ភ្នំពេញ —
គណៈកម្មាធិការជាតិរៀបចំការបោះឆ្នោតដែលហៅកាត់ថាគ.ជ.ប. បានតម្រូវឲ្យគណបក្សចំនួនពីរដែលបានស្នើសុំចុះបញ្ជីចុងក្រោយគេឲ្យធ្វើការកែតម្រូវនូវឯកសារចាំបាច់របស់ខ្លួននៅថ្ងៃអង្គារនេះ។
លោកទេព នីថា អគ្គលេខាធិការគ.ជ.ប. ឲ្យដឹងថាគណបក្សទាំងពីរមានកំហុសផ្នែកអក្ខរាវិរុទ្ធ គ្មាន បញ្ជីឈ្មោះបេក្ខជនតំណាងរាស្ដ្រនិងគ្មានបង្កាន់ដៃបង់ប្រាក់ចូលរតនាគារជាតិ។
«ព្រឹកមិញនេះគ.ជ.ប. បានសម្រេចលើគណបក្សពីរទៀតគឺគណបក្សខ្មែរឈប់ក្រនិងគណបក្សខ្មែរអភិវឌ្ឍន៍សេដ្ឋកិច្ចដែលតម្រូវឲ្យគាត់ធ្វើការកែតម្រូវនូវឯកសារខ្វះខាតក្នុងរយៈពេលប្រាំថ្ងៃទៀត»។
គណបក្សទាំងពីរនេះទើបនឹងដាក់ពាក្យស្នើសុំចុះបញ្ជីឈ្មោះគណបក្សកាលពីថ្ងៃច័ន្ទទី១៣ខែឧសភា ដែលជាថ្ងៃចុងក្រោយនៃរយៈពេល១៥ថ្ងៃសម្រាប់ការដាក់ពាក្យស្នើសុំចុះបញ្ជីគណបក្សនិងបញ្ជីឈ្មោះបេក្ខជនតំណាងរាស្ដ្រ។
លោកស៊ីន វណ្ណារិទ្ធ អគ្គលេខាធិការគណបក្សខ្មែរឈប់ក្រ មានប្រសាសន៍ថាលោកបានទៅយកសំណុំឯកសារពី គ.ជ.ប. នៅល្ងាចថ្ងៃអង្គារនេះហើយលោកបញ្ជាក់ថាកំហុសភាគច្រើននៃឯកសារទាំងនោះគឺជាកំហុសអក្ខរាវិរុទ្ធ។
«ខ្ញុំសង្ឃឹមថាធ្វើទាន់ពីព្រោះឯកសារដែលច្រើនលើសលប់យើងអត់តម្រូវឲ្យមេឃុំបញ្ជាក់សារជាថ្មីទេ»។
គណបក្សខ្មែរឈប់ក្រមានបេក្ខជនឈរឈ្មោះតំណាងរាស្ដ្រនៅក្នុង២៣ខេត្តក្រុងក្នុងចំណោមខេត្តក្រុងសរុបចំនួន២។
ដោយឡែកលោកលឹម សំណាង អនុប្រធានគណបក្សខ្មែរអភិវឌ្ឍន៍សេដ្ឋកិច្ចដែលមិនទាន់មានបញ្ជីឈ្មោះបេក្ខជនតំណាងរាស្ដ្រ អះអាងថាគណបក្សរបស់លោកនឹងកែតម្រូវនូវឯកសារនេះនិងប្រគល់ជូនគ.ជ.ប. វិញនៅថ្ងៃទី១៨ខែឧសភាខាងមុខ។
គ.ជ.ប.ក៏បានស្នើឲ្យគណបក្សសង្គ្រោះជាតិដែលបង្កើតឡើងរួមគ្នាដោយលោកសម រង្ស៊ី និងលោកកឹម សុខា ឲ្យកែតម្រូវលើឈ្មោះបេក្ខជនចំនួនជាង២០ រូប។ បេក្ខជនទាំងនេះមានកំហុសផ្នែកអក្ខរាវិរុទ្ធ ខ្វះទិន្នន័យអំពីភេទឬថ្ងៃខែកំណើតជាដើមហើយគណបក្សជំទាស់នេះនៅមិនទាន់បានបញ្ជូនត្រឡប់ទៅកាន់គ.ជ.ប. វិញនូវឯកសារទាំងនេះទេ។
