ភ្ជាប់​ទៅ​គេហទំព័រ​ទាក់ទង

ស.រ.អា​​មិន​ទាន់​ហៅ​អំពើ​ហិង្សា​ប្រឆាំង​ជន​ជាតិ​ភាគ​តិច​រ៉ូហ៊ីងយ៉ា​​នៅ​មីយ៉ាន់ម៉ា​ថា​ជា​ការ​បោស​សម្អាត​ខាង​ជាតិ​​សាសន៍​នៅ​ឡើយទេ


ជនជាតិ​ភាគិ​តិច​រ៉ូហ៊ីងយ៉ា​សែង​សាច់​ញាតិ​ឈឺ​របស់​ពួកគេ​ទៅ​កាន់​មជ្ឈមណ្ឌល​សុខភាព​នៅ​ជំរំ​ជន​ភៀស​ខ្លួន Kutupalong ប្រទេស​បង់ក្លាដែស កាលពី​ថ្ងៃទី២៤ ខែតុលា ឆ្នាំ២០១៧។

ពួកមន្ត្រី​សហរដ្ឋ​អាមេរិក​បាន​បដិសេធ​និយាយ​សំដៅ​ដល់​អំពើ​ហិង្សា​ប្រឆាំង​នឹង​ជន​ជាតិ​ភាគ​តិច​រ៉ូហ៊ីងយ៉ា​កាន់​សាសនា​ឥស្លាមក្នុង​ប្រទេស​មីយ៉ាន់ម៉ា​ថា​ជា​ការ​បោស​សម្អាត​ខាង​ជាតិ​សាសន៍​មុនពេល​ពួកគេ​បញ្ចប់​ការ​សើរើ​ពិនិត្យ​មើល​ឡើង​វិញ​នូវ​បញ្ហា​នេះ។

ថ្វីបើ សមាជិក​ព្រឹទ្ធសភា​សហរដ្ឋ​អាមេរិក​ជាច្រើនបាន​ហៅ​អំពើ​ហិង្សា​នេះ​ជា​ការ​បោស​សម្អាត​ខាង​ជាតិ​សាសន៍​ក៏ដោយ​ក្នុង​អំឡុង​សវនាការ​ស្តីពី​ជម្លោះ​កាល​ពី​ថ្ងៃ​អង្គារ ​ពួក​អ្នក​តំណាង​មក​ពីក្រសួងការបរទេស ​និង​ទីភ្នាក់ងារ​អភិវឌ្ឍន៍​អន្តរជាតិ​របស់​សហរដ្ឋ​អាមេរិក USAID បាន​និយាយថា ​ទីភ្នាក់​ងារ​របស់​ខ្លួន​មិន​អាច​ធ្វើ​ការ​ប្រកាស​បាន​ទេ។

លោក Ben Cardin សមាជិក​ព្រឹទ្ធសភា​សហរដ្ឋ​អាមេរិក​បាន​និយាយ​ដែល​បន្ទរ​តាម​សេចក្តី​ថ្លែងការណ៍​ដោយ​សហការី​ជា​សមាជិក​ព្រឹទ្ធសភា​របស់​លោក​ហើយ​នឹង​អង្គការ​សហប្រជាជាតិ​ដែល​បាន​ចាត់​ទុក​ជម្លោះ​នោះ​ថាជា​ការ​បោសសម្អាត​ខាង​ជាតិ​សាសន៍​កាល​ពី​ខែ​មុន​ថា «នេះ​ជា​ការ​បោស​សម្អាត​ខាង​ជន​ជាតិ​ភាគ​តិច‍»។

លោក​បាន​និយាយ​នៅ​ឯ​សវនាការបស់​គណៈកម្មាធិការ​ទំនាក់​ទំនង​ការបរទេស​របស់​ព្រឹទ្ធសភា​ថា «ការ​បោស​សម្អាត​ខាង​ជន​ជាតិ​ភាគតិច ត្រូវ​បាន​ឲ្យ​និយម ន័យ​ដោយ​ពួក​អ្នក​ជំនាញ​របស់​គណៈកម្មការ​របស់​អង្គការ​សហប្រជាជាតិ​ថាជា​ការ​បោស​សម្អាតជនជាតិ​ភាគ​តិច​កន្លែង​មួយ​ដោយ​ការប្រើ​កម្លាំង ​ឬ​ការ​បំភិត​បំភ័យ​ដើម្បី​កម្ចាត់​មនុស្ស​ចេញ​ពី​ទីកន្លែងនោះ‍»។

លោក​សមាជិក​ព្រឹទ្ធសភា Cardin និងពួកអ្នក​តំណាង​ក្រសួង​ការបរទេស ​បាន​និយាយថា ​រដ្ឋបាល​របស់​ប្រធានាធិបតី​ត្រាំ​នៅ​ពេល​បច្ចុប្បន្ន​នេះ​កំពុង​វាយ​តម្លៃ​ថា​តើ​សហរដ្ឋ​អាមេរិក​នឹង​ហៅ​ជា​ផ្លូវការ​នូវ​អំពើ​ហិង្សា​ក្នុង​ប្រទេស​មីយ៉ាន់ម៉ា​ថា​ជា​ការ​បោស​សម្អាត​ខាង​ជន​ជាតិ​ភាគ​តិច​ដែរ​ឬ​ទេ។ ទី​ភ្នាក់​ងារ​ព័ត៌មាន​ Associated Press ​រាយការណ៍ថា ​ការ​កំណត់ប្រហែលកើត​មាន​ឡើង​នៅ​សប្តាហ៍​នេះ។

XS
SM
MD
LG