ភ្ជាប់​ទៅ​គេហទំព័រ​ទាក់ទង

បញ្ហា​ធំៗ​ត្រូវ​បាន​ពិភាក្សា​នៅ​ក្នុង​កិច្ចប្រជុំ G-20


លោក​ប្រធានាធិបតី Donald Trump និង​លោកស្រី​អធិការបតី Angela Merkel ថត​រូប​មុន​កិច្ចប្រជុំ​ទ្វេ​ភាគី​នៅ​ក្នុង​ក្រុង Hamburg ប្រទេស​អាល្លឺម៉ង់ កាលពី​ថ្ងៃទី៦ ខែកក្កដា ឆ្នាំ២០១៧។

ពួក​ប្រមុខ​រដ្ឋ​នៃ​ប្រទេស​២០​មាន​សេដ្ឋកិច្ច​នាំ​មុខ​គេ​ក្នុង​ពិភពលោក​កំពុង​ប្រមូលផ្តុំ​គ្នានៅ​ក្នុង​ក្រុង Hamburg ប្រទេស​អាល្លឺម៉ង់ នៅ​ថ្ងៃ​សុក្រ​នេះ​ដើម្បី​ធ្វើ​ការ​ប្រជុំ​គ្នា​ពីរ​ថ្ងៃ​សម្រាប់​ស្វះស្វែង​ឱ្យ​មាន​ការ​សម្រប​សម្រួល​គ្នា ​និង​ចម្លើយ​ដល់​បញ្ហា​មួយ​ចំនួន​ដោយ​មាន​រួម​បញ្ចូល​ការ​ធ្វើ​ឱ្យ​ផ្សារ​ហិរញ្ញវត្ថុ​ត្រឹមត្រូវ​តាម​បទបញ្ញត្តិ ការ​ប្រឆាំង​នឹង​ភេរវកម្ម​ ការ​ប្រែប្រួលធាតុ​អាកាស ប្រព័ន្ធ​ផ្គត់ផ្គង់ និង​ការ​ប្រយុទ្ធ​ប្រឆាំង​នឹង​ជំងឺ​រាតត្បាត​ខ្លាំង។​

លោកស្រី Angela Merkel អធិការបតី​នៃ​ប្រទេស​អាល្លឺម៉ង់​ដែល​ជា​ម្ចាស់​ផ្ទះ​រៀប​ចំ​សន្និសីទ​កំពូល​នេះ​បាន​មាន​ប្រសាសន៍​កាលពី​ថ្ងៃ​ព្រហស្បតិ៍​ថា​ លោកស្រី​មាន​សង្ឃឹម​ថា ​ពួក​មេដឹកនាំ​ទាំង​នេះ​នឹង​អាច​មាន​ការ​សម្របសម្រួល​គ្នា​និង​ចម្លើយ​ដល់​បញ្ហា​ជា​ច្រើន ទោះ​ណា​ជា​លទ្ធភាព​នៃ​ការ​មាន​ការ​យល់​ឃើញ​ដូចគ្នា​អំពី​ការ​ប្រែប្រួល​អាកាសធាតុ និង​ពាណិជ្ជកម្ម​មាន​ភាព​មិន​ប្រាកដ​ប្រជា​ក៏​ដោយ។

ប្រធានាធិបតី​ស.រ.អា. Donald Trump មាន​ការ​ខ្វែង​គំនិត​ជាមួយ​មេដឹកនាំ​ពិភពលោក​ឯទៀតៗ​ចាប់​តាំង​ពី​គាត់​បាន​ដក​ស.រ.អា.​ចេញ​ពី​កិច្ចព្រមព្រៀង​ក្រុង​ប៉ារីស កាល​ពី​ឆ្នាំ២០១៥​ដែល​មាន​គោលដៅ​កាត់​បន្ថយ​ការ​បញ្ចេញ​ឧស្ម័ន​ផ្ទហ​កញ្ចក់ និង​គោលនយោបាយ «ផ្តល់​អាទិភាព​លើ​ប្រទេស​អាមេរិក» ដែលភាសា​អង់គ្លេស​ហៅ​ថា «America First» ទាក់ទង​នឹង​ពាណិជ្ជកម្ម។ លោក Trump បាន​និយាយ​ថា​ គាត់​មាន​ផែនការ «មុះមុត» សម្រាប់​ដាក់​កំហិត​យក​ពន្ធដារ​ច្រើន ​ឬ​ចំនួន​លើ​ការ​ដឹកជញ្ជូន​ដែក​ថែប​ចូល​មក​លក់​ក្នុង​ស.រ.អា.​ដែល​ជា​ការ​គំរាមកំហែង​ថ្មីៗ​បំផុត​ ហើយ​ប្រហែល​ជា​ការ​គំរាមកំហែង​ខ្លាំង​បំផុត​ដើម្បី​ការពារ​ឧស្សាហកម្ម​ស.រ.អា.​ដែល​បាន​ធ្វើ​ឱ្យ​ប្រទេស​ជា​ដៃ​គូ​ក្នុង​ក្រុម​ប្រទេស G-20 មាន​ការ​ជ្រួលច្រាល​ក្នុងចិត្ត។

គេ​ក៏​មាន​ការ​សង្ឃឹម​ខ្ពស់​ដែរ​អំពី​ការ​ជួប​ទល់​មុខ​គ្នា​ជា​លើក​ដំបូង​នៅ​ថ្ងៃ​សុក្រ​នេះ​រវាង​លោក Trump និង​សមភាគី​រុស្ស៊ី​របស់​គាត់គឺ​លោក​ប្រធានាធិបតី Vladimir Putin។​ សហគមន៍​ខាង​ស៊ើបការណ៍​សម្ងាត់​ស.រ.អា.​បាន​សន្មត​ថា​ លោក​ Putin បាន​បញ្ជា​ដោយ​ផ្ទាល់​ឱ្យ​មាន​យុទ្ធនាការ​មួយ​ដើម្បី​បង្ខូច​ការ​បោះ​ឆ្នោត​បួន​ឆ្នាំ​ម្ដង​ក្នុង​ស.រ.អា. និង​ធ្វើឱ្យ​ខូចខាត​ដល់​កេរ្តិ៍​ឈ្មោះ​លោកស្រី​អតីត​រដ្ឋមន្ត្រី​ការបរទេស​ស.រ.អា. Hillary Clinton ដែល​ជា​គូប្រជែង​របស់ Trump៕

XS
SM
MD
LG