បើតាមច្បាប់បោះឆ្នោត គ.ជ.ប. មានរយៈពេលមួយសប្តាហ៍ដើម្បីធ្វើការត្រួតពិនិត្យនិងសម្រេចលើពាក្យស្នើសុំចុះបញ្ជីគណបក្សនិងបញ្ជីបេក្ខជនតំណាងរាស្ដ្រ។ ហើយប្រសិនបើមានបញ្ហាបែបណានោះ គ.ជ.ប. នឹងបញ្ជូនសំណុំឯកសារទាំងនោះទៅកាន់គណបក្សសាម៉ីវិញដើម្បីកែសម្រួល។ គណបក្សសាម៉ីមានរយៈពេលប្រាំថ្ងៃសម្រាប់ធ្វើការកែតម្រូវនូវឯកសាររបស់ខ្លួន។
លោកទេព នីថា ឲ្យដឹងថាប្រសិនបើគណបក្សណាមួយបំពេញនូវឯកសាររបស់ខ្លួនមិនគ្រប់គ្រាន់ក្រោយពីការកែតម្រូវនោះ គ.ជ.ប. មានសិទ្ធិបដិសេធចុះបញ្ជីឈ្មោះគណបក្សនោះសម្រាប់ចូលរួមប្រកួតប្រជែងការបោះឆ្នោតដែលនឹងប្រព្រឹត្តទៅចំថ្ងៃអាទិត្យទី២៨ខែកក្កដាឆ្នាំ២០១៣នេះ។
រហូតមកទល់ពេលនេះក្នុងចំណោមគណបក្សសរុបចំនួនប្រាំបីដែលបានស្នើសុំចុះបញ្ជីគណបក្សនិងបញ្ជីបេក្ខជនតំណាងរាស្ដ្រមានគណបក្សចំនួនប្រាំត្រូវទទួលស្គាល់ជាផ្លូវការដោយ គ.ជ.ប.។ ក្នុងនោះមានគណបក្សប្រជាជនកម្ពុជារបស់លោកនាយករដ្ឋមន្ត្រី ហ៊ុន សែន គណបក្សហ្វ៊ុនស៊ីនប៉ិច របស់លោកញ៉ឹក ប៊ុនឆៃ គណបក្សសញ្ជាតិកម្ពុជា គណបក្សសម្ព័ន្ធដើម្បីប្រជាធិបតេយ្យនិងគណបក្សសាធារណរដ្ឋប្រជាធិបតេយ្យ៕
លោកទេព នីថា អគ្គលេខាធិការគ.ជ.ប. ឲ្យដឹងថាគណបក្សទាំងពីរមានកំហុសផ្នែកអក្ខរាវិរុទ្ធ គ្មាន បញ្ជីឈ្មោះបេក្ខជនតំណាងរាស្ដ្រនិងគ្មានបង្កាន់ដៃបង់ប្រាក់ចូលរតនាគារជាតិ។
«ព្រឹកមិញនេះគ.ជ.ប. បានសម្រេចលើគណបក្សពីរទៀតគឺគណបក្សខ្មែរឈប់ក្រនិងគណបក្សខ្មែរអភិវឌ្ឍន៍សេដ្ឋកិច្ចដែលតម្រូវឲ្យគាត់ធ្វើការកែតម្រូវនូវឯកសារខ្វះខាតក្នុងរយៈពេលប្រាំថ្ងៃទៀត»។
គណបក្សទាំងពីរនេះទើបនឹងដាក់ពាក្យស្នើសុំចុះបញ្ជីឈ្មោះគណបក្សកាលពីថ្ងៃច័ន្ទទី១៣ខែឧសភា ដែលជាថ្ងៃចុងក្រោយនៃរយៈពេល១៥ថ្ងៃសម្រាប់ការដាក់ពាក្យស្នើសុំចុះបញ្ជីគណបក្សនិងបញ្ជីឈ្មោះបេក្ខជនតំណាងរាស្ដ្រ។
លោកស៊ីន វណ្ណារិទ្ធ អគ្គលេខាធិការគណបក្សខ្មែរឈប់ក្រ មានប្រសាសន៍ថាលោកបានទៅយកសំណុំឯកសារពី គ.ជ.ប. នៅល្ងាចថ្ងៃអង្គារនេះហើយលោកបញ្ជាក់ថាកំហុសភាគច្រើននៃឯកសារទាំងនោះគឺជាកំហុសអក្ខរាវិរុទ្ធ។
