ភ្ជាប់​ទៅ​គេហទំព័រ​ទាក់ទង

ដំណើរការ​នីតិវិធី​សំណុំ​រឿង​ខ្មែរ​ក្រហម​បន្ថែម និង​ កិច្ចការ​របស់​សហ​ចៅក្រម​ស៊ើបអង្កេត​ថ្មី

  • សុខ ខេមរា

ពលរដ្ឋ​ចូលរួម​សវនាការ​កាត់ទោស​មេដឹកនាំ​ខ្មែរ​ក្រហម​នៅឯសាលាក្តី​នៅ​ជាយក្រុង​ភ្នំពេញ ថ្ងៃទី២១ វិច្ឆិកា ២០១១។
វ៉ាស៊ីនតោន៖ អ្នកឃ្លាំមើល​សាលាក្តី​ខ្មែរ​ក្រហម​ទទូច​ដល់​កម្ពុជា​ និង​អសប​ជួយ​គាំទ្រ​សំណុំ​ រឿង​ខ្មែរ​ក្រហម​បន្ថែម​០០៣​ និង​០០៤​ ដ៏​ចម្រូងចម្រាស​នោះ​ មាន​ដំណើរការ​ ទៅ​មុខ​ដោយ​មិន​ជាប់គាំង។​ នេះ​ជា​ការអះអាង​របស់​លោក​ ឡាត់ គី ​អ្នកឃ្លាំមើល​សាលាក្តី​ខ្មែរក្រហម​នៃ​អង្គការ​សិទ្ធិ​មនុស្ស​អាដហុក​ដែល​ជា​វាគ្មិន​ក្នុង​កម្មវិធី​ ហេឡូ​វីអូអេ​ កាលពី​ថ្ងៃព្រហស្បតិ៍។
«បើ​ទុក​ចោល​ពាក់​កណ្តាល​ទី​គឺ​ជា​ដំណោះស្រាយ​បរាជ័យ​ ជា​គំរូ​មួយ​សម្រាប់​ តុលាការ​ព្រហ្មទណ្ឌ​ដ៍ទៃៗ​ឯ​ទៀត»។
សំណុំ​រឿង​០០៣​ និង​០០៤​បាន​ជាប់​គាំង​ ហើយ​ធ្វើ​ឲ្យ​សហចៅក្រម​បរទេស​ពីរ​រូប​លា​ឈប់​ពី​មុខតំណែង​ដោយសារ​អ្វី​មួយ​ដែល​គេ​អះអាង​ថា​ មាន​ការជ្រៀតជ្រែក​ ផ្នែក​នយោបាយ។
សហ​ចៅក្រម​ស៊ើបអង្កេត​អាមេរិកាំងថ្មី​ គឺ​លោក​ ម៉ាក ហាម៉ុន​ដែល​ទើប​តែ​ត្រូវ​បាន​តែងតាំង​នោះ គឺ​តម្រូវ​ឲ្យ​ស៊ើបអង្កេត​បន្ត​ចំពោះ​សំណុំ​រឿង​០០៣​ និង​០០៤​ដែល​រដ្ឋាភិបាល​បាន​ជំទាស់​ដ៍ខ្លាំងក្លា​នោះ។ ក្រុម​អ្នកឃ្លាំមើល​អះអាង​ថា​មាន​ឧបសគ្គ​ជា​ច្រើន​ចំពោះ​ចៅក្រម​ថ្មី​នេះ។ សូម​អញ្ជើញ​ស្តាប់​កម្មវិធី​ហេឡូ​វីអូអេ​កាលពី​ថ្ងៃព្រហស្បតិ៍​ទី២​ខែសីហា​ឆ្នាំ២០១២​ស្តី​អំពី​ «ដំណើរការ​នីតិវិធី​សំណុំ​រឿង​ខ្មែរ​ក្រហម​បន្ថែម​និង​កិច្ចការ​សហ​ចៅក្រម​ស៊ើបអង្កេត​ថ្មី»។
XS
SM
MD
LG