ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

​«លោក​ត្រាំ​ត្រូពិក‍»​នាំមុខ​គេ​ក្នុង​ការបោះឆ្នោត​ប្រធានាធិបតី​ប្រេស៊ីល​


រូបភាព​ឯកសារ៖ អ្នកគាំទ្រ​របស់​បេក្ខជន​ប្រធានាធិបតី​ប្រេស៊ីល​ Jair Bolsonaro ក្នុង​ទីក្រុង​ Sao Paulo ប្រទេស​ប្រេស៊ីល​កាលពី​ថ្ងៃទី​៣០ ខែ កញ្ញា ឆ្នាំ ២០១៨។ Brazil, Sept. 30, 2018.

អ្នកបោះឆ្នោត​នៅ​ប្រទេស​ប្រេស៊ីល​ចេញទៅ​បោះឆ្នោត​នៅ​ថ្ងៃអាទិត្យ​នេះ​ដើម្បី​ជ្រើសរើស​ប្រធានាធិបតី​ថ្មី។ អ្នកសង្កេតការណ៍​និយាយ​ថា​ប្រេស៊ីល​ពលរដ្ឋ​ប្រេស៊ីល​ទំនងជា​នឹង​ជ្រើសរើស​បេក្ខជន​ស្តាំ​និយម​ឱ្យ​ឡើង​កាន់អំណាច។

អ្នកបោះឆ្នោត​នៅ​ប្រទេស​ប្រេស៊ីល​ចេញទៅ​បោះឆ្នោត​នៅ​ថ្ងៃអាទិត្យ​នេះ​ដើម្បី​ជ្រើសរើស​ប្រធានាធិបតី​ថ្មី។ អ្នកសង្កេតការណ៍​និយាយ​ថា​ប្រេស៊ីល​ពលរដ្ឋ​ប្រេស៊ីល​ទំនងជា​នឹង​ជ្រើសរើស​បេក្ខជន​ស្តាំ​និយម​ឱ្យ​ឡើង​កាន់អំណាច។ គូប្រជែង​របស់​លោក​និយាយ​ថា​ជ័យជម្នះ​របស់​បេក្ខជន​ស្តាំ​និយម​នេះ​នឹង​គំរាមកំហែង​ដល់​ប្រទេស​មួយ​ដែល​ប្រកាន់​លទ្ធិប្រជាធិបតេយ្យ​ដ៏​ធំ​នៅក្នុង​ពិភពលោក។

​លោក ជែរ បូល​សូ​ណា​រ៉ូ (Jair Bolsonaro) អ្នកតំណាង​រាស្រ្ត​ប្រេស៊ីល​និង​ជា​បេក្ខជន​នាំមុខ​ត្រូវ​បាន​គេដាក់​រហ័ស​នាម​ថា​ «លោក​ត្រាំ​ត្រូពិក‍» ​ដោយសារ​តែ​ចរិ​ក​បង្ហាញ​ការ​ប្រយុទ្ធ មាន​ទស្សនៈ​ដែល​ធ្វើ​ឱ្យ​ប្រទេស​បែងចែក​គ្នា​និង​ជំហរ​ប្រឆាំង​នឹង​ស្ថាប័នរដ្ឋ។

​លោក ​បូល​សូ​ណា​រ៉ូ​ ធ្លាប់​ជា​អនុសេនីយ៍ឯក​កងទ័ព​ហើយ​ត្រូវ​បាន​រង​ការរិះគន់​ដោយសារតែ​លោក​សរសើរ​មេដឹកនាំ​យោធា​ផ្តាច់​ការ​ប្រេស៊ីល​ដែល​បាន​កាន់អំណាច​ពីឆ្នាំ១៩៦៤ដល់​ឆ្នាំ១៩៨៥និង​អត្ថា​ធិប្បាយ​មើលងាយ​អ្នក​ស្រឡាញ់​ភេទ​ដូចគ្នា ជន​ស្បែក​ខ្មៅ និង​ស្ត្រី។

​ការ​ស្ទង់​មតិ​ថ្មីៗ ​នេះ​បង្ហាញថា​លោក​ បូល​សូ​ណា​រ៉ូ​ និង​គណបក្ស​សង្គម​សេរី​និយម​របស់​គាត់​ទទួល​បានការ​គាំទ្រ​ចំនួន៥៧ភាគរយ​ហើយ​លោ​ក ​ហ្វែ​ណង់​ដូ ហា​ដាដ (Fernando Haddad) ប្រធាន​គណបក្ស​ពលករ​ដែល​ប្រកាន់​និន្នាការ​ឆ្វេងនិយម​ទទួល​បាន​សំឡេង៤៣ភាគរយ​បើ​ទោះបីជា​គណបក្ស​នេះ​ធ្លាប់​កាន់អំណាច​ពីឆ្នាំ២០០៣ដល់២០១៦ក៏ដោយ។

​ការបោះឆ្នោត​នៅ​ថ្ងៃអាទិត្យ​នេះ​គឺជា​ការបោះឆ្នោត​នៅ​ជុំ​ទីពីរ​និង​ជាវ​គ្គ​ផ្តាច់​ព្រ័​ត​សម្រាប់​ដំណើរការ​នៃ​ការបោះឆ្នោត​ប្រធានាធិបតី​នៅ​ប្រេស៊ីល។ ការបោះឆ្នោត​ជុំ​ទីមួយ​បាន​ធ្វើឡើង​កាលពី​ថ្ងៃទី៧ខែតុលា​ហើយ​បាន​ជម្រុះ​នៅសល់​បេក្ខជន​ពីរ​នាក់​គឺ​លោក ​បូល​សូ​ណា​រ៉ូ បាន​នាំ មុខ​ដោយ​ទទួល​បាន​សំឡេង​គាំទ្រ​ចំនួន៤៦ភាគរយ៕

XS
SM
MD
LG