ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

ភរិយា​អតីត​នាយករដ្ឋ​មន្រ្តី​​ម៉ាឡេស៊ី​រងការចោទ​ប្រកាន់​ពីការ​លាង​លុយកខ្វក់


លោក​ស្រី Rosmah Mansor បាន​បង្ហាញ​ខ្លួន​នៅ​តុលាការ​ក្រុង Kuala Lumpurនៅ​ថ្ងៃ​ព្រហស្បតិ៍​នេះ។
លោក​ស្រី Rosmah Mansor បាន​បង្ហាញ​ខ្លួន​នៅ​តុលាការ​ក្រុង Kuala Lumpurនៅ​ថ្ងៃ​ព្រហស្បតិ៍​នេះ។

លោក​ស្រី Mansor បាន​ត្រូវ​ចាប់​ខ្លួន​ហើយ​ឃុំ​ខ្លួន​រយៈ​ពេល​មួយ​ថ្ងៃ​មុនដោយ​ទី​ភ្នាក់​ងារ​ប្រឆាំង​អំពើ​ពុករលួយ​របស់​ម៉ាឡេស៊ី ​ហើយ​ត្រូវបាន​សាក​សួរ​ជា​លើក​ទី​៣​នៅ​ក្នុងការ​ទាក់​ទិ​ន​នឹង​រឿង​អាស្រូវ​នេះ។

ភរិយា​របស់​លោក Najib ​អតីត​នាយករដ្ឋ​មន្រ្តី​នៃ​ប្រទេស​ម៉ាឡេស៊ីមិន​បាន​សារ​ភាព​ទទួល​ទោស​កំហុស​លើ​បទ​ចោទ​ប្រកាន់​ជា​ច្រើន​ពីការ​ជាប់​ទាក់​ទិន​ទៅ​នឹង​រឿង​អាស្រូវ​ការ​លួច​បន្លំ​ប្រាក់​នៅឯ​មូលនិធិ​វិនិយោគទុន​ដែល​កាន់​កាប់​ដោយ​រដ្ឋ​ឈ្មោះ1MDB ដែល​បាន​នាំ​ឲ្យ​ស្វាមី​របស់​លោក​ស្រី​ធ្លាក់​ចេញ​ពី​ដំណែង​នៅ​ដើម​ឆ្នាំ​នេះ។

លោក​ស្រី Rosmah Mansor បាន​បង្ហាញ​ខ្លួន​នៅ​តុលាការ​ក្រុង Kuala Lumpurនៅ​ថ្ងៃ​ព្រហស្បតិ៍​នេះ ​ហើយ​បាន​រងការ​ចោទ​ប្រកាន់​ចំនួន​១២​ពីការលាង​លុយ​កខ្វក់​និង​ការ​លួចបន្លំ​ពន្ធ​ដារ។ រដ្ឋ​អាជ្ញា​ចោទ​ប្រកាន់​លោក​ស្រី​ពី​ការ​ទទួល​ប្រាក់​ជាង​១លាន​ដុល្លារ​នៅ​ក្នុង​ខ្ទង់​គណនី​ធនាគារ​របស់​លោកស្រី​ពី​ចន្លោះ​ឆ្នាំ​២០១៣​ និង​២០១៧ ​ហើយ​មិន​បាន​ប្រកាស​ពីការ​បង់​ពន្ធប្រាក់​នេះ។

លោក​ស្រី Mansor បាន​ត្រូវ​ចាប់​ខ្លួន​ហើយ​ឃុំ​ខ្លួន​រយៈ​ពេល​មួយ​ថ្ងៃ​មុនដោយ​ទី​ភ្នាក់​ងារ​ប្រឆាំង​អំពើ​ពុករលួយ​របស់​ម៉ាឡេស៊ី ​ហើយ​ត្រូវបាន​សាក​សួរ​ជា​លើក​ទី​៣​នៅ​ក្នុងការ​ទាក់​ទិ​ន​នឹង​រឿង​អាស្រូវ​នេះ។

លោកស្រី​ត្រូវបាន​ដោះលែងចេញ​ពីការ​ឃុំឃាំង បន្ទាប់​ពីការ​បង់​ប្រាក់​៤សែន​៨ម៉ឺន​ដុល្លារ​ដើម្បី​ធានានៅ​ក្រៅ​ឃុំឃាំង។​លោកស្រី​បាន​ប្រឈម​ការ​ជាប់​គុក​ពី​៥ទៅ​១៥ឆ្នាំ​លើ​បទ​ចោទ​ប្រកាន់​នីមួយ​ៗ ​ប្រសិន​តុលាការ​រក​ឃើញ​ថា​ មាន​ទោស​នោះ។

លោក Najib Razak ក៏​បាន​ស្ថិត​នៅ​ក្នុង​តុលាការ​នៅ​ថ្ងៃ​ព្រហស្បតិ៍​នេះ​ដែរ​ចំពោះ​សវន ការ​មុន​ពេល​ជម្រះ​ក្តី​លើ​បទ​ចោទ​ប្រកាន់​ចំនួន៣២​ដែល​លោក​ប្រឈម​ក្នុង​រឿង​អាស្រូវ​មូលនិធិ1MDBរួមមាន​ការ​រំលោភ​ភាព​ទុក​ចិត្ត ​អំពើ​ពុករលួយ​និង​ការ​លាង​លុយ កខ្វក់។ លោក​បាន​រងការចោទ​ប្រកាន់​ពីការ​ផ្ទេរ​ប្រាក់​ប្រហែល​១០​លានដុល្លារ​ពី​មូលនិ ធិ 1MDBចូល​ក្នុង​គណនី​ធនាគារ​របស់​លោក ដែលផ្នែក​មួយ​នៃ​ប្រាក់៤ពាន់​៥រយ លាន​ដុល្លារ​ ដែល​ក្រសួង​យុត្តិធម៌​សហរដ្ឋ​អាមេរិកនិយាយ​ថា ​លោកNajib ​និង​បក្ស​ពួក​របស់​លោក​បាន​ជួយ​លួច​មក​ពី​មូលនិធិ​នោះ៕

XS
SM
MD
LG