ភ្ជាប់​ទៅ​គេហទំព័រ​ទាក់ទង

ស.រ.អា.​ដាក់​ទណ្ឌកម្ម​លើ​ក្រុម​ទាមទារ​បំបែក​រដ្ឋ​អ៊ុយក្រែន​និង​ធានាគារ​រុស្ស៊ី


អ្នក​ទាមទា​បំបែក​រដ្ឋ​ដែល​គាំទ្រ​រុស្ស៊ី​មើល​ទៅ​ទីតាំង​កងទ័ព​របស់​រដ្ឋាភិបាល​អ៊ុយក្រែន​ពី​បង្អួច​នៃ​អគារ​មួយ​នៅ​ជាយក្រុង​ Donetsk ប្រទេស​អ៊ុយក្រែន កាលពី​ថ្ងៃទី៨ ខែមីនា ឆ្នាំ២០១៥។

សហរដ្ឋអាមេរិក​បាន​ដាក់​ទណ្ឌកម្ម​លើ​ក្រុម​បុគ្គល​និង​អង្គភាព​ផ្សេង​ទៀត​នៅ​ក្នុង​ប្រទេស​អ៊ុយក្រែន​និង​ប្រទេស​រុស្ស៊ី​ដែល​បាន​រង​ការ​ចោទ​ប្រកាន់​ពី​ការ​ធ្វើ​ឲ្យអន្តរាយ​ដល់​អធិបតេយ្យ​ភាពរបស់​ប្រទេស​អ៊ុយក្រែនហើយ​និង​ប្រើប្រាស់​ទ្រព្យ​សម្បត្តិ​រដ្ឋ​អ៊ុយ​ក្រែន​មិន​ត្រឹមត្រូវ។

ក្រសួង​រតនាគារ​សហរដ្ឋអាមេរិក​បាន​ចេញ​បញ្ជី​ឈ្មោះ​មនុស្ស​ចំនួន​១៤នាក់​កាលពី​ថ្ងៃ​ពុធ ​រួមមាន៨​នាក់​ជា​ក្រុម​ទាមទារ​បំបែក​រដ្ឋ​អ៊ុយក្រែន​ និងអង្គភាព​២ ​រួមមាន​ធនាគារ​ពាណិជ្ជ​ជាតិ​រុស្ស៊ីដែល​ជា​ធនាគារ​ប្រតិបត្តិការ​ក្នុង​តំបន់​គ្រីមេ (Crimea) ឧបទ្វីប​ក្នុង​សមុទ្រ​ខ្មៅ​ដែល​រដ្ឋាភិបាល​ទីក្រុង​ម៉ូស្គូ​បាន​ធ្វើ​ជា​ឧបសម្ព័ន្ធ​កាល​ពី​ឆ្នាំ​ទៅ។

បុគ្គល​និង​អង្គភាព​ទាំង​អស់ ​ដែល​រងការ​ដាក់​ទណ្ឌកម្ម​សេដ្ឋ​កិច្ច ​មាន​ន័យ​ថា ទ្រព្យ​សម្បត្តិ​ដែល​ជា​របស់អ្នក​ដែល​មាន​ឈ្មោះ​នៅ​ក្នុង​បញ្ជី​នឹង​ត្រូវ​ផ្អឹប​ទុក ​ហើយ​បុគ្គល​ដែល​មាន​ឈ្មោះ​នៅ​ក្នុង​បញ្ជី​នឹង​ត្រូវ​ហាម​ឃាត់​មិន​ឲ្យ​ធ្វើ​ដំណើរ​ទៅ​កាន់​សហរដ្ឋអាមេរិក។

ក្រសួង​រតនាគារ​សហរដ្ឋអាមេរិក​បាន​ប្រាប់​ឲ្យ​ដឹង​ថា ​ការ​វាយ​ប្រហារ​កាល​ពី​ខែ​មុន​ដោយ​ក្រុម​ទាមទារ​បំបែក​រដ្ឋ​ដែល​គាំទ្រ​ដោយ​រុស្ស៊ី​ទៅ​លើ​ទី​ក្រុង​២​ក្នុង​តំបន់​ខាង​កើត​នៃ​ប្រទេស​អ៊ុយក្រែន​បាន​រំលោភ​កិច្ច​ព្រមព្រៀង​ឈប់​បាញ់​គ្នាដែល​ត្រូវ​បាន​ចុះ​ហត្ថលេខាកាល​ពី​ខែ​កុម្ភៈ​ហើយ​និង​ខែ​កញ្ញា​ឆ្នាំ​ទៅ។

​ក្នុង​ចំណោម​បុគ្គល​ដែល​មាន​ឈ្មោះ​ក្នុង​បញ្ជីនោះ ​មាន​មន្រ្តី​កងទ័ពនិង​មន្រ្តី​ខាង​នយោបាយ៨​នាក់របស់ក្រុង Donetsk ​និង​ក្រុង Luhansk ​ជា​អង្គភាពដែល​ក្រុម​ទាមទារ​បំបែក​រដ្ឋ​បាន​ប្រកាស​ខ្លួនឯងនៅ​ក្នុង​តំបន់​ខាង​កើត​នៃ​ប្រទេស​អ៊ុយក្រែន។

នៅ​ក្នុង​បញ្ជី​នោះ​ក៏​មាន​ឈ្មោះ Alexander Dugin ​អ្នក​វិទ្យាសាស្រ្តនយោបាយ​ស្តាំ​ជ្រុល​ដែល​ជា​ជនជាតិ​រុស្ស៊ី។​ សហភាព​យុវជន​អឺរ៉ាសៀរបស់​លោក​ដែល​ត្រូវ​រង​ការរ​ដាក់​ទណ្ឌ​កម្ម​បាន​រង​ការ​ចោទ​ប្រកាន់​ពី​ការ​ជ្រើសរើស​ក្រុម​អ្នក​ប្រយុទ្ធឲ្យ​ក្រុម​ទាមទារ​បំបែក​រដ្ឋ​អ៊ុយក្រែន៕

XS
SM
MD
LG