ភ្ជាប់​ទៅ​គេហទំព័រ​ទាក់ទង

ស.រ.អា.​រិះគន់​ការ​លួច​ចូល​ប្រព័ន្ធ​អ៊ីនធឺណីត​ដែល​មាន ​«រដ្ឋាភិបាល​ចិន​ជួយ​ឧបត្ថម្ភ»


រដ្ឋ​មន្រ្តី​ក្រសួង​រតនាគារ​ជាតិ​របស់​សហរដ្ឋ​អាមេរិក​ Lack Lew និយាយ​នៅ​ឯ​កិច្ច​ប្រជុំ​ កិច្ច​សន្ទនា​សេដ្ឋកិច្ច​ និង​យុទ្ធសាស្រ្ត​អាមេរិក និង​ចិន​នៅ​ឯ​រដ្ឋធានី​វ៉ាស៊ីនតោន កាលពី​ថ្ងៃទី២៣ ខែមិថុនា ឆ្នាំ២០១៥។

ស.រ.អា.​បាន​រិះគន់​ប្រទេស​ចិន​អំពី​ការ​លួច​ចូល​ក្នុង​គេហទំព័រ​របស់​ស.រ.អា.​ ដែល​មាន​ជំនួយ​ពី​រដ្ឋាភិបាល។ វា​ជា​ការ​ចោទ​ប្រកាន់​ដោយ​ត្រង់ៗ ​ខណៈ​ដែល​អាជ្ញាធរ​នៅ​ក្រុង​វ៉ាស៊ីនតោន​បន្ត​ធ្វើ​ការ​ស៊ើប​អង្កេត​អំពី​ការ​លួច​ចូល​ទៅ​ក្នុង​កុំព្យូទ័រ​រដ្ឋាភិបាល​សហព័ន្ធ​ដែល​មាន​ទិន្នន័យ​របស់​ក្រុម​និយោជិក។​

លោក​រដ្ឋមន្រ្តី​ក្រសួង​រតនាគារ​ Jack Lew បាន​ធ្វើ​អត្ថាធិប្បាយ​កាល​ពី​ថ្ងៃ​អង្គារ​នៅ​ក្នុង​ថ្ងៃ​ទី​ពីរ​នៃ​កិច្ច​ចរចា​ជាន់​ខ្ពស់​ស្តី​អំពី​សន្តិសុខ​ និង​សេដ្ឋកិច្ច​ជាមួយ​មន្រ្តី​ចិន។​

លោក​ Lew​ ថ្លែង​ថា​ «ស.រ.អា.​នៅ​មាន​ការ​ព្រួយបារម្ភ​ខ្លាំង​អំពី​ការ​ចូល​លួច​ព័ត៌មាន​តាម​អ៊ីនធឺណិត​ដែល​មាន​រដ្ឋាភិបាល​ចិន​ជួយ​ឧបត្ថម្ភ»។​

នៅ​ក្នុង​អត្ថាធិប្បាយ​សាធារណៈ​ លោក​ Lew​ មិន​បាន​និយាយ​ជាក់​លាក់​អំពី​ការ​លួច​ចូល​តាម​អ៊ីនធឺណិត​មួយ​ចំនួន​ដែល​គេ​បាន​ប្រកាស់​ឲ្យ​ដឹង​នៅ​ដើម​ខែ​នេះ​ទេ​ ដែល​អ្នក​លួច​ចូល​បាន​លួច​យក​ព័ត៌មាន​សម្ងាត់​ និង​ផ្ទាល់​ខ្លួន​របស់​អតីត​និយោជិក​ និង​បច្ចុប្បន្ន​នៃ​រដ្ឋាភិបាល​ស.រ.អា.។​

រដ្ឋបាល​លោក​ អូបាម៉ា​ មិន​បាន​ចោទ​ប្រកាន់​រដ្ឋាភិបាល​ចិន​ដោយ​ចំហរ​ថា​ជា​អ្នក​នៅ​ពី​ក្រោយ​ការ​លួច​ចូល​ក្នុង​កុំព្យូទ័រ​របស់​ក្រសួង​ Office​ of​ Personnel​ Management​ ទេ​ តែ​មន្រ្តី​ជា​ច្រើន​នាក់​បាន​និយាយ​ថា​ អស់​លោក​មាន​ជំនឿ​កាន់​តែ​ខ្លាំង​ឡើង​ថា​ រដ្ឋាភិបាល​ចិន​ជា​អ្នក​ឧបត្ថម្ភ​សកម្មភាព​នេះ៕​

XS
SM
MD
LG