ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

អនុ​ប្រធានាធិបតី​អាមេរិក​ចូលរួម​ក្នុង​ពិធី​រួបរួម​សាមគ្គី​របស់​វេណេស៊ុយអេឡា​និរទេស​ខ្លួន


អនុ​ប្រធានាធិបតី​អាមេរិក Mike Pence ថ្លែង​ទៅ​កាន់​មនុស្ស​នៅ​មណ្ឌល​ថ្វាយ​បង្គំ​ព្រះ​យេស៊ូ​ អំពី​ស្ថានការណ៍​ប្រទេស​វេណេស៊ុយអេឡា នៅ​រដ្ឋ Florida កាល​ពី​ថ្ងៃ​ទី​១ កុម្ភៈ ២០១៩។

លោក ​Mike Pence ​អនុ​ប្រធានាធិបតី​អាមេរិក​កំពុង​ជួប​ប្រជុំ​ជាមួយ​ក្រុម​មេដឹកនាំ​សហគមន៍ ​វេណេស៊ុយអេឡា​និរទេស​ខ្លួន​នៅថ្ងៃ​សុក្រ​នេះ​ ក្នុង​ទីក្រុង​ម៉ៃយ៉ាមី​ រដ្ឋផ្លរីដា​ (Florida) ​សហរដ្ឋ​អាមេរិក។

លោក​អនុ​ប្រធានាធិបតី​ចូលរួម​ក្នុង​កិច្ច​ពិភាក្សា​តុមូល​ជាមួយ​ក្រុម​មេដឹកនាំ​ទាំង​នោះ​នៅ​ឯ​កន្លែង ថ្វាយ​បង្គំ​ព្រះ​និយាយ​ភាសា​អេស្ប៉ាញ។​ លោក​ក៏​រំពឹង​ថា​នឹង​ថ្លែងការណ៍​នៅ​ឯ​កិច្ច​ប្រជុំ​រួបរួម​សាមគ្គី ដែល​ធ្វើ​ឡើង​នៅ​កន្លែង​ដដែល​ ហៅ​ថា​មជ្ឈមណ្ឌល​ Iglesia Doral​ ថ្វាយ​បង្គំ​ព្រះ​យេស៊ូ។

កាលពី​ថ្ងៃ​ព្រហស្បតិ៍ ​លោក ​Juan Guaido ​មេដឹកនាំ​ក្រុម​ជំទាស់​ប្រទេស​វេណេស៊ុយអេឡា ​បាន​ថ្លែង​ថា ​កង​សន្តិសុខ​បាន​បង្ហាញ​ខ្លួន​នៅ​ផ្ទះ​ Caracas apartment នៃ​គ្រួសារ​លោក​ក្នុង​កិច្ច​ប្រឹង​ប្រែង​ដើម្បី​គំរាម​កំហែង​លោក។

បើ​តាម​សារ​ក្នុង​ប្រព័ន្ធ​សង្គម​ទ្វីតធឺ ​លោក​ Juan Guaido ​ថ្លែងថា ​ភ្នាក់ងារ​ប៉ូលិស​បាន​មក​ដល់​ផ្ទះ ហើយ​សួរ​រក​ភរិយា​របស់ ​លោក​ Juan Guaido ​គឺ​លោក​ស្រី ​Fabiana​ ដែល​លោក​ Juan Guaido ​អះ​អាង​ថា​ព្រឹត្តិការណ៍​នេះ​កើត​ឡើង​ពេល​កូនស្រី​អាយុជិត​២​ខួប​របស់​លោក​ នៅ​ផ្ទះ​ជាមួយ​ជីដូន​គេ។ ​លោក​ថា​បើ​មាន​រឿងអ្វី​កើត​ឡើង​ចំពោះ​ក្មេង​ លោក​នឹង​ប្រយុទ្ធ​ជាមួយ​នឹង​លោក​ Nicolas Maduro ​មេដឹកនាំ​សង្គម​និយម​ឲ្យ​ទទួល​ខុស​ត្រូវ៕

XS
SM
MD
LG