ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

ការ​វាយប្រហារ​ភេរវកម្ម​នៅ​​បី​ទ្វីប​បាន​សម្លាប់​មនុស្ស​មួយ​ចំនួន


កង​កម្លាំង​សន្តិសុខ​ទុយណេស៊ី​ឈរ​​ល្បាត​នៅ​ច្រក​ចូល​តំបន់​រម្មណីយដ្ឋាននៅ​ជាយ​ក្រុង Sousse ភាគ​ខាង​ត្បូង​រដ្ឋធានី​ Tunis បន្ទាប់​ពី​មាន​ការ​បាញ់​ប្រហារ​នៅ​​រម្មណីយដ្ឋាន​ឆ្នេរ​នោះ​កាល​ពី​ថ្ងៃ​សុក្រ ទី២៧ ខែ​មិថុនា ឆ្នាំ២០១៥។
កង​កម្លាំង​សន្តិសុខ​ទុយណេស៊ី​ឈរ​​ល្បាត​នៅ​ច្រក​ចូល​តំបន់​រម្មណីយដ្ឋាននៅ​ជាយ​ក្រុង Sousse ភាគ​ខាង​ត្បូង​រដ្ឋធានី​ Tunis បន្ទាប់​ពី​មាន​ការ​បាញ់​ប្រហារ​នៅ​​រម្មណីយដ្ឋាន​ឆ្នេរ​នោះ​កាល​ពី​ថ្ងៃ​សុក្រ ទី២៧ ខែ​មិថុនា ឆ្នាំ២០១៥។

លោកនាយករដ្ឋ​មន្រ្តី​បារាំង​បាន​ព្រមាន​នៅ​ថ្ងៃ​សៅរ៍​នេះ​ថា ​ប្រទេស​បារាំង​អាច​រំពឹង​ នឹង​មានការ​វាយ​ប្រហារ​ភេរវកម្មកាន់​តែ​ច្រើន​ឡើង ​បន្ទាប់​ពី​ការវាយ​ប្រហារ​ភេរវកម្ម​៣​កាល​ពី​ថ្ងៃ​សុក្រ​ម្សិលមិញ ​ដែល​មិន​ត្រឹមតែ​កើត​មាន​ឡើង​ក្នុង​ប្រទេស​បារាំង​ប៉ុណ្ណោះ​ទេ ​ប៉ុន្តែក៏​បានកើត​មាន​ឡើងនៅ​ក្នុង​ប្រទេសទុយណេស៊ី​ និង​ប្រ​ទេស​គុយវ៉ែត​ផង​ដែរ។

លោក Manuel Valls បាន​មាន​ប្រសាសន៍​ថា «សំណួរ​នោះ​មិន​ថា​តើ​នឹង​មាន​ការ​វាយ​ប្រហារ​មួយ​ទៀត​ដែរ​ឬទេ ​ក៏ប៉ុន្តែ​នៅពេល​ណា‍»។

មេដឹកនាំ​ពិភពលោក​បាន​ចូលរួម​នៅ​ក្នុង​ការ​ថ្កោល​ទោស​ការវាយ​ប្រហារ​នៅ​ទ្វីប​ទាំង​៣​កាល​ពី​ថ្ងៃសុក្រ ​ដែល​បាន​ធ្វើ​ឲ្យ​មនុស្ស​រាប់​សិប​នាក់​ស្លាប់​ក្នុង​រយៈ​ពេល​ប៉ុន្មាន​ម៉ោង​ពី​គ្នា​តែ​ប៉ុណ្ណោះ។

សេតវិមាន​បាន​ពណ៌នា​ការ​វាយ​ប្រហារ​នេះ​ថា​ ជា​ការ​សាហាវ​យង់ឃ្នង។ សេតវិ​មាន ​បាន​ប្រាប់​ឲ្យដឹង​នៅ​ក្នុង​សេចក្តី​ថ្លែងការណ៍​ ដែល​បាន​ចេញ​ផ្សាយ​ភ្លាម​ៗ​ បន្ទាប់​ពីការ​វាយ​ប្រហារ​នោះ​ថា «ភេរវកម្ម​គ្មាន​ទី​កន្លែង​នៅ​ក្នុង​សង្គម​ទេ‍»។

កាល​ពី​ព្រឹកថ្ងៃ​សុក្រ ​ខ្មាន់​កាំភ្លើង​២​នាក់​បាន​វាយ​សង្គ្រប់​សណ្ឋាគារ​នៅ​ឆ្នេរ​សមុទ្រ​លំហែកាយទេសចរណ៍​ក្នុង​ទីក្រុង Sousse ដោយ​បាន​សម្លាប់​មនុស្ស​យ៉ាង​ហោច​ណាស់​ក៏​៣៨​នាក់ ​ភាគ​ច្រើន​ជាជន​ជាតិ​អង់គ្លេស ​មុនពេល​ការវាយ​ប្រហារ​នោះ​ត្រូវ​បាន​បញ្ឈប់។ លោក​នាយករដ្ឋមន្រ្តី Habib Essid បាន​និយាយ​ថា ​លោក​បាន​បិទ​ព្រះ​វិហារ​សាសនា​អ៊ីស្លាម ដែល​មិនមែន​ស្ថិត​នៅ​ក្រោម​ការ​ត្រួតត្រា​របស់​ក្រសួង​កិច្ចការ​សាសនា។​ លោក​បាន​និយាយ​ថា «​ព្រះ​វិហារ​អ៊ីស្លាមណា ​ដែល​មិន​បានអនុវត្ត​ទៅ​តាម​ច្បាប់​នឹង​មិន​ត្រូវ​អត់​ឱន‍​ឲ្យ»។

នៅ​ក្នុង​ប្រទេស​គុយវ៉ែត ​អ្នក​ដាក់​គ្រាប់​បែក​អត្ត​ឃាត​ម្នាក់បាន​បំផ្ទុះ​ខ្លួន​ឯង​នៅ​ក្នុង​ព្រះ​វិហារ​អ៊ីស្លាម​និកាយស៊ី​អ៊ីដ​ ​ដែល​ពោរ​ពេញ​ទៅ​ដោយ​មនុស្ស​ ​ដោយ​បាន​ធ្វើ​ឲ្យ​មនុស្ស​២០​នាក់​ស្លាប់។

ហើយ​នៅ​ក្នុង​ប្រទេស​បារាំង ​ពួក​អ្នក​វាយ​ប្រហារ​បាន​បើក​រថយន្ត​ចូល​ក្នុង​ក្រុមហ៊ុន​ឧស្ម័ន​មួយ​ ដែល​មាន​មូលដ្ឋាន​ពី​ស​.រ.អា​ និង​បន្ទាប់​មកបាន​កាត់​ក្បាល​ពាណិជ្ជករ​ម្នាក់ ​ដោយ​ទុក​សាកសព​ដាច់ក្បាល​ដោយ​មាន​សរសេរ​អក្ស​រអារ៉ាប់នៅ​ក្លោងទ្វា​នៃ​បរិវេណ​របស់​ក្រុម​ហ៊ុន​នោះ។​ ក្រុម​អ្នក​ពន្លត់​អគ្គីភ័យ​បាន​ចាប់​ជន​សង្ស័យ​ម្នាក់​ឈ្មោះ Yassin Salhiកាល​ពី​ថ្ងៃ​សុក្រ។ ​ទី​ភ្នាក់​ងារ​ព័ត៌មាន​បារាំង​បាន​ពណ៌​នា​ថា Salhi ​មាន​អាយុ​៣៥​ឆ្នាំ​ ហើយ​មាន​កូន​៣​នាក់៕

XS
SM
MD
LG