សៀមរាប —
ចាប់ពីពេលនេះតទៅ មនុស្សម្នានៅទូទាំងពិភពលោកអាចទស្សនាប្រាង្គប្រាសាទដ៏ចំណាស់ក្នុងតំបន់អង្គរបានយ៉ាងច្បាស់នៅលើបណ្ដាញអ៊ីនធឺណិតតាមរយៈប្រព័ន្ធ Street View ។ បច្ចេកវិទ្យាStreet View នេះត្រូវបានបង្កើតឡើងដោយក្រុមហ៊ុន Google និងត្រូវបានសម្ពោធឱ្យប្រើប្រាស់ជាផ្លូវការកាលពីថ្ងៃច័ន្ទនេះនៅក្នុងខេត្តសៀមរាប។
លោក Divon Lan បុគ្គលិកជាន់ខ្ពស់ម្នាក់នៃក្រុមហ៊ុនGoogle ដែលជាក្រុមហ៊ុនអ៊ីនធឺណិតដ៏ល្បីល្បាញមួយរបស់សហរដ្ឋអាមេរិកថ្លែងថាក្រុមហ៊ុនលោកបានចំណាយពេលមួយឆ្នាំដើម្បីផ្តិតយករូបភាពតាមប្រាសាទនានានៅតំបន់អង្គរ។
លោក Divon Lan បន្ថែមថាក្រុមហ៊ុន Google បានផ្តោតការយកចិត្តទុកដាក់ខ្លាំងលើតំបន់អង្គរនេះដោយសារតែនេះជាទីតាំងប្រវត្តិសាស្ត្រដ៏សំខាន់មួយរបស់មនុស្សជាតិ។
«ការដាក់ចូលប្រាសាទបុរាណខ្មែរចូលក្នុងប្រព័ន្ធ Street View នេះ វាមានសារៈសំខាន់មិនត្រឹមតែប្រទេសកម្ពុជាប៉ុណ្ណោះទេ។ ទីតាំងនេះគឺជាទីតាំងសាសនាដ៏ធំបំផុតនៃពិភពលោក ដូច្នេះវាជាទីតាំងបេតិកភណ្ឌដ៏សំខាន់ក្នុងកម្រិតពិភពលោក។ ហើយដោយសារយើងចង់នាំព័ត៌មាននៅទូទាំងពិភពលោកដល់មនុស្សគ្រប់រូបក្នុងពិភពលោក ដូច្នេះនេះជាព័ត៌មានសំខាន់ដែលយើងចង់នាំទៅកាន់ពិភពលោក»។
អ្នកប្រើប្រាស់អ៊ីនធឺណិតអាចចូលទៅមើលគយគន់តួប្រាសាទ និងក្បាច់ចម្លាក់នានានៅប្រាសាទបុរាណចំនួន១០០ទីតាំងនៅទូទាំងតំបន់អង្គរនៃខេត្តសៀមរាប។ រូបភាពទាំងនោះមានជារូបភាពប៉ាណូរ៉ាម៉ាកម្រិត៣៦០ដឺក្រេដែលមានលក្ខណៈយ៉ាងច្បាស់ដូចពិតៗដោយគ្រាន់តែចូលទៅកាន់គេហទំព័រ www.google.com/streetview រួចវាយឈ្មោះប្រាសាទណាមួយដែលគេចង់ទស្សនានោះជាការស្រេច។
ដោយឡែកក្រៅពីនៅតំបន់អង្គរខេត្តសៀមរាប ក្រុមហ៊ុន Google បានបញ្ចូលទីតាំងប្រវត្តិសាស្ត្រនិងរមណីយដ្ឋានធម្មជាតិជាច្រើនទៀតនៅទូទាំងពិភពលោកដូចជាសំណង់ Taj Mahal របស់ប្រទេសឥណ្ឌា និងភ្នំ Fuji របស់ប្រទេសជប៉ុនជាដើម។
លោក ប៊ុន ណារិទ្ធ អគ្គនាយកអាជ្ញាធរអប្សរាសង្ឃឹមថាគម្រោងនេះនឹងជួយជំរុញលំហូរទេសចរណ៍បរទេសមកកាន់កម្ពុជាបន្ថែមទៀត។
លោក ប៊ុន ណារិទ្ធ អគ្គនាយកអាជ្ញាធរអប្សរា ថ្លែងស្វាគមន៍បច្ចេកវិទ្យា street view របស់ Google នៅក្នុងពីធីសម្ពោធនៅសណ្ឋាគារ Le Meridien Angkor នៅក្រុងសៀមរាប កាលពីថ្ងៃព្រហស្បតិ៍ទី៣ ខែមេសា ឆ្នាំ២០១៤។ (ឃួន ធារ៉ា/វីអូអ)
«យើងសង្ឃឹមថានៅពេលដែលភ្ញៀវជាច្រើនគេបានឃើញតាមកុំព្យូទ័រនិងតាមអ៊ីនធឺណិតអញ្ចឹងទៅ អ្នកខ្លះគេចាប់អារម្មណ៍។ គេថាគេបានឃើញហើយតែគេចង់មកមើលផ្ទាល់ ដូច្នេះហើយយើងសង្ឃឹមថាទេសចរណ៍នឹងមកច្រើនទៀត។ យើងនឹងត្រៀមខ្លួនបង្កលក្ខណៈដើម្បីទទួលគេឱ្យសមរម្យហើយនឹងថែរក្សាប្រាសាទយើងកុំឱ្យទ្រុឌទ្រោមនិងកុំឱ្យប៉ះពាល់ដោយសារទេសចរមកច្រើន»។
