ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

លោក Trump នឹង​មិន​ប្រកាស​ដាក់​ប្រទេស​ជាតិ​ក្នុង​ភាពអាសន្ន​ដើម្បី​សង់​ជញ្ជាំងព្រំដែន​នោះ​ទេ


លោក​ប្រធានាធិបតី ដូណាល់ ត្រាំ ថ្លែង​នៅ​ក្នុង​សន្និសីទ​កសិកម្ម​សហព័ន្ធ​មួយ​ នៅ​ក្នុង​ក្រុង New Orleans កាលពី​ថ្ងៃទី១៤​ ខែមករា ឆ្នាំ២០១៩។

ប្រធានាធិបតី​អាមេរិក​លោក Donald Trump កាល​ពី​ថ្ងៃចន្ទ​បាន​និយាយ​ថា​ លោក​នឹង​មិន​ប្រកាស​ដាក់​ប្រទេស​ក្នុង​ភាពអាសន្ន​ដើម្បី​សង់​ជញ្ជាំង​ព្រំដែន​អាមេរិក-ម៉ិកស៊ិក​ភ្លាមៗ​នោះ​ទេ​ ប៉ុន្តែ​ជំនួស​មក​វិញ​លោក​ទាមទារ​ឲ្យ​គណបក្សប្រជាធិបតេយ្យ​យល់​ព្រម​ផ្តល់​ថវិកា​សម្រាប់​សង់​របាំង​ព្រំដែន។

ប្រធានាធិបតី​អាមេរិក​លោក Donald Trump កាល​ពី​ថ្ងៃចន្ទ​បាន​និយាយ​ថា​ លោក​នឹង​មិន​ប្រកាស​ដាក់​ប្រទេស​ក្នុង​ភាពអាសន្ន​ដើម្បី​សង់​ជញ្ជាំង​ព្រំដែន​អាមេរិក-ម៉ិកស៊ិក​ភ្លាមៗ​នោះ​ទេ​ ប៉ុន្តែ​ជំនួស​មក​វិញ​លោក​ទាមទារ​ឲ្យ​គណបក្សប្រជាធិបតេយ្យ​យល់​ព្រម​ផ្តល់​ថវិកា​សម្រាប់​សង់​របាំង​ព្រំដែន។

លោក Trump បាន​ប្រាប់​ក្រុម​អ្នកសារព័ត៌មាន​នៅ​ឯ​សេតវិមាន​ខណៈ​លោក​ចាកចេញ​ទៅ​ចូលរួម​សិន្និសីទ​ស្តី​ពី​វិស័យ​កសិកម្ម​នៅ​ក្រុង New Orleansថា «នេះ​ជា​រឿង​សាមញ្ញ​បំផុត។ ពួកប្រជាធិបតេយ្យ​ជា​អ្នក​បញ្ឈប់​ធ្វើ​មិន​ឲ្យ​ពួក​អ្នក​ធ្វើការ​ទទួល​បាន​ប្រាក់ខែ»។ បុគ្គលិក​រដ្ឋាភិបាល​សហព័ន្ធ​ចំនួន៨សែននាក់​បាន​បាត់បង់​ការងារ​បណ្តោះអាសន្ន​ ឬ​ធ្វើការ​មិន​បាន​ទទួល​ប្រាក់ខែ​ក្នុង​រយៈពេល២៤ថ្ងៃ​នៃ​ការ​បិទ​ទ្វារ​ផ្នែកខ្លះ​នៃ​រដ្ឋាភិបាល។

លោក Trump បានបដិសេធ​សំណើរ​របស់​លោក Lindsey Graham​ សមាជិក​ព្រឹទ្ធ​ខាង​គណបក្ស​សាធារណរដ្ឋ​ដែល​ជា​អ្នកគាំទ្រ​យ៉ាង​ស្មោះស្ម័គ្រ​ម្នាក់​របស់​លោក​ដែល​បាន​ស្នើ​ឲ្យ​បញ្ចប់​ការ​បិទទ្វារ​រដ្ឋាភិបាល​ដ៏​យូរបំផុត​នៅក្នុង​ប្រវត្តិសាស្ត្រ​អាមេរិកាំង​ និង​ស្នើ​ឲ្យ​បើក​ទ្វារ​រដ្ឋាភិបាល​ឡើងវិញ​ ខណៈលោក​ Trump ​កំពុង​ចរចា​ជាមួយ​មេដឹកនាំ​ខាង​គណបក្សប្រជាធិបតេយ្យ​អំពី​ផែនការ​សង់ជញ្ជាំង​ព្រំដែន​ប្រវែង​៣២០០​គីឡូម៉ែត្រ​នៅ​ព្រំដែន​ភាគត្បូង​សហរដ្ឋអាមេរិក។ ក៏​ប៉ុន្តែ​លោក Trump បាន​ឆ្លើយតប​ទៅ​នឹង​សំណើ​នោះ​វិញ​ថា​ លោក​មិន​ចាប់​អារម្មណ៍។

លោក​បាន​និយាយ​ទៀត​ថា​ យើង​កំពុង​និយាយ​អំពី​សន្តិសុខព្រំដែន។ តើអ្នកណា​អាច​ប្រឆាំង​នឹង​បញ្ហា​នេះ​បាន? យើង​មាន​ឧក្រិដ្ឋជន​ ពួកជន​អន្ធពាល​ឆ្លង​មក​ព្រំដែន​របស់​យើង។ ពួក​ប្រជាធិបតេយ្យ​មិន​ចង់​ធ្វើ​អ្វី​សោះ​ចំពោះ​បញ្ហា​ទាំងអស់​នេះ»៕

XS
SM
MD
LG