ជនសង្ស័យម្នាក់ដែលបំផ្លាញអគារជាច្រើនក្នុងទីក្រុងបុរាណ Timbuktu នៃ ប្រទេសម៉ាលី (Mali) ដែលជាតំបន់បេតិកភណ្ឌពិភពលោកនៃអង្គការ UNESCO នោះត្រូវគេចាប់បញ្ជូនខ្លួនទៅកាន់តុលាការព្រហ្មទណ្ឌអន្តរជាតិ ICC ក្នុងទីក្រុង ឡាអេ។
ប្រទេសនីហ្សេ (Niger) បានបញ្ជូនខ្លួន Ahmad Al Faqi Al Mahdi ដែលគេស្គាល់ តាមឈ្មោះផ្សេងទៀតថា Abou Tourab ទៅឲ្យតុលាការ ICC នៅថ្ងៃសៅរ៍នេះ។
Fatou Bensouda រដ្ឋអាជ្ញាតុលាការ ICC បាននិយាយក្នុងសេចក្តីប្រកាស ព័ត៌មានថា ការឃុំខ្លួន Al Mahdi គឺជាជំហានរីកចម្រើនដែលទទួលបានការស្វាគមន៍មួយ។
ជនសង្ស័យនេះ គឺជាសមាជិកនៃក្រុមឥស្លាមជ្រុលនិយម Ansar Dine ដែល រដ្ឋអាជ្ញាបានអះអាងថា បានវាយប្រហារដោយគ្មានមេត្តាលើភាពថ្លៃថ្នូរ និង អត្តសញ្ញាណ ពលរដ្ឋទាំងអស់ និងសាសនា និងឫសគល់ជាប្រវត្តិសាស្ត្ររបស់អ្នកស្រុក។
សំណង់អាគារក្នុងទីក្រុង Timbuktu ដែលកសាងនៅសតវត្សរ៍ទី៥នេះគឺ ត្រូវគេ ចាត់ទុកថា ជាមជ្ឈមណ្ឌលផ្សព្វផ្សាយសាសនាឥស្លាមក្នុងតំបន់អាហ្វ្រិកកាលពីសតវត្សរ៍ទី១៥ ដល់សតវត្សរ៍ទី១៦៕