ប្រទេសបារាំងចាប់ផ្តើមពិធីរំឮកការបញ្ចប់សង្គ្រាមលោកលើកទី១ដែលមានរយៈពេលមួយសប្តាហ៍ដោយចាប់ផ្តើមពីថ្ងៃអាទិត្យនេះទៅ ដោយមានមេដឹកនាំចំនួន៨០រូបមកពីជុំវិញពិភពលោកប្រុងប្រៀបធ្វើដំណើរតាមយន្តហោះដើម្បីចូលរួមពិធីដែលកត់សម្គាល់មានរយៈពេលមួយសតវត្សរ៍ចាប់តាំងពីស្នូកាំភ្លើងបានស្ងាប់ស្ងាត់។
ប្រធានាធិបតីបារាំងលោកEmmanuel Macronមានការមមាញឹកខាងការទូតរយៈពេលមួយសប្តាហ៍ដែលនឹងឃើញលោករៀបចំទទួលពួកមេដឹកនាំសាកលលោករួម មានប្រធានាធិបតីសហរដ្ឋអាមេរិកលោក ដូណាល់ ត្រាំនិងប្រធានាធិបតីរុស្ស៊ី Vladimir Putin។
លោកប្រធានាធិបតីបារាំងក៏ធ្វើដំណើរទៅកាន់តំបន់ភាគខាងជើងប្រទេសបារាំងដើម្បីទស្សនាសមរភូមិដែលទាហានរាប់សែននាក់បានបាត់បង់អាយុជីវិតនៅក្នុងលេនដ្ឋាន។
លោកប្រធានាធិបតី ម៉ាក្រុង នឹងប្រើប្រាស់វេទិការអន្តរជាតិនេះដើម្បីចេញការប្រមូលគាំទ្រប្រឆាំងនឹងលទ្ធិប្រជានិយម ដោយមានវត្តមានរបស់ប្រធានាធិបតីត្រាំហើយនឹងមេដឹកនាំជាតិនិយមផ្សេងៗទៀត។
ពិធីរំឮកនៃការបញ្ចប់សង្គ្រាមលោកលើកទីមួយនេះនឹងធ្វើឡើងនៅ Arc de Triompheនៅក្នុងទីក្រុងប៉ារីសនៅថ្ងៃទី១១ ខែវិច្ឆិកា ដោយមានការចូលរួមពីមេដឹកនាំរាប់សិបនាក់ រួមមានប្រធានាធិបតីសហរដ្ឋអាមេរិក ដូណាល់ ត្រាំ ប្រធានាធិបតីរុស្ស៊ី Putin លោកស្រីអធិការបរតីអាល្លឺម៉ង់ Angela Markel ដែលជារយៈពេល១រយឆ្នាំបញ្ចប់ចាប់តាំងពីយុទ្ធសន្តិភាពមក។
ពិធីនៅឯផ្នូររបស់យុទ្ធជនមិនស្គាល់ឈ្មោះនៅវិថី Champs-Elyseesនឹងត្រូវធ្វើឡើងនៅក្រោមសន្តិសុខដ៏តឹងរ៉ឹងបន្ទាប់ពីមានការវាយប្រហារដ៏ប្រល័យរបស់ក្រុមជីហាដជាបន្តបន្ទាប់នៅក្នុងប្រទេសបារាំងក្នុងរយៈពេលជាង៣ឆ្នាំកន្លងមកនេះ៕
