ភ្ជាប់​ទៅ​គេហទំព័រ​ទាក់ទង

site logo
ព័ត៌មាន​​ថ្មី

អវកាសយានិក​ពីរ​នាក់​របស់​អង្គការ NASA ត្រឡប់​មក​ដល់​ផែនដី​វិញ ដោយ​ប្រើ​យាន​របស់ SpaceX


អវកាសយានិក​ពីររូប​របស់​អង្គការ​ណាសា គឺលោក Robert Behnken (ឆ្វេង) និង​លោក Douglas Hurley អង្គុយ​នៅ​ខាង​ក្នុង​យាន​អវកាស SpaceX Crew Dragon Endeavour បន្ទាប់ពី​បាន​ចុះចត​នៅ​ឈូងសមុទ្រ​ម៉ិកស៊ិក​នៅ​ឆ្នេរសមុទ្រ Pensacola នៃ​រដ្ឋ Florida នៅ​ថ្ងៃទី២ ខែសីហា ឆ្នាំ២០២០។

នេះ​ គឺ​ជា​ដំណើរ​ត្រឡប់​មក​ផែនដី​វិញ​ពី​អវកាស​ជា​លើក​ដំបូង​បង្អស់​របស់​សហរដ្ឋអាមេរិក​ក្នុង​រយៈពេល ៤៥ ឆ្នាំ​មក​នេះ ដោយ​ប្រើប្រាស់​យានអវកាស​របស់​ក្រុមហ៊ុន​ឯកជន​ ដើម្បី​ដឹក​មនុស្ស​ទៅ​និង​ត្រឡប់​ពី​គន្លង​អវកាស។

អវកាសយានិក​ពីរ​នាក់​របស់​អង្គការ NASA ត្រឡប់​មក​ដល់​ផែនដី​វិញ​កាល​ពី​ថ្ងៃ​អាទិត្យ នៅ​ក្នុង​ដំណើរ​ដ៏​លឿន​មួយ ដោយ​ប្រើ​យានអវកាស​របស់​ក្រុមហ៊ុន SpaceX របស់​លោក Elon Musk ដែល​បាន​ចុះចត​នៅ​ឈូងសមុទ្រ​ម៉ិកស៊ិក។ ​

នេះ​ គឺ​ជា​ដំណើរ​ត្រឡប់​មក​ផែនដី​វិញ​ពី​អវកាស​ជា​លើក​ដំបូង​បង្អស់​របស់​សហរដ្ឋអាមេរិក​ក្នុង​រយៈពេល ៤៥ ឆ្នាំ​មក​នេះ ដោយ​ប្រើប្រាស់​យានអវកាស​របស់​ក្រុមហ៊ុន​ឯកជន​ ដើម្បី​ដឹក​មនុស្ស​ទៅ​និង​ត្រឡប់​ពី​គន្លង​អវកាស។ ដំណើរ​ត្រឡប់​មក​វិញ​នេះ​បើក​ផ្លូវ​ឲ្យ​ក្រុមហ៊ុន SpaceX ធ្វើ​ដំណើរ​ម្ដង​ទៀត​ ដែល​អាច​នឹង​ធ្វើ​ឡើង​លឿន​បំផុត​នៅ​ខែ​ក្រោយ ហើយ​ក៏​អាច​មាន​ការ​ផ្ដល់​ជា​សេវា​សម្រាប់​អ្នក​ទេសចរ​នៅ​ឆ្នាំ​ក្រោយ​នេះ​ផង​ដែរ។

អវកាសយានិក គឺ​លោក Doug Hurley និង​លោក Bob Behnken បាន​ត្រឡប់​មក​ដល់​ផែនដី​វិញ​ តាម​យានអវកាស Endeavour របស់​ក្រុមហ៊ុន SpaceX ក្នុង​រយៈពេល​មិន​ដល់​មួយ​ថ្ងៃ​ផង បន្ទាប់​ពី​ចាកចេញ​ពី​ស្ថានីយ៍​អវកាស​អន្តរជាតិ និង​រយៈពេល​ពីរ​ខែ​បន្ទាប់​ពី​ចេញ​ដំណើរ​ពី​រដ្ឋ Florida។

ក្រោយ​ពី​ត្រឡប់​មក​ដល់​ផ្ទះ​វិញ​នៅ​ក្រុង Houston​ រដ្ឋ​តិចសាស់ កាល​ពី​ល្ងាច​ថ្ងៃ​អាទិត្យ​ ដោយ​មាន​ក្រុមគ្រួសារ និង​សហការី​មួយ​ចំនួន​ទទួល​ស្វាគមន៍ ដោយ​រួម​មាន​ទាំង​លោក Musk ផង​ លោក Hurley បាន​ថ្លែង​ថា៖ «ខ្ញុំ​មាន​អារម្មណ៍​ច្របូកច្របល់​ណាស់ ពេល​ដែល​ឃើញ​អ្នក​ទាំងអស់​គ្នា​នៅ​ទីនេះ ក្រោយ​ពី​បាន​ចេញ​ដំណើរ​ពី​ភព​ផែនដី​នេះ​កាល​ពី​ប៉ុន្មាន​ខែ​មុន​»៕

XS
SM
MD
LG