប​ចំ​ប្រារព្ធទិវា​ប្រឆាំង​នឹង​អំពើ​ពុក​រលួយ​អន្តរជាតិ​នៅ​ថ្ងៃ​អាទិត្យ​នេះ។

អង្គការ​សហ​ប្រជាជាតិ​បាន​និយាយ​ថា៖ ​«អំពើ​ពុក​រលួយ​គឺជា​ឧក្រិដ្ឋកម្ម​ធ្ងន់​ធ្ងរ​ដែល​អាច​ធ្វើ​ឱ្យ​ប៉ះ​ពាល់​ដល់​ការ​អភិវឌ្ឍ​សង្គម​ និង​សេដ្ឋកិច្ច​នៅ​ក្នុង​សង្គម​ទាំងអស់។ ​គ្មាន​ប្រទេស​ណា​មួយ ​តំបន់​ណាមួយ​ ឬ​សហគមន៍​ណាមួយ​អាច​ស៊ាំ​ឬ​ទ្រាំ​ទ្រ​នឹង​អំពើ​ពុក​រលួយ​បាន​ទេ»។

អំពើ​ពុក​រលួយលួចទឹក​ប្រាក់​២,៦​លាន​លាន​ដុល្លារ​ក្នុង​មួយ​ឆ្នាំ​ គឺ​ស្មើ​នឹង​ជាង​៥ភាគ​រយ​នៃ​ផលិត​ផល​ក្នុង​ស្រុក​សរុប​ (GDP) របស់​ពិភពលោក។​ អ.ស.ប. បាន​និយាយ​ថា ប្រាក់​ចំនួន​១​លាន​លាន​ដុល្លារ​ត្រូវ​បាន​លួច​ជា​រៀង​រាល់​ឆ្នាំ​តាម​រយៈ​អំពើ​ពុក​រលួយ​គឺ​នៅ​ក្នុង​ទម្រង់នៃ​ការ​សូក​ប៉ាន់។ ​

លោកស្រី ​Patricia Moreira ​នាយិកា​គ្រប់​គ្រង​នៃ​អង្គការ​តម្លាភាព​អន្តរ​ជាតិ ​បានប្រាប់​វីអូអេ​ថា​ ប្រហែល​មួយ​ភាគបួន​នៃ​ប្រជាជន​ពិភព​លោក​បាន​បង់​ប្រាក់​សំណូក​នៅ​ពេល​ព្យាយាម​ប្រើ​សេវា​សាធារណៈ​កាលពី​ឆ្នាំ​មុន។ ​នេះ​បើ​យោង​តាម​ទិន្នន័យ​ពី​វិធាន​វាស់​ស្ទង់​អំពើ​ពុករលួយ​សកល​ (Global Corruption Barometer)៕

XS
SM
MD
LG