សូមបញ្ជាក់ថាកាលពីឆ្នាំ២០១៣ មានទេសចរអន្តរជាតិចំនួន៤,២លាននាក់មកទស្សនាប្រទេសកម្ពុជា ហើយដែលភាគច្រើនមកទស្សនាប្រាង្គប្រាសាទបុរាណខ្មែរក្នុងខេត្តសៀមរាប។
នៅក្នុងការបើកសម្ភោធជាគម្រោង Street View ដ៏ធំបំផុតមិនធ្លាប់មាននេះ មានអ្នកកាសែតចូលរួមចំនួន៩០នាក់មកពី១៦ប្រទេស និងអ្នកកាសែតក្នុងស្រុក២២នាក់៕
លោក Divon Lan បុគ្គលិកជាន់ខ្ពស់ម្នាក់នៃក្រុមហ៊ុនGoogle ដែលជាក្រុមហ៊ុនអ៊ីនធឺណិតដ៏ល្បីល្បាញមួយរបស់សហរដ្ឋអាមេរិកថ្លែងថាក្រុមហ៊ុនលោកបានចំណាយពេលមួយឆ្នាំដើម្បីផ្តិតយករូបភាពតាមប្រាសាទនានានៅតំបន់អង្គរ។
លោក Divon Lan បន្ថែមថាក្រុមហ៊ុន Google បានផ្តោតការយកចិត្តទុកដាក់ខ្លាំងលើតំបន់អង្គរនេះដោយសារតែនេះជាទីតាំងប្រវត្តិសាស្ត្រដ៏សំខាន់មួយរបស់មនុស្សជាតិ។
«ការដាក់ចូលប្រាសាទបុរាណខ្មែរចូលក្នុងប្រព័ន្ធ Street View នេះ វាមានសារៈសំខាន់មិនត្រឹមតែប្រទេសកម្ពុជាប៉ុណ្ណោះទេ។ ទីតាំងនេះគឺជាទីតាំងសាសនាដ៏ធំបំផុតនៃពិភពលោក ដូច្នេះវាជាទីតាំងបេតិកភណ្ឌដ៏សំខាន់ក្នុងកម្រិតពិភពលោក។ ហើយដោយសារយើងចង់នាំព័ត៌មាននៅទូទាំងពិភពលោកដល់មនុស្សគ្រប់រូបក្នុងពិភពលោក ដូច្នេះនេះជាព័ត៌មានសំខាន់ដែលយើងចង់នាំទៅកាន់ពិភពលោក»។
អ្នកប្រើប្រាស់អ៊ីនធឺណិតអាចចូលទៅមើលគយគន់តួប្រាសាទ និងក្បាច់ចម្លាក់នានានៅប្រាសាទបុរាណចំនួន១០០ទីតាំងនៅទូទាំងតំបន់អង្គរនៃខេត្តសៀមរាប។ រូបភាពទាំងនោះមានជារូបភាពប៉ាណូរ៉ាម៉ាកម្រិត៣៦០ដឺក្រេដែលមានលក្ខណៈយ៉ាងច្បាស់ដូចពិតៗដោយគ្រាន់តែចូលទៅកាន់គេហទំព័រ www.google.com/streetview រួចវាយឈ្មោះប្រាសាទណាមួយដែលគេចង់ទស្សនានោះជាការស្រេច។
ដោយឡែកក្រៅពីនៅតំបន់អង្គរខេត្តសៀមរាប ក្រុមហ៊ុន Google បានបញ្ចូលទីតាំងប្រវត្តិសាស្ត្រនិងរមណីយដ្ឋានធម្មជាតិជាច្រើនទៀតនៅទូទាំងពិភពលោកដូចជាសំណង់ Taj Mahal របស់ប្រទេសឥណ្ឌា និងភ្នំ Fuji របស់ប្រទេសជប៉ុនជាដើម។
លោក ប៊ុន ណារិទ្ធ អគ្គនាយកអាជ្ញាធរអប្សរាសង្ឃឹមថាគម្រោងនេះនឹងជួយជំរុញលំហូរទេសចរណ៍បរទេសមកកាន់កម្ពុជាបន្ថែមទៀត។
សូមបញ្ជាក់ថាកាលពីឆ្នាំ២០១៣ មានទេសចរអន្តរជាតិចំនួន៤,២លាននាក់មកទស្សនាប្រទេសកម្ពុជា ហើយដែលភាគច្រើនមកទស្សនាប្រាង្គប្រាសាទបុរាណខ្មែរក្នុងខេត្តសៀមរាប។
នៅក្នុងការបើកសម្ភោធជាគម្រោង Street View ដ៏ធំបំផុតមិនធ្លាប់មាននេះ មានអ្នកកាសែតចូលរួមចំនួន៩០នាក់មកពី១៦ប្រទេស និងអ្នកកាសែតក្នុងស្រុក២២នាក់៕
