ភ្ជាប់​ទៅ​គេហទំព័រ​ទាក់ទង

មនុស្ស​ជា​ច្រើន​បាន​ចូល​រួម​ពិធី​បុណ្យ​សព​មេដឹក​នាំ​សាសនា​នៅ​ឥណ្ឌា


សាវ័ក​​លើក​​សព​​របស់​​លោក​​មេ​​ដឹក​នាំ​​សាសនា​ ​សាធ្យា សៃ បាបា​​ពេល​​ពិធី​​បុណ្យ​​សព​​នៅ​​ក្នុង​​អាស្រម​​មួយ​​នា​​ទី​ក្រុង​​ភុត្តាបារទី​ ក្នុង​​រដ្ឋ​​អាន់​ថ្រា​​ប្រាដែស​ នៅ​​ថ្ងៃ​​ទី​​២៧​​មេសា​ ឆ្នាំ​​២០១១។​

នៅ​ឥណ្ឌា​ ពួក​អ្នក​គាំទ្រ​ជិត​កន្លះ​លាន​នាក់​បាន​ចូល​រួម​បុណ្យ​សព​គ្រូ​ប្រដៅ​សាសនា​ដែល​សាវ័ក​ដ៏​ច្រើន​របស់​លោក​នៅ​ឥណ្ឌា ​និង​បរទេស។ ព្រះសង្ឃ​បាន​ច្រៀង​ចម្រៀង​ថ្វាយ​អាទិទេព​ហិណ្ឌូ​នៅ​ពេល​ដែល​បុណ្យ​សព​ សាធ្យា សៃ បាបា (Sathya​ Sai ​Baba) ​ត្រូវ​បាន​ធ្វើឡើង​នៅ​ក្នុង​ទីក្រុង​ ភុត្តាបារទី (Puttaparti) ដែល​ជា​ទីក្រុង​ដ៏​តូច​មួយ​នៅ​ឥណ្ឌា​ភាគ​ខាងត្បូង​ដែល​ជា​ទីកន្លែង​ដែល​លោក​បាន​រស់នៅ​ ហើយ​ដែល​បាន​ធ្វើ​ឲ្យ​លោក​ល្បីល្បាញ។ មនុស្ស​រាប់សែន​នាក់​បាន​តម្រង់​ជួរ​ដើម្បី​គោរពវិញ្ញាណក្ខន្ធ​ចុង​ក្រោយ​ដល់​មេដឹក​នាំ​សាសនា​ដែល​ពួកគេ​ហៅ​ថា​«ព្រះ​មាន​ជីវិត»។ អ្នក​ចូលរួម​ មាន​ប្រជាពលរដ្ឋ​សាមញ្ញ​ មន្រ្តី​ជាន់ខ្ពស់​ អ្នក​នយោបាយ​ជាន់​ខ្ពស់​ ហើយ​នឹង​ពាណិជ្ជករ។ ដោយមាន​ការ​អំពាវនាវ​របស់​លោក​ទាក់ទិន​នឹង​ជំនឿ​សាសនា​ទាំង​អស់​ ព្រះសង្ឃ​ទីបេ និង​ព្រះសង្ឃ​ ស៊ីខ (Sikh)​ ក៏​ស្ថិត​ក្នុង​ចំណោម​មនុស្ស​ដែល​បាន​សម្តែង​ការគោរព​ដល់​គ្រូ​ប្រដៅ​សាសនា​ដ៏​ល្បីល្បាញបំផុត​របស់​ឥណ្ឌា​នេះ​ដែរ។

បណ្តាញ​ទូរទស្សន៍​ជា​ច្រើន​បាន​ផ្សាយ​បន្ត​ផ្ទាល់ពី​បុណ្យ​សព​នេះ។ ផ្ទាំង​ដ៏​ធំ​មួយ​បាន​ត្រូវ​គេ​ដាក់​នៅ​ក្នុង​ទីក្រុង​ដ៏តូច​មួយ​សម្រាប់​មនុស្ស​កាន់​ទុក្ខ​រាប់​ពាន់​នាក់​ដែល​មិន​អាច​ទៅជិត​ប្រអប់​កញ្ចក់​ដែល​សាកសព​របស់​លោក​បាន​ត្រូវ​គេ​រក្សាទុក​នៅ​ក្នុង​នោះ​ចាប់តាំង​ពី​លោក​បាន​ទទួល​មរណៈភាព​ពី​ព្រោះតែ​ជំងឺសរីរាង្គ​ក្នុង​ជន្មាយុ​៨៤​ព្រះ​វស្សា។

