ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

យោធា​ស៊ីរី​សំរុក​ចូល​ក្រុង​ Aleppo បន្ទាប់​ពី​ការ​ទម្លាក់​គ្រាប់បែក​លើ​មន្ទីរពេទ្យ​មួយ


បន្ទប់​ទទេរស្អាត​នៅ​ក្នុង​មន្ទីរពេទ្យ​ដែល​រង​ការ​ទម្លាក់​គ្រាប់បែក​នៅ​តំបន់​គ្រប់គ្រង​ដោយ​ក្រុម​ឧទ្ទាម​ប្រឆាំង​រដ្ឋាភិបាល​នៅ​ក្រុង Aleppo ប្រទេស​ស៊ីរី កាល​ពី​ថ្ងៃ​ទី​០១ ខែ​តុលា ឆ្នាំ​២០១៦។
បន្ទប់​ទទេរស្អាត​នៅ​ក្នុង​មន្ទីរពេទ្យ​ដែល​រង​ការ​ទម្លាក់​គ្រាប់បែក​នៅ​តំបន់​គ្រប់គ្រង​ដោយ​ក្រុម​ឧទ្ទាម​ប្រឆាំង​រដ្ឋាភិបាល​នៅ​ក្រុង Aleppo ប្រទេស​ស៊ីរី កាល​ពី​ថ្ងៃ​ទី​០១ ខែ​តុលា ឆ្នាំ​២០១៦។

កាល​ពី​ថ្ងៃ​អាទិត្យ​ កងកម្លាំង​រដ្ឋាភិបាល​ស៊ីរី​បានជំរុញ​ទៅ​មុខ​នៅ​ក្នុង​ក្រុង Aleppo ក្នុង​ផ្នែក​ខាង​ជើងនៃប្រទេស​ស៊ីរី​ នៅ​ក្នុងការ​វាយ​លុកមួយ​ដែល​កំពុង​ត្រូវ​បាន​ធ្វើ​ដើម្បី​វាយ​យក​ក្រុង​ធំមួយ​ក្នុង​បណ្តា​ក្រុង​ធំ​នានា​ក្នុ​ងប្រទេស​នេះ​ពីកណ្តាប់ដៃ​ពួក​យុទ្ធជន​ប្រឆាំង។

បណ្តាញ​ផ្សាយ​ព័ត៌មានរបស់​រដ្ឋនៃ​ប្រទេស​ស៊ី​រី​បានរាយការណ៍​ថា ​កងទ័ព​រដ្ឋាភិបាល​ស៊ីរី​បានសន្យា​ដល់ពួក​ឧទ្ទាម​ថា​ ពួកគេ​អាចចេញ​ដោយ​សុវត្ថិភាព​ពីក្រុង​នេះ​បាន ​ប្រសិន​បើពួក​គេ​ចាកចេញ​ពី​ផ្នែកខាងកើត​នៃ​ក្រុងនេះ​ បន្ទាប់​ពី​ការទម្លាក់គ្រាប់បែក​យ៉ាង​ខ្លាំង ​ដែល​បាន​យក​មន្ទីរពេទ្យ​នៃ​សង្កាត់​នេះ​ធ្វើជា​ទី​ដៅ​នៃការ​វាយប្រហារ។​

ពួក​អ្នកធ្វើការ​ផ្នែក​ជួយសង្គ្រោះបាននិយាយ​ថា ​មន្ទីរ​ពេទ្យ​ធំបំផុត ដែលនៅ​សេសសល់​ក្នុង​ប៉ែក​ខាងកើត​នៃក្រុង​ Aleppo កាន់កាប់​ដោយពួកឧទ្ទាម​បាន​រងការ​ទម្លាក់គ្រាប់បែកកាលពី​ថ្ងៃ​សៅរ៍​ជា​លើកទី​ពីរក្នុង​ពេលប៉ុន្មានថ្ងៃ​ថ្មីៗនេះ នៅ​ពេល​ដែល​កងកម្លាំង​រដ្ឋាភិបាល​ស៊ីរី​ និងពួក​សម្ព័ន្ធមិត្ត​រុស្សីរបស់​ពួក​គេ​បាន​រុល​ទៅ​មុខ​ដើម្បី​វាយ​យក​ក្រុង​នេះ​ទាំង​ស្រុងមកវិញ។

លោក Stephen O'Brien អគ្គលេខាធិការ​រង​អ.ស.ប.​ទទួល​បន្ទុកកិច្ចការ​មនុស្សធម៌ និងការ​សម្របសម្រួលជំនួយ​សង្គ្រោះ​គ្រា​មាន​អាសន្ន​បានមាន​ប្រសាសន៍​កាលពី​ថ្ងៃ​អាទិត្យ ថា «ប្រព័ន្ធ​ថែ​រក្សា​សុខភាពក្នុង​ប៉ែក​ខាង​កើតនៃក្រុង​Aleppo បានត្រូវ​ធ្វើ​ឱ្យ​ខូចខាត​ខ្ទេចខ្ទី»។

លោក​បាន​អំពាវនាវ​ជា​ថ្មី​ទៀត​ឱ្យមាន​យ៉ាង​ហោចណាស់​ការ​បញ្ឈប់ជា​បណ្តោះ​អាសន្ន​នូវអំពើ​ហិង្សា​សម្រាប់ជម្លៀស​ពួក​អ្នកជំងឺ និង​អ្នក​របួស​ធ្ងន់ធ្ងរ​ចេញពី​ក្រុង​នេះ ដែល​នៅ​ទីនោះ​លោក​បាននិយាយថា​ ប្រព័ន្ធ​មន្ទីរពេទ្យ​ជិត​រលំ​ហើយ។​

លោក O'Brien បានមានប្រសាសន៍​នៅ​ក្នុង​សេចក្តី​ថ្លែងការណ៍​មួយ​ផ្សព្វផ្សាយ​តាមបណ្តាញ​ Internet ថា «យ៉ាង​តិចបំផុត​ដាច់ខាត ខ្ញុំអំពាវ​នាវ​ជា​ថ្មី​ទៀត​ឱ្យ​មានការ​ផ្អាកការ​ប្រយុទ្ធ​គ្នា​ដើម្បីមនុស្សធម៌​ចំនួន២៤ម៉ោងរៀង​រាល់សប្តាហ៍​។សូមបញ្ឈប់ការ​សម្លាប់រង្គាលនៅ​ពេលនេះ»៕

XS
SM
MD
LG