ការស្ទង់មតិនយោបាយរបស់ស.រ.អា.មួយបានបង្ហាញថា មហាសេដ្ឋីផ្នែកអចលនទ្រព្យដ៏មានឥទ្ធិពល Donald Trump កំពុងនាំមុខយ៉ាងខ្លាំងក្នុងការប្រកួតប្រជែងជាមួយនឹងក្រុមបេក្ខជនសម្រាប់ជ្រើសតាំងជាបេក្ខជនប្រធានាធិបតីស.រ.អា.ឆ្នាំ២០១៦។
ការស្ទង់មតិរបស់សកលវិទ្យាល័យ Quinnipiac កាលពីថ្ងៃព្រហស្បតិ៍បង្ហាញថា អ្នកនយោបាយជើងថ្មីដែលមានទំនុកចិត្តនេះមានការគាំទ្ររហូតដល់ទៅ២៨ភាគរយក្នុងចំណោមអ្នកបោះឆ្នោតឲ្យគណបក្សសាធារណៈរដ្ឋ។ លោកបាន យកប្រៀបយ៉ាងងាយលើគូប្រជែងដែលមានការគាំទ្រប្រហាក់ប្រហែលនឹងលោកក្នុងចំណោមបេក្ខជនចំនួន១៧រូប មានទាំងវេជ្ជបណ្ឌិតផ្នែកខួរក្បាល Ben Carson អ្នកនយោបាយជើងថ្មីម្នាក់ទៀតដែលទទួលបានការគាំទ្រដល់ទៅ១២ភាគរយទូទាំងប្រទេស។
ក្នុងចំណោមការស្ទង់មតិនៃគណបក្សសាធារណៈរដ្ឋចំនួន៦៦៦លើក មានចំនួន ៧ភាគរយ ដែលបានគាំទ្រអតីតអភិបាលរដ្ឋ Florida គឺ លោក Jeb Bush ដែល ជាកូនប្រុស និងបងប្អូនអតីតប្រធានាធិបតីស.រ.អា.ទាំងពីរ ព្រឹទ្ធសមាជិកមកពីរដ្ឋតិចសាស់ Ted Cruz និងព្រឹទ្ធសមាជិកមកពីរដ្ឋ Florida លោក Marco Rubio៕
