ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

សេតវិមាន៖ មិន​ទាន់​មាន​​ទំនាក់​ទំនង​ផ្លូវ​ការ​ជាមួយ​នឹង​រដ្ឋាភិបាល​ហ្វីលីពីន​ទាក់ទង​នឹង​ការ​កាត់​ផ្តាច់​ចំណង​មិត្ត​ភាព​ខាង​ផ្នែក​យោធា​នោះ​ទេ


លោក​ប្រធានាធិបតី​ហ្វីលីពីន Rodrigo Duterte (រូប​ឆ្វេង) ចាប់​ដៃ​ជាមួយ​លោក​នាយក​រដ្ឋ​មន្រ្តី​ជប៉ុន Shinzo Abe ក្នុង​សន្និសីទ​កាសែត​រួម​មួយ​នៅ​ក្រោយ​កិច្ចប្រជុំ​របស់​អស់​លោក​ ក្នុង​ក្រុង​តូក្យូ កាលពី​ថ្ងៃទី២៦ ខែតុលា ឆ្នាំ២០១៦។
លោក​ប្រធានាធិបតី​ហ្វីលីពីន Rodrigo Duterte (រូប​ឆ្វេង) ចាប់​ដៃ​ជាមួយ​លោក​នាយក​រដ្ឋ​មន្រ្តី​ជប៉ុន Shinzo Abe ក្នុង​សន្និសីទ​កាសែត​រួម​មួយ​នៅ​ក្រោយ​កិច្ចប្រជុំ​របស់​អស់​លោក​ ក្នុង​ក្រុង​តូក្យូ កាលពី​ថ្ងៃទី២៦ ខែតុលា ឆ្នាំ២០១៦។

សេតវិមាន​បាន​ឲ្យ​ដឹង​កាលពី​ថ្ងៃ​ពុធ​ថា​ សហរដ្ឋ​អាមេរិក​មិន​មាន​ទាន់​ទំនាក់​ទំនង​ជា​ផ្លូវ​ការ​ណា​មួយ​ជាមួយ​នឹង​រដ្ឋាភិបាល​ហ្វីលីពីន​ទាក់ទង​នឹង​ការ​គំរាម​កំហែង​ទៅ​លើ​ការ​កាត់​ផ្តាច់​ចំណង​មិត្ត​ភាព​ខាង​ផ្នែក​យោធា​រវាង​ប្រទេស​ទាំង​ពីរ​នៅ​ឡើយ​នោះ​ទេ។

សេចក្តី​ថ្លែង​ការណ៍​របស់​សេតវិមាន​ចេញ​នៅ​ថ្ងៃ​តែ​មួយ​ដែល​លោក​ប្រធានាធិបតី​ហ្វីលីពីន​ Rodrigo Duterte បាន​គំរាម​កាត់​ផ្តាច់​ចំណង​មិត្តភាព​ខាង​ផ្នែក​យោធា​ជា​មួយ​នឹង​សហរដ្ឋ​អាមេរិក​ជា​លើក​ទី​២ ក្នុង​រយៈ​ពេល​ប៉ុន្មាន​ថ្ងៃ​ចុង​ក្រោយ​នេះ។

លោក​ Duterte បាន​ថ្លែង​នៅ​ក្នុង​វេទិកា​សេដ្ឋកិច្ច​មួយ​នៅ​ក្នុង​ទីក្រុង Tokyo ដែល​ពេល​នោះ​លោក​កំពុង​ធ្វើ​ដំណើរ​ទស្សនកិច្ច​ថ្ងៃទី២​នៅ​ក្នុង​ដំណើរ​ទស្សនកិច្ច​ផ្លូវ​ការ​ដែល​មាន​រយៈ​ពេល​បី​ថ្ងៃ​នៅ​ក្នុង​តំបន់​ដែល​ជា​សម្ព័ន្ធ​មិត្ត​សំខាន់​របស់​អាមេរិក។ លោក​បាន​ថ្លែង​ថា លោក​ចង់​ឲ្យ​ប្រទេស​ហ្វីលីពីន​ មាន​សេរីភាព​ពី​វត្តមាន​របស់​យោធា​បរទេស​ក្នុង​រយៈ​ពេល​២​ឆ្នាំ​ទៅ​មុខ​ បើ​ទោះ​ជា​លោក​ត្រូវ​ធ្វើ​ការ​កែប្រែ​ឡើង​វិញ​ ឬ​លុប​ចោល​កិច្ចព្រមព្រៀង​ក៏​ដោយ។

កង​ទ័ព​អាមេរិក​មួយ​ចំនួន​តូច​ឈរ​ជើង​នៅ​កោះ​ Mindanao ដែល​ជា​កោះ​ភាគ​ខាង​ត្បូង​ ដើម្បី​ជួយ​ដល់​ប្រតិបត្តិការ​ប្រឆាំង​នឹង​អំពើ​ភេរវកម្ម​ ដែល​ប្រឆាំង​នឹង​ជន​បះបោរ​ឥស្លាម​នៅ​ក្នុង​ស្រុក៕

XS
SM
MD
LG