ភ្ជាប់​ទៅ​គេហទំព័រ​ទាក់ទង

ប្រធាន​​សន្តិសុខ​ព្រលាន​យន្តហោះ​ស.រ.អា.ត្រូវបានដកពី​តំណែង​ក្រោយ​មាន​កំហុស​នៅ​ចំណុច​ឆែកឆេរ


លោក​ប្រធានាធិតី​ បារ៉ាក់អូបាម៉ា​ អគ្គមេធាវី Loretta Lynch និង​លោក​ Jeh Johnson (ស្តាំ) នាយក​ក្រសួង​សន្តិសុខ​មាតុភូមិ ឈរ​គោរព​នៅ​ឯ​ការ​ប្រារព​ពិធី​រំឭក​ប្រចាំឆ្នាំចំពោះមន្ត្រី​បម្រើការ​ផ្នែក​សន្តិភាព​ជាតិ​ នៅ​ទីក្រុង​វ៉ាស៊ីនតោន កាលពីថ្ងៃទី១៥ ខែឧសភា ឆ្នាំ២០១៥។

នាយក​ស្តីទី​ទទួល​បន្ទុក​កិច្ចការ​សន្តិសុខ​តាម​ព្រលាន​យន្តហោះ​ស.រ.អា​ត្រូវ​បាន​ដក​ចេញ​ពីមុខ​តំណែង​បន្ទាប់​ពី​ភ្នាក់ងារ​សម្ងាត់​បាន​នាំ​គ្រឿង​ផ្ទុះ​និង​អាវុធ​ក្លែងក្លាយ​ឆ្លង​កាត់​ច្រកទ្វារ​ឆែកឆេរ​សន្តិសុខ​ចំនួន​៦៧លើក​ក្នុងចំណោម​៧០លើក​ តែ​មិន​ត្រូវ​គេ​រកឃើញ​ទេ​ក្នុងការ​សាក​ល្បង​ថ្មីៗ​នេះ។

នាយក​ក្រសួង​សន្តិសុខ​មាតុភូមិ​ Jeh Johnson ​ថ្លែង​ថា​ លោក ​Melvin ​Carraway បាន​លា​ឈប់​ពី​មុខ​តំណែង​ជា​មន្ត្រី​សន្តិសុខ​ព្រលាន​យន្តហោះ​ និង​មុខ​តំណែង ផ្សេង​ទៀត​ក្នុង​ក្រសួង​សន្តិសុខ​មាតុភូមិ។​ លោក Johnson​ បាន​តែង​តាំង​លោក Mark Hatfield ​ជា​នាយក​ស្តីទី​បណ្តោះ​អាសន្ន​ទទួល​បន្ទុក​កិច្ចការ​សន្តិសុខ​ TSA តាម​ព្រលាន​យន្តហោះ​ស.រ.អា.។

លោក Johnson ​បាន​បដិសេធ​ពុំ​ផ្តល់​ព័ត៌មាន​លម្អិត​អំពី​លទ្ធផល​នៃ​ការ​ធ្វើ​តេស្ត សាក​ល្បង​នៅ​ឯច្រក​ឆែកឆេរ​សន្តិសុខ​ទេ ​តែ​ថ្លែង​ថា ​លោក​បាន​ចាត់​វិធានការ ហ្មត់ចត់​ណាស់។

បណ្តាញ​ទូរទស្សន៍ ​ABC News ​របស់​អាមេរិក​បាន​រាយការណ៍​ថា​ ការស៊ើប អង្កេត​ចំពោះ​ទីភ្នាក់ងារ ​TSA​ ទទួល​បន្ទុក​កិច្ចការ​សន្តិសុខ​តាម​ព្រលាន​យន្ត ហោះ​ស.រ.អា. ​បាន​រកឃើញ​ថា​ ទីភ្នាក់ងារ​នេះ​បាន​បរាជ័យ​ទូលំទូលាយ​លើ​បញ្ហា​គ្រប់គ្រង​សន្តិសុខ​នៅ​ព្រលាន​យន្តហោះ​ស.រ.អា.ដ៏​មមារ​ញឹក​ខ្លះ។

ជាឧទាហរណ៍​មួយ​គឺថា​ ភ្នាក់ងារ​សម្ងាត់​បាន​ឈប់​ពេល​គេ​បាន​ធ្វើ​ឲ្យ​មាន​សម្លេង រោទិ៍នៅ​ឯច្រក​ឆែឆេរ។​ តែ​ទោះជា​ដូច្នោះ​ក្តី​ អ្នក​ធ្វើការ​ឆែកឆេរ ​ឬអ្នក​ពិនិត្យ​ដោយ​ម៉ាស៊ីន​ស្កែត​បស់​ TSA ​មិន​បាន​រកឃើញ​គ្រឿង​ផ្ទុះ​ក្លែងក្លាយ​ដែល​បិត​ភ្ជាប់នឹង​ខ្នង​ភ្នាក់ងារ​សម្ងាត់​ទេ​ ពេល​ពួក​គេ​ស្ទាបហើយ​រាវ​ចុះ​ទៅ​ក្រោម​នោះ៕

XS
SM
MD
LG