ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

លោក​ជំទាវ​⁠ Melania Trump ​បន្ត​ដំណើរ​ទស្សនកិច្ច​សុឆន្ទៈ​នៅ​ទ្វីប​អាហ្វ្រិក


លោកជំទាវ Melania Trump ពរទារកមួយ អំឡុងពេលដំណើរទស្សនកិច្ចទៅកាន់​មន្ទីរពេទ្យ​មួយ នៅ​ប្រទេស​ហ្គាណា កាលពីថ្ងៃទី០២ ខែតុលា ឆ្នាំ២០១៨។ 

លោក​ជំទាវ Melania Trump ​ភរិយា​ប្រធានា​ធិបតី​សហរដ្ឋ​អាមេរិក ដូណាល់ ​ត្រាំ ​បន្ត​ដំណើរ​ទស្ស​នកិច្ច​រយៈ​ពេល​មួយស​ប្តាហ៍​របស់​លោក​ជំទាវ​នៅ​ទ្វីប​អាហ្វ្រិកនៅ​ថ្ងៃ​ពុធ​នេះ។

​លោក​ជំទាវ​ត្រាំ​បាន​ចែក​ចាយ​ភួយ​ និងរូបខ្លាឃ្មុំ​ដល់​ទារក​ដែល​ទើប​កើត​ និង​ម្តាយ​របស់​ពួកគេ​នៅឯ​មន្ទីរ​ពេទ្យ​ក្នុង​រដ្ឋ​ធានី​អាក្រា (Accra) ​នៃ​ប្រទេស​ហ្គាណា ​ភ្លាម​ៗ​បន្ទាប់​ពី​លោក​ជំទាវ​បាន​អញ្ជើញ​ទៅ​ដល់​ទី​នោះ​កាល​ពី​ថ្ងៃ​អង្គារ។

​លោក​ជំទាវ Melania Trump ​កំពុង​ប្រើ​ប្រាស់​ដំណើរ​ទស្សន​កិច្ចរបស់​លោក​ជំទាវ​ទៅ​កាន់​ប្រទេស​ហ្គាណា ​ម៉ាឡាវី កេនយ៉ា​ និង​ប្រទេស​អេហ្ស៊ីប​ ដើម្បី​ពង្រីក និង​លើក​ស្ទួយ​កិច្ច​ផ្តួច​ផ្តើម​របស់​លោក​ជំទាវ​ដែល​ហៅ​ថា “Be Best” ​ដែល​ផ្តោត​លើ​សុខមាលភាព​របស់កូន​ក្មេង។​ ដំណើរ​ទស្សនកិច្ច​សុឆន្ទៈ​ល្អ​កើត​មាន​ឡើង​ប៉ុន្មាន​ខែ​បន្ទាប់​ពី​មានការ​រឹះគន់​យ៉ាង​ខ្លាំង​របស់​សាធារណជន​ដល់ការ​ប្រើ​ពាក្យសម្តី​មិន​ល្អ​របស់​ប្រធានា​ធិបតី ​ដូណាល់ ​ត្រាំដែលពណ៌នា​ទ្វីប​នោះ​ដែល​បណ្តាល​ឲ្យ​មានការ​ចោទប្រកាន់​ពីការ​ប្រកាន់​ពូជសាសន៍។

លោកJohn Campbell ​អ្នកស្រាវ​ជ្រាវ​ជាន់​ខ្ពស់សម្រាប់​ការ​សិក្សា​គោល​នយោ​បាយ​ទ្វីប​អាហ្វ្រិក​នៅឯ​ក្រុម​ប្រឹក្សា​ទំនាក់​ទំនង​ការបរទេស​បាន​ប្រាប់VOAថា «​ដំណើរ​ទស្ស​នកិច្ចដោយ​លោកជំ​ទាវភរិយា​របស់​ប្រធានា​ធិបតី​អាមេរិក​ ខ្ញុំ​គិតថា ​នឹង​បង្ហាញ​ថា ​ពលរដ្ឋ​អាមេរិកាំង គោល​នយោបាយ ​និង​រដ្ឋ​បាល​របស់​អាមេរិក​មាន​គោល​បំណង​ច្រើន​យ៉ាង»។

រដ្ឋបាល​ប្រធានា​ធិបតី​ត្រាំ ​បាន​អំពាវនាវ​ឲ្យកាត់​បន្ថយ​កម្មវិធី​ជំនួយ​មនុស្ស​ធម៌​យ៉ាង​ខ្លាំង​សម្រាប់​ទ្វីប​អាហ្វ្រិក​នៅ​ក្នុង​ការ​ស្នើ​ថវិការបស់​ខ្លួន ​ក៏​ប៉ុន្តែ​សំណើនោះ​បាន​ត្រូវ​រារាំង​ដោយ​សភា៕

XS
SM
MD
LG