ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

កីឡាការិនី​ហែល​ទឹក​របស់​អាមេរិក​វ័យ​ជំទង់​ឈ្នះ​​វិញ្ញាសា​នារី​ក្បាច់​ហែល​កង្កែប​


ជ័យលាភី​​មេដាយ​មាស​ខាងវិញ្ញាសា​នារី​ក្បាច់​ហែល​កង្កែប​​​នាង Lydia Jacoby (កណ្តាល) មក​ពី​សហរដ្ឋ​អាមេរិក ឈរ​ជាប់​ជ័យលាភី​​​​​​មេដាយ​​ប្រាក់​នាង Tatjana Schoenmaker (ឆ្វេង) មក​ពី​អាហ្វ្រិក​ខាង​ត្បូង និង​ជ័យលាភី​​មេដាយ​សំរឹទ្ធ​នាង Lilly King មក​ពី​អាមេរិក​ដែរ​​​។

ការ​ប្រកួត​កីឡា​អូឡាំពិក​ទីក្រុង​តូក្យូ​នៅ​ថ្ងៃអង្គារ​បាន​ប្រព្រឹត្ត​ទៅ​ដ៏​មមាញឹក​នៅ​មណ្ឌល​កីឡា​ទឹក​ដោយ​មាន​វិញ្ញាសា​កីឡា​ហែល​ទឹក​សម្រាប់​បុរស​និង​ស្ត្រី​ដោយ​មាន​អ្នក​ចូល​រួម​ក្នុង​វគ្គ​ផ្តាច់ព្រ័ត្រ​៣​នាក់។​

នៅ​ក្នុង​វិញ្ញាសា​ហែល​ទឹក​សម្រាប់​នារី​ចម្ងាយ​១០០​ម៉ែត្រ​ក្នុង​ក្បាច់​ហែល​កង្កែប​មាន​ការ​ប្រកួត​ដែល​មាន​ការ​រំពឹង​ខ្ពស់​រវាង​កីឡាការិនី​អាមេរិក​គឺ​នាង​ Lilly King​ ដែល​ធ្លាប់​ឈ្នះ​ការ​ប្រកួត​នៅ​កីឡា​អូឡាំពិក​ក្នុង​ទីក្រុង​ Rio ​ប្រទេស​ប្រេស៊ីល​ឆ្នាំ​២០១៦​ជា​មួយ​នាង ​Tatjana Schoenmaker ​មកពី​ប្រទេស​អាហ្រ្វិក​ខាងត្បូង​ប៉ុន្តែ​បែរ​ជា​បេក្ខនារី​ម្នាក់​ទៀត​គឺ​នាង​ Lydia Jacoby​ អាយុ១៧​ឆ្នាំ​ដែល​ទៅ​ពី​សហរដ្ឋ​អាមេរិក​ដែរ បាន​ទទួលជ័យលាភី​ទី​១​គឺ​មេដាយ​មាស។ ​នាង ​Tatjana Schoenmaker ​ទទួល​បាន​ជ័យលាភី​ទី២​គឺ​មេដាយ​ប្រាក់​ហើយ​នាង ​Lilly King ​ទទួល​បាន​ចំណាត់​ថ្នាក់​លេខ​៣​គឺ​មេដាយ​សំរឹទ្ធ។​

មនុស្ស​ជា​ច្រើន​រយ​នាក់​បាន​ប្រជ្រៀត​គ្នា​មើល​ការ​ប្រកួត​ហែល​ទឹក​នោះ​នៅ​លើ​កញ្ចក់​ទូរទស្សន៍​នៅ​ក្នុង​ចំណត​រថភ្លើង​ក្នុង​ទីក្រុង​ Seward ​ក្នុង​រដ្ឋ ​Alaska​ ដែល​ជា​ទី​កន្លែង​រស់​នៅ​របស់​នាង​Jacoby។ ពួកគេ​ហ៊ោ​កញ្ជ្រៀវ​អបអរ​ ខណៈ​ពួកគេ​ឃើញ​នាង​កំពុង​ហែល​តាម​ពី​ក្រោយ​និង​វ៉ា​ដាច់​នាង​Schoenmaker ​កីឡា​ការិនី​មក​ពី​ប្រទេស​អាហ្វ្រិក​ខាង​ត្បូង​ក្នុង​ជុំ​ចុង​ក្រោយ​នៃ​ការ​ប្រកួត​នោះ។​

នាង ​Jacoby ​ជា​កីឡាការិនី​ហែល​ទឹក​ទី១​មក​ពី​រដ្ឋ​ Alaska ដែល​មាន​លក្ខណៈ​សម្បត្តិ​គ្រប់គ្រាន់​ចូលរួម​ប្រកួតកីឡា​អូឡាំពិក​រដូវ​ក្តៅ​ក្នុង​ទីក្រុង​តូក្យូ៕​

(ព័ត៌មាន​ខ្លះ​ក្នុង​សេចក្តីរាយ​ការណ៍​នេះ​ដកស្រង់​ពី​ Reuters និង AFP)

XS
SM
MD
LG