ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

តុលាការ​​ជាន់​ខ្ពស់​កូរ៉េ​ខាង​ត្បូង​តម្កល់​ទោស​​​ជាប់​ពន្ធនាគារ​របស់​​​​​​​អ្នក​ស្រី ​Park អតី​ត​ប្រធានាធិបតី​


រូបឯកសារ៖ អ្នក​​ស្រី Park Geun-hye អតីតប្រធានាធិបតីកូរ៉េខាងត្បូង បានទៅដល់តុលាការក្នុងសំណុំរឿងប្រព្រឹត្តអំពើពុករលួយ នៅទីក្រុងសេអ៊ូល កូរ៉េខាងត្បូង កាលពីថ្ងៃទី២៥ ខែឧសភា ឆ្នាំ២០១៧។

តុលាការ​កំពូល​របស់​ប្រទេស​កូរ៉ូ​ខាង​ត្បូង​បាន​រក្សា​ទុក​នូវ​ការ​កាត់​ទោស​ដាក់​ពន្ធ​នាគារ​រយៈពេល ២០​ ឆ្នាំ​ ដល់​អតីត​ប្រធានាធិបតី​កូរ៉េ​ខាង​ត្បូង ​អ្នកស្រី Park Geun-hye ​ ពី​បទ​ប្រព្រឹត្ត​អំពើ​ពុក​រលួយ។

អ្នក​ស្រី​ Park ​ដែល​មាន​អាយុ​៦៨​ឆ្នាំ​ ត្រូវ​បានសមាជិក​សភា​ចោទប្រកាន់​ទម្លាក់​ចេញ​ពី​តំណែង​ ក្នុងឆ្នាំ​២០១៦​ បន្ទាប់​ពី​រក​ឃើញ​ថា ​អ្នកស្រីនិង​ជំនួយ​ការ​ដ៏​ស្និទ្ធ​ម្នាក់​របស់​អ្នក​ស្រី​បាន​ទទួល​ទឹក​ប្រាក់​សំណូករាប់​លាន​ដុល្លារពី​ក្រុម​ហ៊ុន​ជំនួញ​ធំ​ៗ​ ដែល​មាន​ឥទ្ធិពល​ក្នុង​ប្រទេស​កូរ៉េ​ខាង​ត្បូង​។ ការណ៍​នោះ​បាន​បណ្តាល​ឲ្យ​មានការ​ធ្វើ​បាតុកម្ម​តវ៉ា​ប្រឆាំងអស់ពេលជា​ច្រើន​សប្តាហ៍ ​ដើម្បីទម្លាក់​អ្នកស្រី​ចេញ​ពី​តំណែង​ប្រធានាធិបតី។​

ការ​ចោទ​ទម្លាក់​អ្នកស្រី​ចេញ​ពី​ប្រធានាធិបតី​ដោយ​សភា​កូរ៉េ​ខាង​ត្បូង​នោះ ក៏​ត្រូវ​បាន​រក្សា​ទុក​ឲ្យ​នៅ​ដដែល​ដោយ​តុលាការ​ធម្មនុញ្ញ​របស់​ប្រទេស​នេះ​ ក្នុង​ឆ្នាំ​២០១៧។ ​អ្នក​ស្រី​ក៏​ត្រូវ​បាន​ចោទ​ប្រកាន់ដាច់​ដោយ​ឡែក​ផងដែរ​ ពី​បទទទួល​លុយ​ពីអតីត​ប្រធាន​ក្រុមស៊ើប​ការណ៍​សម្ងាត់​ ៣​ នាក់​ ដែល​ថវិកា​សំណូក​នេះត្រូវ​បាន​ដក​ចេញ​ពី​ខ្ទង់​ចំណាយ​របស់​ទី​ភ្នាក់​ងារ​ស៊ើប​ការ​ណ៍​របស់​រដ្ឋ។

អ្នក​ស្រី​ Park ​ក៏​ត្រូវ​បាន​កាត់​ទោសក្នុង​ករណី​ដាច់​ដោយ​ឡែក​មួយ​ទៀត​ផង​ដែរ ក្នុង​ការ​ចូល​ជ្រៀត​ជ្រែកដោយ​ខុស​ច្បាប់នៃ​ដំណើរ​ការ​តែង​តាំងបេក្ខជន​ មុន​ការ​បោះ​ឆ្នោត​ជ្រើសរើស​សមាជិក​សភា​ក្នុង​ឆ្នាំ​ ២០១៦ ​របស់​គណបក្សអ្នកស្រី​ ។

អ្នកស្រី​ត្រូវ​ទទួលទោសរយៈពេល ​២​ឆ្នាំ​បន្ថែមទៀត ​ពាក់ព័ន្ធនឹងរឿង​នេះ​ដែល​មាន​ន័យ​ថា ​អ្នក​ស្រីត្រូវ​ជាប់​ក្នុង​ពន្ធនា​គារ​រហូត​ដល់​ឆ្នាំ​ ២០៣៩ ទើប​រួច​ទោស។ អ្នកស្រី​ Park ​ជាកូន​ស្រី​របស់​អតីត​មេដឹកនាំ Park Chn-hee ​ដែលបាន​ដឹកនាំ​ប្រទេស​កូរ៉េ​ខាងត្បូង​អស់​រយ:ពេល​ ១៨ ឆ្នាំ​រហូត​ទាល់​លោក​បាន​ស្លាប់​ កាលពី​ឆ្នាំ ​១៩៧៩។

ប្រធាន​គណបក្ស​ប្រជាធិបតេយ្យ​របស់​លោក​ប្រធានាធិបតី​កាន់អំណាច ​Moon Jae-in ​បានស្នើ​ឲ្យមាន​ការលើក​លែង​ទោស​ដល់​អ្នកស្រី​ Park ​និង​លោក​អតីត​ប្រធានាធិបតី​កូរ៉េ​ខាងត្បូង​មួយរូប​ទៀត​ ដែល​កំពុងជាប់ឃុំ​ដែរ​នោះ​ ដើម្បី​ជា​ឥរិយាបទ​នៃការ​បង្រួប​បង្រួម​ជាតិ៕

ផែនទីលទ្ធផលការបោះឆ្នោតប្រធានាធិបតីអាមេរិកពីឆ្នាំ ១៩៩២-២០២០

XS
SM
MD
LG