រដ្ឋមន្ត្រី ឃឺស្ទ៊ែន នឿលសិន (Kirstjen NielSen) ក្រសួងសន្តិសុខមាតុភូមិ បានបំពេញ ទស្សនកិច្ចទៅកាន់ទីក្រុង អេល ប៉ាសូ រដ្ឋ តិចសាស់ (Texas) កាលពីថ្ងៃសុក្រ។ ទីនេះ គឺជាតំបន់ទីក្រុងជាប់ព្រំដែនដែលក្មេងប្រុសជនជាតិក្វាតេម៉ាឡាអាយុ៨ឆ្នាំម្នាក់ត្រូវគេ ចាប់ឃុំខ្លួនមុនពេលស្លាប់ក្នុងមន្ទីរឃុំឃាំងអាមេរិក។
លោកស្រីរដ្ឋមន្ត្រី ឃឺស្ទ៊ែន នឿលសិន រំពឹងថានឹងធ្វើដំណើរទៅកាន់បុស្តិ៍និង បុស្តិ៍ តូចៗ ជាច្រើនកន្លែងដែលគយនិងសន្តិសុខអាមេរិកកំពុងប្រតិបត្តិការ តែក្រុមអ្នកយក ព័ត៌មានមិនត្រូវគេអនុញាតឲ្យធ្វើដំណើរតាមលោកស្រីរដ្ឋមន្ត្រីទេ។
ក្រសួងសន្តិសុខមាតុភូមិមិនបានបញ្ចេញព័ត៌មានលម្អិតឲ្យដឹងពីដំណើរទស្សនកិច្ច របស់លោកស្រីរដ្ឋមន្ត្រីទេ តែកាលពីយប់ថ្ងៃសុក្រការិយាល័យលោកឌី ម៉ាហ្គូ (Dee Margo) អភិបាលក្រុង អេល ប៉ាសូ (El Paso) បានចេញសេចក្តីប្រកាសព័ត៌មានមួយអំពីជំនួបរវាងលោកនិង លោកស្រីរដ្ឋមន្ត្រី។
«ខ្ញុំសូមគោរពអរគុណលោកស្រីរដ្ឋមន្ត្រី នៀលសិន ដែលបានចំណាយពេលជួបខ្ញុំ ដើម្បីពិភាក្សារឿងរ៉ាវទាក់ទងនឹងតំបន់អេល ប៉ាសូ និងរឿងតម្រូវការនានានៃបញ្ហា អន្តោប្រវេសន៍តាមព្រំដែន។ មន្ត្រីរដ្ឋាភិបាលសហព័ន្ធគួរចុះមកព្រំដែន នៅពេលធ្វើ ការសម្រេចចិត្តអំពីប្រព័ន្ធអន្តោប្រវេសន៍»។
កាលពីថ្ងៃច័ន្ទទី២៤ ខែធ្នូ ការិយាល័យអន្តោប្រវេសន៍និងគយអាមេរិក បានដោះលែង ជនអន្តោប្រវេសន៍ចំនួនប្រមាណ១៨០នាក់ នៅស្ថានីយ៍រថយន្តក្នុងទីក្រុង អេល ប៉ាសូដោយសាររយៈពេល២០ថ្ងៃនៃការឃុំខ្លួនបានដល់កំណត់។ ទីក្រុង អេល ប៉ាសូ បាន និយាយថាខ្លួនបានផ្តល់ការផ្តត់ផ្គង់ចំពោះការដោះលែងជនអន្តោប្រវេសន៍ទាំងនោះ។
ទស្សនកិច្ចរបស់លោកស្រីរដ្ឋមន្ត្រី ឃឺស្ទ៊ែន នឿលសិនទៅកាន់រដ្ឋ តិចសាស់ កើត ឡើងក្នុងរយៈពេល៤ថ្ងៃបន្ទាប់ពីការស្លាប់ក្មេងប្រុស Felipe Gomez Alonzo អាយុ ៨ឆ្នាំ។ សមាជិកព្រឹទ្ធសភារដ្ឋ New Mexico លោកTom Udall និងMartin Heinrich បានផ្ញើលិខិតទៅកាន់លោកស្រីរដ្ឋមន្ត្រីដើម្បីឲ្យមានចម្លើយអំពីការស្លាប់ក្មេងប្រុស នេះ៕
