ភ្ជាប់​ទៅ​គេហទំព័រ​ទាក់ទង

logo-print
ព័ត៌មាន​​ថ្មី

អវកាសយានិក​អាមេរិកាំង​ហោះ​ទៅ​​អវកាស​ដោយ​ជិះ​រ៉ុកកែត​របស់​ក្រុមហ៊ុន SpaceX


យានអវកាស SpaceX Falcon 9 ដឹកអវកាសយានិករបស់អង្គការណាសាគឺលោក Doug Hurley និងលោក Bob Behnken នៅមជ្ឈមណ្ឌលអវកាស Kennedy ក្នុងក្រុង Cape Canaveral រដ្ឋ Florida នៅថ្ងៃសៅរ៍ទី ៣០ ខែឧសភាឆ្នាំ ២០២០។ (AP Photo/Chris O'Meara)

អវកាសយានិក​អាមេរិកាំង​ពីរ​រូប​បាន​ហោះ​ឡើង​ទៅ​កាន់​ទី​អវកាស​កាល​ពី​រសៀល​ថ្ងៃ​សៅរ៍​ជា​លើក​ដំបូង​នៅ​លើ​រ៉ុកកែត​ផលិត​ដោយ​ក្រុមហ៊ុន​ឯកជន​មួយ។ ព្រឹត្តិការណ៍​ប្រវត្តិសាស្ត្រ​នេះ​កើត​ឡើង​ជិត​មួយ​ទសវត្ស​បន្ទាប់​ពី​ការ​បាញ់​បង្ហោះ​រ៉ុកកែត ចុងក្រោយ​បង្អស់​ដែល​បញ្ជូន​អវកាសយានិក​ពី​ទឹក​ដី​អាមេរិក។

អវកាសយានិក​លោក Doug Hurley និងលោក Bob Behnken បាន​ចាប់​ផ្តើម​ហោះ​ទៅ​កាន់​គន្លង​ផែនដី​ទាប​នៅ​ម៉ោង ៣:២២នាទី តាម​កាលវិភាគ ចេញ​ពី​មជ្ឈមណ្ឌល​អវកាស Kennedy នៅ​ទីក្រុងCape Canaveral រដ្ឋ Florida។ ពួកគេ​ហោះ​នៅ​លើ​រ៉ុកកែត​ដែល​ត្រូវ​បាន​រចនា​និង​សាងសង់​ដោយ​ក្រុមហ៊ុន​ឯកជនក្នុង​រដ្ឋ​California មួយ គឺ​ក្រុមហ៊ុន SpaceX Aerospace Co. របស់​សេដ្ឋី​ពាន់លាន​លោក Elon Musk។ ពួកគេ​គ្រោង​នឹង​ចូល​ចត​នៅ​ស្ថានីយ៍​អវកាស​អន្តរជាតិ​នៅ​ថ្ងៃ​អាទិត្យ​នេះ។

ការ​ប៉ុន​ប៉ង​បាញ់​បង្ហោះ​រ៉ុកកែក​នេះ​លើកទី១ ត្រូវ​បាន​គ្រោង​ធ្វើ​នៅ​ថ្ងៃ​ពុធ​សប្តាហ៍​មុន តែ​ត្រូវ​បាន​ពន្យារ​ដោយសារ​អាកាសធាតុ​មិន​ល្អ​គឺ​មាន​ខ្យល់​ខ្លាំង នៅ​ជិត​មជ្ឈមណ្ឌល​អវកាស Kennedy នៅ​ភាគ​អាគ្នេយ៍​រដ្ឋ Florida។

អវកាសយានិក​ហោះ​ទៅ​លំហ​អាកាស​ពី​សហរដ្ឋ​អាមេរិក​ចុង​ក្រោយ​បង្អស់​ក្នុង​ឆ្នាំ ២០១១។ ពេល​នោះ​រដ្ឋបាល​អវកាស​ជាតិ NASA បាន​បិត​កម្មវិធី​យាន​អវកាស​របស់​ខ្លួន ហើយ​បាន​បង្ខំ​ឱ្យ​សហរដ្ឋ​អាមេរិក​ពឹង​ផ្អែក​លើ​ការ​ចាប់​ដៃ​គូ​ជាមួយ​ទីភ្នាក់ងារ​អវកាស​រុស្ស៊ី ដើម្បី​ដឹក​អវកាសយានិក​អាមេរិកាំង​ទៅ​កាន់​ស្ថានីយ​អវកាស​អន្តរជាតិ។

អវកាសយានិករបស់អង្គការ NASA គឺលោក Douglas Hurley និងលោក Robert Behnken ឡើងជិះរ៉ុក្កែត SpaceX Falcon 9 ក្នុងអំឡុងពេលបេសកកម្មអវកាស SpaceX Demo-2 របស់អង្គការ NASA ទៅកាន់ស្ថានីយ៍អវកាសអន្តរជាតិពីមជ្ឈមណ្ឌលអវកាស Kennedy ក្នុង​ទីក្រុង Cape Canaveral រដ្ឋ Florida នៅថ្ងៃសៅរ៍ទី ៣០ ខែឧសភាឆ្នាំ ២០២០។ (AFP)
អវកាសយានិករបស់អង្គការ NASA គឺលោក Douglas Hurley និងលោក Robert Behnken ឡើងជិះរ៉ុក្កែត SpaceX Falcon 9 ក្នុងអំឡុងពេលបេសកកម្មអវកាស SpaceX Demo-2 របស់អង្គការ NASA ទៅកាន់ស្ថានីយ៍អវកាសអន្តរជាតិពីមជ្ឈមណ្ឌលអវកាស Kennedy ក្នុង​ទីក្រុង Cape Canaveral រដ្ឋ Florida នៅថ្ងៃសៅរ៍ទី ៣០ ខែឧសភាឆ្នាំ ២០២០។ (AFP)

លោក Hurley និង​លោក Behnken ធ្វើ​ដំណើរ​ទៅ​គន្លង​ផែនដី​ទាប​នៅ​ខាង​ក្នុង​យាន​អវកាស​ថ្មី​ស្រឡាង​មួយ​ឈ្មោះ​ថា Crew Dragon។ ពួកគេ​នឹង​ចំណាយ​ពេល​ប្រហែល ១៩​ម៉ោង​មុនពេល​ព្យាយាម​ចូល​ចត​នៅ​ស្ថានីយ៍​អវកាស​អន្តរជាតិ​។

XS
SM
MD
LG