ភ្ជាប់​ទៅ​គេហទំព័រ​ទាក់ទង

ស.រ.អា​ និង​សហភាព​អឺរ៉ុប​ថ្កោលទោស​សកម្មភាព​ថៃ​ទៅ​លើ​ជន​អ៊ុយហ្គ័រ


ជន​អ៊ុយហ្គ័រ​រស់​នៅតួកគី និង​អ្នកគាំទ្រ​ជនជាតិ​តួកគី ដោយ​មួយចំនួន​កាន់​ទង់ជាតិ​តួកគី និង​ទង់ជាតិ​ East Turkestan ដែល​ជា​ឈ្មោះ​​តំបន់​ប្រើ​ដោយ​ជនផ្តាច់​ខ្លួន​ អ៊ុយហ្គ័រ​ និង​ជនជាតិតួកគី​ទៅ​លើ​ស្រុក​កំណើត​ជន​អ៊ុយហ្គ័រ​នៅ​ខេត្ត Xinjiang ប្រទេសចិន​ បាន​ធ្វើ​ការ​តវ៉ា​ប្រឆាំង​នឹង​ការ​ដឹក​នាំ​ដោយ​រដ្ឋាភិបាល​​ចិន។

សហភាព​អឺរ៉ុប​បាន​ចូល​រួម​ជា​មួយ​ស.រ.អា​ក្នុង​ការ​ថ្កោលទោស​ប្រទេស​ថៃ​ ដែល​បាន​បង្ខិតបង្ខំ​បញ្ជូន​ពួក​ជន​អំបូរ​អ៊ុយហ្គ័រ (Uighur) ​ជាង​១០០នាក់​ទៅ​ប្រទេស​ចិន​វិញ​ ដែល​នៅ​ទីនោះ​ពួក​គេ​អាចប្រឈម​មុខ​នឹង​ការ​ប្រព្រឹត្ត​ទៅ​លើ​យ៉ាង​ឃោរឃៅ​ និង​ការ​គ្មាន​នីតិវិធី​ត្រឹម​ត្រូវ​តាម​ច្បាប់។​

សេចក្តី​ថ្លែងការណ៍​មួយ​របស់​សហភាពអឺរ៉ុប​កាល​ពី​ថ្ងៃ​សៅរ៍បានហៅ​ការ​ធ្វើ​បត្យាប័ន​នេះ​ថា ​ជា​ការ​រំលោភ​លើ​គោលការណ៍​ស្នូល​នៃច្បាប់​សិទ្ធិមនុស្សអន្តរជាតិ។​ ការិយាល័យ​របស់​អគ្គស្នងការ​អ.ស.ប.​ទទួល​បន្ទុក​កិច្ច​ការ​ជន​ភៀសខ្លួន​បាន​និយាយ​ថា​ ពួក​គេ​មាន​ការ​ភ្ញាក់ផ្អើល​ចំពោះ​ការ​ធ្វើ​បត្យាប័ន​ដោយ​បង្ខិតបង្ខំ​នេះ​ដោយ​និយាយថា ​ក្រុម​មន្ត្រី​ថៃ​បាន​ធានារ៉ាប់រង​ប្រាប់​ពួកគេ​ថា ​ពួក​បុគ្គល​ទាំង​នេះ​នឹង​ត្រូវ​ប្រព្រឹត្ត​លើ​តាម​ស្តង់ដារ​ច្បាប់អន្តរជាតិ។

ប្រទេស​ថៃ​បាន​បញ្ចូនក្រុម​ជន​អំបូរ​អ៊ុយជាង​១០០​នាក់​ដោយមាន​រួមបញ្ចូល​ពួក​ស្ត្រី និង​កុមារ​ផង​ឲ្យ​វិលត្រឡប់​ទៅ​ប្រទេស​ចិន​វិញ​ទោះ​បី​ជា​ប្រទេស​តួកគី​មាន​ចំណង់​ចង់​ទទួល​យក​ពួកជន​ទាំង​នេះ​ក៏ដោយ។​

កាល​ពី​ថ្ងៃសុក្រ​ប្រទេស​ថៃ​បាន​បិទ​ស្ថាន​ទូត​ខ្លួន​ក្នុង​ក្រុង​អង់ការ៉ា និង​ស្ថានកុងស៊ុល​ក្នុង​ក្រុងអ៊ីស្តង់ប៊ួល បន្ទាប់​ពី​មានការ​ធ្វើបាតុកម្ម​ប្រឆាំង​នឹង​ការ​ធ្វើ​បត្យាប័ន​នោះ៕

XS
SM
MD
LG