ភ្ជាប់​ទៅ​គេហទំព័រ​ទាក់ទង

ក្រុមហ៊ុន ​Uber ​បាន​ជួល​វិស្វករ​ពីទីភ្នាក់ងារ​អវកាស​ស.រ.អា.​ NASA ​ធ្វើ​គម្រោង​ឡានហោះ​


រូបភាព​ឯកសារ៖ ទីស្នាក់ការកណ្តាល​ក្រុមហ៊ុន Uber នៅ​ទីក្រុង​ San Francisco បាន​ប្រកាស​កាល​ពីថ្ងៃទី​០១ មិថុនា ២០១៦​ ថាខ្លួន​នឹង​ដក​ប្រាក់​យ៉ាង​ច្រើន​ចេញ​ពី Saudi Arabia។

ក្រុមហ៊ុនឡាន​តាក់ស៊ីឯក​ជន ​Uber​ បាន​ជួលវិស្វករ​មកពី​ទីភ្នាក់ងារ​អវកាស​ស.រ.អា.​ NASA ​ធ្វើ​គម្រោង​គំនិតផ្តួចផ្តើម​ថ្មីរបស់​ក្រុមហ៊ុន ​Uber ចាប់​ផ្តើម​គម្រោង​ឧស្សាហកម្ម​ឡាន​ហោះ។ ​លោក Mark Moore វិស្វករមក​ពី​ទីភ្នាក់ងារ​អវកាស​ស.រ.អា.​ NASA​ បានចូលរួម​ក្នុង​គម្រោង​ឈ្មោះ ​Uber Elevate ​ដែលមាន​គោលដៅ​គាំទ្រក្រុមហ៊ុន​នានា​ដែល​កំពុង​ធ្វើ​រថយន្ត ​ហើយ​នឹង​អ្នក​ធ្វើច្បាប់​ និង​រដ្ឋាភិបាល​ ដែល​ទាក់ទង​នឹងការរៀបចំច្បាប់។

ក្រុមហ៊ុន​ Uber​ ចាត់ទុកខ្លួន​ឯង​ជា​កាតាលីករ​គឺអ្នកផ្តួចផ្តើម ហើយ​បាន​ចេញ​ឯកសារ​ស្រាវជ្រាវ​កាលពីឆ្នាំមុន ​ដោយ​និយាយ​ថា​ ឡានហោះ​របស់ខ្លួនមាន​រួបរាង​ស្រដៀងគ្នា​នឹងឧទ្ធម្ភាគ​ចក្រ ​តែ​មាន​សំឡេង​ស្ងាត់ជាង​ ហើយ​តម្លៃថោក​ ​ព្រោះប្រតិបត្តិការ​ផលិត​មាន​ទ្រង់ទ្រាយ​ធំ។

ឯកសារនេះ​និយាយថា ​Uber ​ប្រាប់​ឲ្យដឹង​ថា ​ឡានហោះ​របស់​ខ្លួន​ដែល​ប្រើ​ថាមពល​អគ្គិសនី​នឹង​ហោះឡើង​ត្រង់​ទៅលើ​ពេលចេញដំណើរ​ និងចុះចត​ត្រង់ចុះ​មក​ក្រោម​នៅកន្លែងចំណត។ ​ក្រុមហ៊ុន​នេះជឿថា​ ទស្សន​វិស័យ​នេះ​អាច​ធ្វើបាន​ក្នុង​ពេលមួយ​ទសវត្សរ៍​ទៀត​ ដោយ​មានកិច្ច​សហការ​ត្រឹមត្រូវ។ ​

លោក Moore​ បានប្រាប់​សារព័ត៌មាន​ Bloomberg ​ថា ​លោករំពឹង​ថា ​នឹងមាន​ប្រភេទ​ឡាន​ហោះច្រើនប្រភេទ ដោយមានមនុស្សបើកក្នុង​ពេល១ឆ្នាំទៅ​៣ឆ្នាំ​ទៀត។ ​

ក្រុមហ៊ុន​ Uber ឲ្យដឹងថា​ អ្នកដំណើរ​អាច​ជិះឡាន​ Uber​ រត់លើដី​ពីផ្ទះ​ទៅ​ចំណត​ដែលគេ​ហៅថា​ Vertiport ​គឺ​ចំណតឡាន Uber​ ហោះ។​ ឡាន ​Uber​ ហោះ​នេះនឹង​ដឹក​អ្នក​ដំណើរ​ទៅ​ចំណតឡាន ​Uber ហោះ​មួយ​ដែល​នៅជិត​គោល​ដៅធ្វើ​ដំណើរ​របស់​ខ្លួន៕

XS
SM
MD
LG