ភ្ជាប់​ទៅ​គេហទំព័រ​ទាក់ទង

ប្រធាន​ក្រុមប្រឹក្សា​សិទ្ធិមនុស្ស​អង្គការ​សហប្រជាជាតិ​ព្រមាន​ថា ប្រទេស​ប៊ូរុនឌី​អាច​នឹង​ផ្ទុះ​អំពើ​ហិង្សា​ជាតិសាសន៍


ឧត្តម​ស្នង​ការ​អង្គការ​សហប្រជាជាតិ​ទទួល​បន្ទុក​សិទ្ធិ​មនុស្ស​លោក Zeid Ra'ad Al Hussein ថ្លែង​នៅ​ក្នុង​កិច្ចប្រជុំ​មួយ​របស់​ក្រុមប្រឹក្សា​សិទ្ធិ​មនុស្ស​នៅ​ក្រុង​ហ្សឺណែវ ប្រទេស​ស្វ៊ីស កាលពី​ថ្ងៃទី២៩ ខែកុម្ភៈ ឆ្នាំ២០១៦។

ឯកសារ​ពាក់ព័ន្ធ​នឹង​សិទ្ធិ​មនុស្ស​របស់​ប្រទេស​ប៊ូរុនឌី​កំពុង​តែ​ស្ថិត​ក្រោម​ការ​ត្រួតពិនិត្យ​ដោយ​ក្រុមប្រឹក្សា​សិទ្ធិមនុស្ស​អង្គការ​សហប្រជាជាតិ​ជុំវិញ​ការ​បដិសេធ​និង​ការ​ខឹង​សម្បារ​របស់​រដ្ឋាភិបាល​នៃ​ប្រទេស​នេះ។ ក្រុមប្រឹក្សា​នេះ​បាន​ឲ្យ​ដឹង​ថា ខ្លួន​មាន​ការ​ភ្ញាក់ផ្អើល​នឹង​ការ​កើនឡើង​ការ​បំពាន​សិទ្ធិមនុស្ស​នៅ​ក្នុង​ប្រទេស​ប៊ូរុនឌី​ចាប់តាំង​ពី​មាន​វិបត្តិ​នយោបាយ​ក្នុង​ប្រទេស​នេះ​កាល​ពី​ឆ្នាំ​មុន​មក។ ក្រុមប្រឹក្សា​នេះ​ចង់​ឲ្យ​បញ្ចប់​ការ​បំពាន​សិទ្ធិមនុស្ស ដោយសារ​តែ​ភ័យ​ខ្លាច​ថា ជម្លោះ​ពូជសាសន៍​នឹង​ជះឥទ្ធិពល​សោកនាដកម្ម​ដល់​ប្រទេស​ទាំងអស់​នៅ​អាហ្វ្រិក​កណ្តាល។

អង្គការ​សហប្រជាជាតិ​និង​រដ្ឋាភិបាល​ប្រទេស​ប៊ូរុនឌី​មាន​ទស្សនៈ​ផ្ទុយ​គ្នា​ទៅ​លើ​ហេតុការណ៍​ដែល​កំពុង​តែ​កើតឡើង​ក្នុង​ប្រទេស​នេះ មួយ​ឆ្នាំ​បន្ទាប់​ពី​លោក​ប្រធានាធិបតី Pierre Nkurunziza ត្រូវ​បាន​បោះឆ្នោត​ជ្រើសរើស​ឲ្យ​ធ្វើ​ជា​ប្រធានាធិបតី​ ចំពោះ​អ្វី​ដែល​ក្រុម​អ្នក​រិះគន់​ហៅ​ថា ជា​អាណត្តិ​ទី​បី​របស់​លោក​ដែល​មិន​ស្រប​ទៅ​តាម​រដ្ឋ​ធម្មនុញ្ញ។

ខណៈ​ដែល​រដ្ឋាភិបាលប្រទេស​ប៊ូរុនឌី​ចោទ​ប្រកាន់​អង្គការ​សហប្រជាជាតិ​អំពី​ការធ្វើ​យុទ្ធនាការ​មិន​ពិត ឧត្តមស្នងការ​អង្គការ​សហប្រជាជាតិ​ទទួល​បន្ទុក​សិទ្ធិមនុស្ស​លោក Zeid Ra'ad Al Hussein បាន​សម្តែង​ការ​ព្រួយបារម្ភ​យ៉ាង​ខ្លាំង​ទៅ​លើ​ការពិត​ជាក់ស្តែង​ដ៏​អាក្រក់​ដែល​កំពុង​តែ​កើតឡើង៕

XS
SM
MD
LG