បដាពណ៌ក្រហមជាច្រើនបានលើកឡើងជាជួរនៅតាមដងផ្លូវបត់បែនទៅកាន់ទីលានលេងកីឡាវាយកូនហ្គោល Lotte Skyhill Country Club ក្នុងសង្កាត់ជនបទ Seongju ។ ស្លាក និងបដាទាំងនោះខ្លះបានសរសេរថា «យើងប្រឆាំងនឹងប្រព័ន្ធការពារកាំជ្រួច THAAD» ហើយខ្លះសរសេរថា «ប្រព័ន្ធការពារកាំជ្រួច THAAD ត្រូវតែបញ្ជូនត្រឡប់ ទៅកាន់សរអាវិញ»។
កាលពីខែមុន រដ្ឋាភិបាលកូរ៉េខាងត្បូងបានជ្រើសរើសយកកន្លែងវាយកូនហ្គោលឯកជន មួយស្ថិតនៅចម្ងាយ២២០គីឡូម៉ែត្រភាគខាងត្បូងទីក្រុងសេអ៊ូលដើម្បីជាកន្លែងតម្លើង ប្រព័ន្ធការពារកាំជ្រួចមីស៊ីលរបស់ស.រ.អា. ហៅកាត់ថា THAAD។
ប្រព័ន្ធការពារកាំជ្រួចមីស៊ីល THAAD ដែលជារបាំងការពារកាំជ្រួចនេះ រំពឹងថានឹងដឹក ទៅដល់ប្រទេសកូរ៉េខាងត្បូងនៅឆ្នាំក្រោយ ដែលការណ៍នេះគឺដើម្បីការពារប្រឆាំង នឹងការវាយប្រហារកាំជ្រួចមីស៊ីលរបស់កូរ៉េខាងជើង។ ក៏ប៉ុន្តែមានអ្នកស្រុកខ្លះដែល នៅជិតៗទីតាំងតម្លើងប្រព័ន្ធការពារកាំជ្រួចមីស៊ីលរបស់ស.រ.អា និយាយថាពួកគេនឹង មិនអនុញ្ញាតឲ្យមានគ្រឿងសព្វាវុធអាមរិកាំងមកតម្លើងនៅក្នុងសហគមន៍របស់ពួកគេ ជាដាច់ខាត។
មានអ្នកស្រុកខ្លះទៀតព្រួយបារម្ភខ្លាចថា វិទ្យុសកម្មដែលភាយចេញពីទីតាំងតម្លើង ប្រព័ន្ធការពារកាំជ្រួចមីស៊ីលរបស់ស.រ.អា. នោះ អាចធ្វើឲ្យខូចដំណាំកសិផលពួកគេ៕
