ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

មនុស្ស​យ៉ាង​តិច​ពីរនាក់​ត្រូវ​បានស្លាប់​ក្នុង​ការ​ផ្ទុះ​គ្រាប់​បែក​ក្នុង​ក្រុង Jalalabad


ការ​វាយ​ប្រហារ​ដោុ​បំផ្ទុះ​គ្រាប់​បែក​នៅ​ក្បែរ​ការិយាល័យ IEC។
ការ​វាយ​ប្រហារ​ដោុ​បំផ្ទុះ​គ្រាប់​បែក​នៅ​ក្បែរ​ការិយាល័យ IEC។

មន្ត្រីអាហ្វហ្គានីស្ថាន​បាន​និយាយនៅ​ថ្ងៃ​សៅរ៍​នេះ​ថា​មានមនុស្សយ៉ាង​តិច​ណាស់​ពីរនាក់​បាន​ស្លាប់ហើយ​បួននាក់ទៀតបានត្រូវរបួស​នៅ​ក្នុងការ​បំផ្ទុះ​គ្រាប់បែក​អត្តឃាតមួយ​នៅ​ជិត​ការិយាល័យ​បោះឆ្នោតមួយ​ក្នុង​ក្រុង​ Jalalabad ប៉ែក​ឦសាន​នៃប្រទេសអាហ្វហ្គានីស្ថាន។​

មន្ត្រី​បានថ្លែង​ថា​ការ​ផ្ទុះនេះ​បានកើត​មានឡើងនៅ​ពេល​ដែលអ្នកវាយ​ប្រហារ​បាន​ទៅ​ជិតពួក​បាតុករ​រាប់​សិប​នាក់​នៅជិត​ការិយាល័យ​គណៈកម្មការ​រៀបចំការ​បោះឆ្នោត។​ បាតុករ​ទាំង​នេះ​បានប្រមូលផ្តុំគ្នា​ដើម្បី​តវ៉ាអំពី​សេចក្តី​សម្រេច​មួយ​ដោយ​ដកហូតសិទ្ធិបេក្ខជន​ម្នាក់មិន​ឱ្យ​ឈរ​ឈ្មោះក្នុងការ​បោះឆ្នោត​ក្នុង​ពេល​ខាងមុខ​នេះ​ក្រោម​ការចោទ​ប្រកាន់​ថា​បេក្ខជន​រូបនេះ​មានចំណង​ទាក់ទង​ជាមួយ​ជន​សកម្មប្រយុទ្ធ។​

លោក Najib Kamawal នាយក​សុខាភិបាល​ខេត្តនិង​លោក​ Attahullah Khogyani អ្នកនាំ​ពាក្យ​អភិបាល​ខេត្ត​ Nangarhar​ បានបញ្ជាក់​ថា​មាន​មនុស្ស​ពីរនាក់​បាន​បាត់បង់ជីវិត​មែន។

លោក Khogyani បាននិយាយថា «យើង​បានសុំ​ដល់​ពួក​បាតុករ​ឱ្យបញ្ឈប់​ការ​តវ៉ា​របស់​ពួក​គេពីព្រោះ​ពួក​ជនសកម្មប្រយុទ្ធ​អាច​យក​ពួកគេ​ធ្វើជា​ទី​ដៅ​នៃ​ការវាយ​ប្រហារ ក៏​ប៉ុន្តែ​បាតុករ​បានច្រានចោល​សារ​ខាង​សន្តិសុខ​របស់​យើង»។ លោក Khogyani បានថ្លែង​ប្រាប់​ទីភ្នាក់ងារ​ព័ត៌មាន Associated Press ថា​ចំនួនមនុស្ស​ស្លាប់​អាចកើនឡើង​ច្រើនថែមទៀត៕

XS
SM
MD
LG