ទោះ​ជា​យ៉ាងណា​ក៏​ដោយ​ ការបញ្ចុះ​សព​ជា​លក្ខណៈ​ឯកជន​ ដែល​បាន​ធ្វើ​ឡើង​នៅ​ខាង​ក្រោយ​វាំងននក្រហម​ដោយ​មាន​វត្តមាន​សមាជិក​គ្រួសារ​ ហើយ​នឹង​សហការី​ជិតស្និទ្ធ​មួយ​ចំនួន​តូច។ សាសនា​ហិណ្ឌូ​ជាទូទៅ​បូជា​ ក៏ប៉ុន្តែ​ចំ​ពោះមនុស្ស​ដែល​ត្រូវ​បាន​គេ​ចាត់ទុក​ជា​មនុស្ស​ពិសិដ្ឋ​ជា​រឿយ​ៗត្រូវ​គេ​បញ្ចុះ។ ទីកន្លែង​បញ្ចុះ​របស់​លោក​សាធ្យា សៃ បាបា​ នឹង​ក្លាយជា​បូជនីយដ្ឋាន។លោកស្រី​ ម៉ាឡា ស្សានការ ដាស (Mala ​Shankar​ Das) ជា​ចិត្តវិទូ​នៅ​សាកលវិទ្យាល័យ ​ដែលី (Delhi​ ​University) និយាយ​ថា​ លក្ខណៈ​សម្បត្តិ​របស់​លោក​ សាធ្យា សៃ បាបា បាន​ជួយ​លោក​ឲ្យក្លាយ​ជា​ធម្មជន​ដូចជា​ព្រះ​ដែល​មាន​បរិស័ទ​រាប់​លាន​នាក់។ លោកស្រី​បន្ត​ថា៖

«គ្មាន​ហេតុផល​ណា​ចំពោះ​ជំនឿ​នេះ​ទេ។ គ្មាន​តថភាព​ចំពោះ​ជំនឿ​នេះ​ទេ។វា​គ្រាន់តែ​ជា​ជំនឿ​មួយ​។​ ពួកគេ​ចង់​បាន​មនុស្ស​ណា​ម្នាក់​ដែល​អាច​ផ្តល់​ឲ្យ​ពួក​គេ​នូវ​ការ​ធូរ​ស្រាល​ខាង​ផ្លូវចិត្ត​ នៅ​ពេល​ដែល​អស់លោក​អ្នក ​និយាយ​ទៅ​កាន់​សាវ័ក​ខ្លះ​ អ្វី​ដែល​ពួកគេ​គិត​ ជា​ការ​អស្ចារ្យ​អំពី​លោក​ ពួកគេ​និយាយ​ថា​នៅ​ពេល​ណា​លោក​ក្រឡេក​មើល​យើង​ នៅ​ពេល​ណា​លោក​ប៉ះ​យើង​ យើង​ដូច​ជា​បាន​ទទួល​ប្រសិទ្ធិពរ​ ហើយ​អ្វី​ទៅជា​ល្អ​សម្រាប់​យើង»។

ទោះបី​ជា​ធំ​ដឹង​ក្តី​ឡើង​ក្នុងនាម​ជា​អ្នកកាន់​សាសនា​ហិណ្ឌូ​ លោក​ សាធ្យា សៃ បាបា ​បាន​ទេសនា​ថា ​«មាន​សាសនា​តែមួយ ​សាសនា​នៃ​ក្តី​ស្រឡាញ់»។ សាវ័ក​របស់​លោក​រួមមាន​ជនបរទេស​ជាច្រើន ​ហើយ​មជ្ឈមណ្ឌល​របស់​លោក​មាននៅ​ក្នុង​១២៦​ប្រទេស។

ប្រែ​សម្រួល​ដោយ ជឹង ​ប៉ូជីន

XS
SM
MD
LG