ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

ភាព​តាន​តឹង​ឡើង​ដល់​កម្រិត​ខ្ពស់​មុន​ជំនួប​រវាង​ប្រធានា​ធិបតី​តួកគី​ និង​ប្រធានាធិបតី​សហរដ្ឋ​អាមេរិក


លោក​ Recep Tayyip Erdogan ប្រធានាធិបតី​តួកគី​ថ្លែង​នៅ​ក្នុង​កិច្ចប្រជុំ​មួយ​ក្នុង​ក្រុង​អង់ការ៉ា ប្រទេស​តួកគី កាលពី​ថ្ងៃទី៦ ខែវិច្ឆិកា ឆ្នាំ២០១៩។

ប្រធានា​ធិបតី​តួកគី​លោក​ Recep Tayyip Erdogan ​នឹង​បំពេញ​ទស្សនកិច្ច​នៅ​រដ្ឋ​ធានី​វ៉ាស៊ីនតោន​នៅ​សប្តាហ៍​នេះ​ដើម្បី​ជួប​ប្រធានាធិបតី​ដូណាល់ ​ត្រាំ ​ជា​ជំនួប​មួយ​ដែល​ត្រូវ​បាន​អ្នក​ខ្លះ​ចាត់​ទុក​ថា ​ជាឱកាស​ដើម្បី​ធ្វើ​ឲ្យ​មាន​ទំនាក់​ទំនង​ដែល​មាន​ការ​តានតឹង​អំពី​ការ​ខ្វែងគំនិត​គ្នា​យ៉ាង​ច្រើន​មាន​ភាព​ល្អ​ឡើង​វិញ។

​កិច្ច​ប្រតិបត្តិការ​ខាង​យោ​ធា​របស់​តួកគី​ប្រឆាំង​នឹង​កងជីវពលស៊ីរី​ឃឺដ ឬ YPG ​ត្រូវ​គេ​រំពឹង​នឹង​ស្ថិត​លើ​របៀបវារៈ​ខ្ពស់​ជាង​គេ។​ រដ្ឋាភិបាល​តួកគី ​បាន​ចាត់​ទុកកង​ជីវពលស៊ីរី​ ឃឺដ ឬ YPG ជា​ពួក​ភេរវជន ​ក៏ប៉ុន្តែ ​ពួកកងជីវពល​នោះ​ជា​សម្ព័ន្ធ​មិត្ត​ដ៏​សំខាន់​មួយ​នៅ​ក្នុង​សង្គ្រាម​ដែល​ដឹកនាំ​ដោយ​សហរដ្ឋ​អាមេរិកប្រឆាំង​នឹង​ក្រុម​ភេរវកម្ម​រដ្ឋ​ឥស្លាម។

សភា​សហរដ្ឋ​អាមេរិក ​កំពុងគំរាម​កំហែង​ដាក់​ទណ្ឌកម្ម​យ៉ាង​ខ្លាំង​ប្រឆាំង​នឹង​តួក​គី​ចំពោះ​កិច្ច​ប្រតិបត្តិការ​យោធា​ប្រឆាំង​នឹង​ជន​ជាតិ​ភាគ​តិច​ឃឺដ។ ការ​ដាក់​ទណ្ឌកម្ម​ខ្លះ ​បាន​ដាក់​លើ​ប្រធានាធិបតី Erdogan។

ទោះ​ជា​យ៉ាង​ណា​ក៏​ដោយ ប្រធានាធិបតី Erdogan កំពុង​ព្រមាន​ថា កិច្ចព្រម​ព្រៀង​ដែល​បាន​ចរចា​ជាមួយ​រដ្ឋាភិបាលក្រុង​វ៉ាស៊ីនតោន​និង​រដ្ឋាភិបាល​ក្រុង​មូស្គូ​ដើម្បី​ផ្អាក កិច្ចប្រតិបត្តិការ​យោធា​ប្រឆាំង​នឹងកងជីវពល​ឃឺដ​ជាការ​គ្រោះ​ថ្នាក់​មួយ។ ប្រធានាធិបតី​តួកគី ​បាន​ចោទ​ប្រកាន់​ពួក​កងជីវពល​ពីការ​ខក​ខាន​មិន​បាន​ដក​ចេញ​ពី​ព្រំដែន​តួកគី។

ជំនួប​ប្រធានាធិបតី​នៅ​សប្តាហ៍​នេះ ​ត្រូវ​បាន​គេ​មើលឃើញ​ថា ​ជា​ពេល​វេលា​ដ៏​សំខាន់​នៅ​ក្នុង​ទំនាក់​ទំនង​រវាង​សម្ព័ន្ធ​មិត្ត​របស់​អង្គការ​អូតង់៕

XS
SM
MD
LG