ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

លោក​ ត្រាំ​ដក​ចេញ​សំណើ​ជ្រើស​តាំង​នាយក​ចារកម្ម​ពេល​អ្នកការសែត​ឆ្កឹះ​កកាយ


រូបភាពឯកសារ៖ លោក John Ratcliffe សមាជិក​សភា​រដ្ឋ​តិចសាស​កំពុង​សួរ​ទៅកាន់​អតីតទីប្រឹក្សា​ពិសេស Robert Mueller។

ការ​ជ្រើស​រើស​នាយក​ផ្នែក​ស៊ើប​ការណ៍​សម្ងាត់​របស់​លោក​ប្រធានាធិបតី​អាមេរិក ដូណាល់ ត្រាំ​ត្រូវ​ដក​ចេញ​ការ​ជ្រើស​តាំង​នោះ​វិញ​ ក្រោយ​ពេល​មាន​កំណើន​នៃ​ការ​សួរ​នាំច្រើន​អំពី​គុណសម្បត្តិ​ និង​បទពិសោធន៍​របស់​បេក្ខជន។

បើតាម​សំណេរ​របស់​លោក ​ត្រាំ​តាមប្រព័ន្ធ​ទ្វីតធឺ​លោក​បានឲ្យ​ដឹងថា​លោក​ John Ratcliffe ​សមាជិក​សភា​ដែល​ត្រូវបាន​ជ្រើស​តាំង​សម្រាប់​មុខ​តំណែង​នាយក​ចារកម្ម​អាមេរិក ​បាន​សម្រេច​ចិត្ត​នៅ​បន្ត​មុខតំណែង​ក្នុងសភា ​ដែល​ជាទី​ដែល​លោក​បាន​ធ្វើ កិច្ចការ​ដ៏អស្ចារ្យ ​ក្នុង​ឋានៈ​ជា​អ្នក​តំណាង​ឲ្យ​ពលរដ្ឋ​នៃរដ្ឋ ​តិចសាស់ ​និង​ប្រទេស​របស់ យើង។​ លោក​ប្រធានាធិបតី​ បាន​ស្តីបន្ទោស​ការឆ្កឹះ​កកាយ​របស់​ប្រព័ន្ធ​ព័ត៌មាន​ថ្មីៗ​នេះ ​ដែល​នាំឲ្យ​លោក​សើរើ​ការ​សម្រេច​ចិត្ត ​ហើយ​លោក​បាន​ប្រាប់​ក្រុម​អ្នក​យកព័ត៌មាន​នៅ​លើ​វាល​ស្មៅ​ប៉ែកខាង​ត្បូង​ក្នុង​សេតវិមាន​កាលពី​ថ្ងៃ​សុក្រ​ថា​ ប្រព័ន្ធ​ផ្សព្វផ្សាយ​មិន​បាន​ផ្តល់​ភាព​យុត្តិធម៌​ដល់​លោក​ Ratcliffe ​ទេ។

លោក​បាន​សង្កត់ធ្ងន់​ថា​ ដំណើរការ​ផ្តល់​សេចក្តី​ទុកចិត្ត​សម្រាប់​ការ​ជ្រើស​តាំង​លោក អាច​ប្រឈម​មុខ​នឹង​ការ​ពន្យាពេល​យូរ ​ហើយ​នឹង​រងការ​វាយ​ប្រហារ​ខ្លាំង​បើលោក​មិន សើរើ​ទេ។​ ការ​ជ្រើស​តាំង​របស់​លោក​ ត្រាំ​ បាន​កើត​ឡើង​ ក្នុង​រយៈពេល​៥ថ្ងៃ​បន្ទាប់​ពី លោក​ត្រាំ​បាន​ធ្វើឲ្យ​មាន​ការ​ភ្ញាក់ផ្អើល​មនុស្ស​ជា​ច្រើន​ក្នុង​រដ្ឋធានី​វ៉ាស៊ីនតោន ​និង​សមាជិក​សភាថ្មីៗ​ក្នុង​គណៈកម្មការ​ទទួល​បន្ទុក​ផ្នែក​ស៊ើប​ការណ៍​សម្ងាត់​របស់​សភា ចំពោះ​ការ​ជ្រើស​តាំង​លោក​ Ratcliffe៕

XS
SM
MD
LG