លោកប្រធានាធិបតីសហរដ្ឋអាមេរិក ដូណាល់ ត្រាំ បានថ្លែងថា លោកនឹងដកកងទ័ព អាមេរិកចំនួន២០០០ នាក់ចេញពីប្រទេសស៊ីរីនៅក្នុងល្បឿនសមរម្យ ខណៈពេល ជាមួយគ្នាដែលអាមេរិកកំពុងបន្តវាយប្រហារដោយយោធាប្រឆាំងនឹងក្រុមភេរវជន រដ្ឋឥស្លាម។
លោកត្រាំ នៅក្នុងសារតាមប្រព័ន្ធ Twitter កាលពីថ្ងៃចន្ទមិនបានកំណត់ពេលវេលា ដើម្បីដកកងទ័ពទេ ហើយបានចំអកអ្វីដែលលោកបានបញ្ជាក់ថាជារឿងមិនពិត ក្នុងកាសែតញូវយ៉ក ថែម ដែលបានផ្សាយថាលោក ត្រាំបានដកការប្រកាសរបស់លោក កាលពីថ្ងៃទី១៩ ខែធ្នូចំពោះការដកកងទ័ពឲ្យបានឆាប់រហ័ស ដែលរឿងនេះក្រុមមន្ត្រី រដ្ឋបាលលោក ត្រាំពេលនោះ បានព្យាករណ៍ថាវាអាចចំណាយពេល៣០ថ្ងៃ។
លោក ចន បូលតុន (John Bolton) ទីប្រឹក្សាសន្តិសុខជាតិលោក ត្រាំ បាននិយាយ កាលពីថ្ងៃអាទិត្យក្នុងពេលបំពេញទស្សនកិច្ចទៅកាន់ប្រទេសអ៊ីស្រាអែលថា កងទ័ព អាមេរិកអាចបន្តស្ថិតនៅក្នុងប្រទេសស៊ីរី រហូតទាល់តែក្រុមរដ្ឋឥស្លាម ត្រូវបរាជ័យ ហើយរដ្ឋបាលលោក ត្រាំ បានទទួលការធានាពីប្រទេសតួកគីថា ខ្លួននឹងមិនវាយ ប្រហារតម្រង់គោលដៅលើក្រុមឃឺដ ដែលជាសម្ព័ន្ធមិត្តរបស់អាមេរិកឡើយ។
លោក បូលតុន បានបញ្ជាក់ថា លោក ត្រាំចង់ឲ្យក្រុមគ្រប់គ្រងរដ្ឋតាមរបៀបស្តេច ក្រាញ់ Caliphate គឺ ISIS រលាយ ដោយនិយាយយោងទៅលើក្រុមរដ្ឋឥស្លាមដែល ទាមទារកាន់កាប់តំបន់ រ៉ាខា ភាគខាងជើងប្រទេសស៊ីរីជារដ្ឋធានីនៃដែនដីខ្លួន ក្នុងប្រទេសស៊ីរីនិងប្រទេសអ៊ីរ៉ាក់៕
