ប៉ូលិសថៃនិយាយថា បុរសម្នាក់ក្នុងចំណោមពីរនាក់ ដែលពាក់ព័ន្ធនឹងការដាក់ បំផ្ទុះគ្រាប់បែកនៅឯទីសក្ការៈបូជាក្នុងក្រុងបាងកកកាលពីខែមុន បានផ្តល់ព័ត៌មានលម្អិតអំពីការពាក់ព័ន្ធដែលត្រូវបានចោទប្រកាន់ក្នុងការវាយប្រហារនោះបន្ថែមទៀត។
ជនសង្ស័យឈ្មោះ Yusufu Mieraili បានសារភាពថា ខ្លួនបានប្រគល់កាបូប ស្ពាយខ្នង ដែលមានគ្រឿងផ្ទុះដល់បុរសម្នាក់ទៀត ដែលគេជឿថា បានចាកចេញពីទីសក្ការៈបូជាមុនពេលគ្រាប់បែកផ្ទុះតែបន្តិច។
ប៉ូលិសថៃនៅថ្ងៃពុធនេះបានដឹកនាំ Mieraili ឲ្យធ្វើត្រាប់ជាសាធារណៈឡើងវិញពាក់ព័ន្ធនឹងសកម្មភាពកាលពីថ្ងៃទី១៧ សីហា ដែលជាថ្ងៃមានការផ្ទុះគ្រាប់បែក ហើយបានសម្លាប់មនុស្ស២០នាក់នោះ។
អ្នកនាំពាក្យប៉ូលិស Prawut Thavornsiri ចង្អុលបង្ហាញពីទីកន្លែងដែលជន សង្ស័យបានជួបគ្នាជាមួយបុរសពាក់អាវលឿង ហើយប្តូរកាបូបស្ពាយ៕