«ខ្ញុំសង្ឃឹមថាធ្វើទាន់ពីព្រោះឯកសារដែលច្រើនលើសលប់យើងអត់តម្រូវឲ្យមេឃុំបញ្ជាក់សារជាថ្មីទេ»។
គណបក្សខ្មែរឈប់ក្រមានបេក្ខជនឈរឈ្មោះតំណាងរាស្ដ្រនៅក្នុង២៣ខេត្តក្រុងក្នុងចំណោមខេត្តក្រុងសរុបចំនួន២។
ដោយឡែកលោកលឹម សំណាង អនុប្រធានគណបក្សខ្មែរអភិវឌ្ឍន៍សេដ្ឋកិច្ចដែលមិនទាន់មានបញ្ជីឈ្មោះបេក្ខជនតំណាងរាស្ដ្រ អះអាងថាគណបក្សរបស់លោកនឹងកែតម្រូវនូវឯកសារនេះនិងប្រគល់ជូនគ.ជ.ប. វិញនៅថ្ងៃទី១៨ខែឧសភាខាងមុខ។
គ.ជ.ប.ក៏បានស្នើឲ្យគណបក្សសង្គ្រោះជាតិដែលបង្កើតឡើងរួមគ្នាដោយលោកសម រង្ស៊ី និងលោកកឹម សុខា ឲ្យកែតម្រូវលើឈ្មោះបេក្ខជនចំនួនជាង២០ រូប។ បេក្ខជនទាំងនេះមានកំហុសផ្នែកអក្ខរាវិរុទ្ធ ខ្វះទិន្នន័យអំពីភេទឬថ្ងៃខែកំណើតជាដើមហើយគណបក្សជំទាស់នេះនៅមិនទាន់បានបញ្ជូនត្រឡប់ទៅកាន់គ.ជ.ប. វិញនូវឯកសារទាំងនេះទេ។
បើតាមច្បាប់បោះឆ្នោត គ.ជ.ប. មានរយៈពេលមួយសប្តាហ៍ដើម្បីធ្វើការត្រួតពិនិត្យនិងសម្រេចលើពាក្យស្នើសុំចុះបញ្ជីគណបក្សនិងបញ្ជីបេក្ខជនតំណាងរាស្ដ្រ។ ហើយប្រសិនបើមានបញ្ហាបែបណានោះ គ.ជ.ប. នឹងបញ្ជូនសំណុំឯកសារទាំងនោះទៅកាន់គណបក្សសាម៉ីវិញដើម្បីកែសម្រួល។ គណបក្សសាម៉ីមានរយៈពេលប្រាំថ្ងៃសម្រាប់ធ្វើការកែតម្រូវនូវឯកសាររបស់ខ្លួន។
លោកទេព នីថា ឲ្យដឹងថាប្រសិនបើគណបក្សណាមួយបំពេញនូវឯកសាររបស់ខ្លួនមិនគ្រប់គ្រាន់ក្រោយពីការកែតម្រូវនោះ គ.ជ.ប. មានសិទ្ធិបដិសេធចុះបញ្ជីឈ្មោះគណបក្សនោះសម្រាប់ចូលរួមប្រកួតប្រជែងការបោះឆ្នោតដែលនឹងប្រព្រឹត្តទៅចំថ្ងៃអាទិត្យទី២៨ខែកក្កដាឆ្នាំ២០១៣នេះ។
រហូតមកទល់ពេលនេះក្នុងចំណោមគណបក្សសរុបចំនួនប្រាំបីដែលបានស្នើសុំចុះបញ្ជីគណបក្សនិងបញ្ជីបេក្ខជនតំណាងរាស្ដ្រមានគណបក្សចំនួនប្រាំត្រូវទទួលស្គាល់ជាផ្លូវការដោយ គ.ជ.ប.។ ក្នុងនោះមានគណបក្សប្រជាជនកម្ពុជារបស់លោកនាយករដ្ឋមន្ត្រី ហ៊ុន សែន គណបក្សហ្វ៊ុនស៊ីនប៉ិច របស់លោកញ៉ឹក ប៊ុនឆៃ គណបក្សសញ្ជាតិកម្ពុជា គណបក្សសម្ព័ន្ធដើម្បីប្រជាធិបតេយ្យនិងគណបក្សសាធារណរដ្ឋប្រជាធិបតេយ្យ៕
