អគ្គលេខាធិការអង្គការសហប្រជាជាតិលោក António Guterres ថ្លែងថា លោក «ព្រួយបារម្ភខ្លាំង» ដោយសារការប្រកាសរបស់អ៊ីស្រាអែល នៅក្នុងការវាយក្តោបក្តាប់ទាំងស្រុងលើតំបន់ហ្គាហ្សា។ នេះបើយោងតាមទីភ្នាក់ងារព័ត៌មាន AP។
លោកបានថ្លែងនៅក្នុងសន្និសីទសារព័ត៌មានមួយកាលពីថ្ងៃចន្ទថា៖ «ស្ថានភាពមនុស្សធម៌នៅតំបន់ហ្គាហ្សាមានស្ថានភាពយ៉ាប់ខ្លាំង មុនពេលការប្រយុទ្ធគ្នាទាំងនេះ។ ហើយបច្ចុប្បន្ននេះ វានឹងកាន់តែយ៉ាប់ខ្លាំងជាងមុនទៀត»។
លោកបានថ្លែងដូច្នេះបន្ទាប់ពីរដ្ឋមន្ត្រីការពារជាតិអ៊ីស្រាអែលបានថ្លែងថា លោកបានបញ្ជាឱ្យមានការកាត់ផ្តាច់ចរន្តអគ្គិសនី និងការចែកចេញម្ហូបអាហារ ប្រេងសាំង និងសម្ភារផ្សេងៗទៀតទៅកាន់តំបន់នេះ។
លោក Gueterres បានស្នើសុំឱ្យអង្គការសហប្រជាជាតិទទួលបានការអនុញ្ញាតឱ្យផ្តល់ជំនួយមនុស្សធម៌ដល់ពលរដ្ឋប្រមាណ ២លាន ៣សែននាក់នៅក្នុងតំបន់ហ្គាហ្សា។ លោកបានជំរុញឱ្យសហគមន៍អន្តរជាតិផ្តល់ការគាំទ្រជាបន្ទាន់ដល់កិច្ចប្រឹងប្រែងផ្នែកមនុស្សធម៌នេះ៕
