ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

ព្រឹទ្ធសភា​អាមេរិក​គ្រោង​នឹង​បោះ​ឆ្នោត​ជំទាស់​នឹង​ការ​ប្រកាស​របស់​លោក Trump ក្នុង​ការ​ដាក់​ប្រទេស​ទៅ​ក្នុង​ភាព​អាសន្ន​នៅ​ថ្ងៃ​ព្រហស្បតិ៍​នេះ


លោក Chuck Schumer មេដឹកនាំ​គណបក្ស​ប្រជាធិបតេយ្យ​ប្រចាំ​ព្រឹទ្ធសភា ថ្លែង​ទៅកាន់​អ្នក​សារព័ត៌មាន​នៅ​វិមានរដ្ឋសភា រដ្ឋធានីវ៉ាស៊ីនតោន ថ្ងៃទី២៦ ខែកុម្ភៈ ឆ្នាំ២០១៩។

សមាជិក​គណបក្ស​សាធារណរដ្ឋ​មួយ​ចំនួន​បាន​ប្ដេជ្ញា​ថា​នឹង​ចូលរួម​ជាមួយ​នឹង​ក្រុម​គណបក្ស​ប្រជាធិបតេយ្យ​ដែល​រួបរួម​គ្នា​ជា​ធ្លុង​មួយ ដើម្បី​ជំទាស់​ទៅ​នឹង​ការ​ប្រកាស​របស់​លោក Trump នេះ។

ព្រឹទ្ធសភា​សហរដ្ឋ​អាមេរិក​គ្រោង​នឹង​ធ្វើ​ឲ្យ​លោក​ប្រធានាធិបតី Donald Trump អាម៉ាស់​នៅ​ថ្ងៃ​ព្រហស្បតិ៍​នេះ នៅ​ពេល​ដែល​ខ្លួន​បោះ​ឆ្នោត​ជំទាស់​ទៅ​នឹង​ការ​ប្រកាស​របស់​លោក​អំពី​ការ​ដាក់​ប្រទេស​ទៅ​ក្នុង​ភាព​អាសន្ន ដើម្បី​យក​ថវិកា​សាងសង់​ជញ្ជាំង​ព្រំដែន​ជាប់​ប្រទេស​ម៉ិកស៊ិក។

សមាជិក​គណបក្ស​សាធារណរដ្ឋ​មួយ​ចំនួន​បាន​ប្ដេជ្ញា​ថា​នឹង​ចូលរួម​ជាមួយ​នឹង​ក្រុម​គណបក្ស​ប្រជាធិបតេយ្យ​ដែល​រួបរួម​គ្នា​ជា​ធ្លុង​មួយ ដើម្បី​ជំទាស់​ទៅ​នឹង​ការ​ប្រកាស​របស់​លោក Trump នេះ។

លោក Chuck Schumer មេដឹកនាំ​គណបក្ស​ប្រជាធិបតេយ្យ​ប្រចាំ​ព្រឹទ្ធសភា បាន​និយាយ​ថា៖ «តើ​អ្នក​ចង់​និយាយ​ថា នៅ​ពេល​ណា​ដែល​សភា​ជំទាស់​នឹង​សំណើ​របស់​ប្រធានាធិបតី ប្រធានាធិបតី​អាច​ប្រកាស​ដាក់​ប្រទេស​ទៅ​ក្នុង​ភាព​អាសន្ន ហើយ​សភា​នឹង​បន្ទាប​ខ្លួន​តាម​មែន​ទេ? វា​គឺ​ជា​រឿង​ដ៏​គួរ​ឲ្យ​អាម៉ាស់‍»។

សមាជិក​គណបក្ស​សាធារណរដ្ឋ​ភាគ​ច្រើន​បាន​បង្ហាញ​ការ​ព្រួយ​បារម្ភ​អំពី​ការ​ប្រកាស​ដាក់​ប្រទេស​ទៅ​ក្នុង​ភាព​អាសន្ន​នេះ ដោយ​ពួកគេ​បាន​កត់​សម្គាល់​ថា រដ្ឋធម្មនុញ្ញ​សហរដ្ឋ​អាមេរិក​ផ្ដល់​សិទ្ធិ​ឲ្យ​សភា​លើ​ការ​សម្រេច​រឿង​ការ​ចំណាយ​របស់​រដ្ឋាភិបាល។ ប៉ុន្តែ ពួកគេ​គ្រោង​នឹង​បោះ​ឆ្នោត​ប្រឆាំង​នឹង​វិធានការ​ជំទាស់​របស់​ព្រឹទ្ធសភា​នេះ ដោយ​ពួកគេ​លើក​ឡើង​ពី​តម្រូវការ​បន្ទាន់​នូវ​ក្នុង​ការ​ជួយ​សង្គ្រោះ​ព្រំដែន​ភាគ​ខាង​ត្បូង​របស់​សហរដ្ឋ​អាមេរិក។

ការ​សាងសង់​ជញ្ជាំង​ព្រំដែន​គឺ​ជា​ការ​សន្យា​មួយ​របស់​លោក Trump ចំពោះ​ម្ចាស់​ឆ្នោត កាល​ពី​លោក​ធ្វើ​យុទ្ធនាការ​ឃោសនា​បោះ​ឆ្នោត​ឆ្នាំ ២០១៦។ នៅ​ពេល​នោះ លោក Trump បាន​បញ្ជាក់​ម្ដង​ហើយ​ម្ដង​ទៀត​ថា ប្រទេស​ម៉ិកស៊ិក មិន​មែន​សហរដ្ឋ​អាមេរិក​នោះ​ទេ ដែល​នឹង​ត្រូវ​ចំណាយ​សម្រាប់​ការ​សាងសង់​នេះ៕

XS
SM
MD
LG