ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

រដ្ឋមន្រ្តីការពារជាតិវេណេស៊ុយអេឡា៖ កងទ័ពនៅតែស្មោះស័្មគ្រនឹងលោក Maduro 


រដ្ឋមន្រ្តី​ក្រសួង​ការពារ​ជាតិ​វេណេហ្ស៊ុយអេឡា​លោក Vladimir Padrino

កាល​ពី​ថ្ងៃចន្ទ ​លោកTrumpបាន​ថ្លែង​ទៅ​កាន់​សហគមន៍​ពលរដ្ឋអាមេរិកាំង​ដើម​កំណើត​វេណេហ្ស៊ុយអេឡា​ថា​សហរដ្ឋអាមេរិក​នឹង​ស្វែងរក​ការផ្ទេរ​អំណាច​ដោយ​សន្តិភាព​នៅក្នុង​ប្រទេសវេណេហ្ស៊ុយអេឡា​ ប៉ុន្តែ​បើក​ចំហ​ចំពោះ​ជម្រើស​ទាំងអស់។

រដ្ឋមន្រ្តី​ក្រសួងការពារ​ជាតិ​វេណេហ្ស៊ុយអេឡា​បាន​និយាយ​ថា​ កងទ័ព​នឹង​នៅ​តែ​ឈរជើង​នៅ​តាមព្រំដែន​ប្រទេស។ អត្ថាធិប្បាយ​នេះ​បាន​ធ្វើឡើង​មួយ​ថ្ងៃ​បន្ទាប់​ពី​លោកប្រធានាធិបតី Donald Trump​ បាន​ប្រកាស​ថា​លោក​បើក​ចំហ​ជម្រើស​ទាំងអស់​ ដើម្បី​ធ្វើ​ឲ្យ​មាន​ការផ្ទេរអំណាច​នៅក្នុង​ប្រទេសវេណេហ្ស៊ុយអេឡា។

រដ្ឋមន្រ្តី​ក្រសួង​ការពារ​ជាតិ​វេណេហ្ស៊ុយអេឡា​លោក Vladimir Padrino បាន​ថ្លែង​តាម​រយៈ​ទូរទស្សន៍​រដ្ឋ​កាល​ពី​ថ្ងៃអង្គារ​ ដោយ​លោក​បាន​ច្រាន​ចោល​អត្ថាធិប្បាយ​របស់​លោកTrump និង​បាន​ចាត់​ទុក​ថា​ជា​ ទង្វើ​ខ្វះ​ការ​ទទួល​ខុសត្រូវ​ និង​មិន​ធ្លាប់​មាន​ពី​មុន​មក។ លោក​បាន​ថ្លែង​ថា «កងកម្លាំង​ប្រដាប់​អាវុធ​នឹង​មិន​ធ្វើ​តាម​បញ្ជា​ពី​មហា​អំណាច​បរទេស​ទេ​ ហើយ​នឹង​បន្ត​ឈរជើង​នៅ​តាម​ព្រំដែន​ដដែល»។

លោក Padrino បាន​ថ្លែង​បន្ថែម​ទៀត​ថា​កងកម្លាំង​យោធា​វេណេហ្ស៊ុយអេឡា​ទទួល​បញ្ជាពី​លោកប្រធានាធិបតី Nicolas Maduro តែ​ម្នាក់​គត់។ លោក​បាន​ថ្លែង​ទៀត​ថា​ អ្នកណា​ដែល​ព្យាយាម​បង្កើត​អ្វី​ដែល​លោក​ហៅ​ថា​ជា​ រដ្ឋាភិបាល​អាយ៉ង់​នោះ​ត្រូវ​រំលង​សាកសព​កម្លាំង​យោធា​ជា​មុន​សិន។ សហរដ្ឋ​អាមេរិក​ និង​ប្រទេស៥០ទៀត​បាន​ទទួល​ស្គាល់​មេដឹកនាំ​ក្រុម​ប្រឆាំង​លោកJuan Guaido ជា​ប្រធានាធិបតីប​ណ្តោះអាសន្ន​របស់​វេណេហ្ស៊ុយអេឡា។

កាល​ពី​ថ្ងៃចន្ទ ​លោកTrumpបាន​ថ្លែង​ទៅ​កាន់​សហគមន៍​ពលរដ្ឋអាមេរិកាំង​ដើម​កំណើត​វេណេហ្ស៊ុយអេឡា​ថា​សហរដ្ឋអាមេរិក​នឹង​ស្វែងរក​ការផ្ទេរ​អំណាច​ដោយ​សន្តិភាព​នៅក្នុង​ប្រទេសវេណេហ្ស៊ុយអេឡា​ ប៉ុន្តែ​បើក​ចំហ​ចំពោះ​ជម្រើស​ទាំងអស់។

លោក Trump បាន​អំពាវនាវ​ដល់​ទាហាន​វេណេហ្ស៊ុយអេឡា​កុំ​ឲ្យ​ស្តាប់​បញ្ជា​ពី​លោក Maduro និង​ឲ្យ​ពួកគេ​ទទួល​យក​ការលើកលែងទោស​ដែល​ស្នើ​ឡើង​ដោយ​លោក Guaido។ លោក​ក៏​បាន​ព្រមាន​សមាជិក​យោធា​វេណេហ្ស៊ុយអេឡា​កុំ​ឲ្យ​រារាំង​ដល់​ជំនួយ​មនុស្សធម៌​ចូល​ក្នុង​ប្រទេសវេណេហ្ស៊ុយអេឡា​ផងដែរ៕

XS
SM
MD
LG