រដ្ឋមន្ត្រីការពារជាតិតួកគីលោក Hulusi Akar បានប្រាប់រដ្ឋាភិបាលក្រុងវ៉ាស៊ីនតោនកាលពីថ្ងៃចន្ទថា ប្រទេសតួកគីនឹងស្វែងរកជម្រើសផ្សេង ប្រសិនបើរដ្ឋាភិបាលក្រុងវ៉ាស៊ីនតោនមិនបញ្ឈប់ការដាក់ទណ្ឌកម្មលើការលក់យន្តហោះ F-35។
ជម្លោះការលក់យន្តហោះចម្បាំងដែលត្រូវបានគេចាត់ទុកថាជាគន្លឹះសម្រាប់ការការពារប្រទេសតួកគីនាពេលអនាគតគឺជាការរំឭកឡើងវិញនូវជម្លោះស្រដៀងគ្នារយៈកាលមួយសតវត្សរ៍។
ដោយសង្ឃឹមថា មានវិធីសមហេតុផល និងសមរម្យ ដែលអាចដោះស្រាយការផ្អាករបស់រដ្ឋាភិបាលក្រុងវ៉ាស៊ីនតោនលើការលក់យន្តហោះ F-35 នេះ លោក Akar បាននិយាយថា ប្រសិនបើមិនអាចរកច្រកចេញទេ គ្រប់គ្នាគួរតែដឹងថា យើងនឹងស្វែងរកផ្លូវផ្សេងទៀត។
ប្រធានាធិបតីតួកគីលោក Recep Tayyip Erdogan បានបញ្ជាក់ថា យន្តហោះចម្បាំងប្រភេទ SU-35 របស់រុស្ស៊ីកំពុងត្រូវបានគេចាត់ទុកថា ជាជម្រើសមួយជំនួសយន្តហោះ F-35 របស់អាមេរិក ប្រសិនបើមិនបញ្ឈប់ការហាមឃាត់ការលក់នេះ។ ប្រធានាធិបតីអាមេរិកលោក ដូណាល់ ត្រាំ ផ្អាកការលក់យន្តហោះនេះ បន្ទាប់ពីរដ្ឋាភិបាលក្រុងអង់ការ៉ាបានទិញប្រព័ន្ធមីស៊ីល S-400 របស់រុស្ស៊ី។ រដ្ឋាភិបាលក្រុងវ៉ាស៊ីនតោនអះអាងថា រ៉ាដាទំនើបរបស់ មីស៊ីល S-400 ធ្វើឱ្យអន្តរាយដល់ប្រព័ន្ធការពាររបស់អូតង់ជាពិសេសបច្ចេកវិទ្យាបំបាំងកាយរបស់យន្តហោះ F-35។
រដ្ឋាភិបាលក្រុងអង់ការ៉ាអះអាងថា រដ្ឋាភិបាលក្រុងវ៉ាស៊ីនតោនជាអ្នកផ្តើមជម្លោះនេះ៕
