ភ្ជាប់​ទៅ​គេហទំព័រ​ទាក់ទង

ជន​ដែល​បាញ់​ប្រហារ​នៅ​ក្នុង​ផ្សារ​ទំនើប​ត្រូវ​បាន​ចាប់​ខ្លួន​


រូប​ថត​ Arcan Cetin នៅ​លើ​ហ្វេសប៊ុក​ ដែល​ជា​ជន​សង្ស័យ​ក្នុង​ការ​បាញ់​ប្រហារ​នៅ​ផ្សារ​ទំនើប​មួយក្នុង​រដ្ឋ​ធានី​វ៉ាស៊ីនតោន។

ជន​សង្ស័យ​អាយុ​២០ឆ្នាំ​ ត្រូវ​បាន​ចាប់​ខ្លួន​ហើយ​ពាក់ព័ន្ធ​នឹង​ការ​បាញ់​ប្រហារ​ដោយ​សេរី​នៅ​ក្នុង​ផ្សារ​ទំនើប​មួយ​នៅ​រដ្ឋ​វ៉ាស៊ីនតោន​ រដ្ឋ​នៅ​ភាគ​ពាយ័ព្យ​របស់​អាមេរិក​ នេះ​បើ​យោង​តាម​ក្រុម​អជ្ញាធរ​ដែល​បាន​ថ្លែង​ឲ្យ​ដឹង។​

ជន​សង្ស័យ​ឈ្មោះ​ Arcan Cetin មក​ពី​ទីក្រុង​ Oak Harbor រដ្ឋ​វាស៊ីនតោន​ ត្រូវ​បាន​ចាប់​ខ្លួន​កាលពី​ថ្ងៃ​សៅរ៍​ ជិត​២៤​ម៉ោង​ក្រោយ​មាន​ការ​តាម​រក​ចាប់​ខ្លួន​ជន​នេះ​ក្នុង​លក្ខណៈ​ទ្រង់​ទ្រាយ​ធំ។​ ជន​អន្តោប្រវេសន៍​មក​ពី​តួកគី​រូប​នេះ​ត្រូវ​បាន​រៀប​រាប់​ខុស​ពី​ដំបូង​ដោយ​ថា​ជន​សង្ស័យ​នេះ​ជា​ពួក​ឡាទីន​ ក្រោយ​ពេល​បាញ់​ប្រហារ​នោះ។​ គេ​មិន​ទាន់​បាន​ដឹង​ពី​មូលហេតុ​នៃ​ការ​បាញ់​ប្រហារ​នេះ​នៅ​ឡើយ​ទេ។​

ក្រុម​មន្ត្រី​បាន​ថ្លែង​ថា​ Cetin ត្រូវ​បាន​ចាប់​ខ្លួន​នៅ​លើ​ផ្លូវ ​Oak Harbor ដោយ​ប៉ូលិស​មួយ​រូប​ដែល​ទទួល​បាន​ដំណឹង​ថា​ Cetin ​រស់​នៅ​ក្នុង​តំបន់​នោះ។​

ប៉ូលិស​ដែល​ចាប់​ខ្លួន​ Cetin ​បាន​ថ្លែង​ថា​ ជន​សង្ស័យ​មាន​សភាព​ដូច​ខ្មោច​ឆៅ​ នៅ​ពេល​ដែល​ត្រូវ​បាន​ចាប់​ខ្លួន​នោះ។​

Cetin ​បាន​បាញ់​សម្លាប់​ស្ត្រី​៤​នាក់​និង​បុរស​ម្នាក់​នៅ​ក្នុង​ហាង​ Macy ដែល​ស្ថិត​នៅ​ក្នុង​ផ្សារ​ទំនើប​ Cascade នៃ​ទីក្រុង​ Burlington ដែល​ស្ថិត​នៅ​ចម្ងាយ​ប្រមាណ​១០០គីឡូម៉ែត្រ​ពី​ភាគ​ខាង​ជើង​នៃ​ទីក្រុង​ Seattle៕​

XS
SM
MD
LG