ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

មន្ត្រី​រុស្ស៊ី​ថា​លោក​ អាសាដ ​មាន​អារម្មណ៍​ល្អ​បន្ទាប់​ពី​ការ​វាយ​ប្រហារ


នៅ​ក្នុង​រូបភាព​ចេញ​ផ្សាយ​ដោយ​ទីភ្នាក់ងារ​ព័ត៌មាន​ស៊ីរី​ SANA បង្ហាញ​ពី​ការ​ខូចខាត​នៃ​មជ្ឈមណ្ឌល​ស្រាវជ្រាវ​វិទ្យាសាស្ត្រ​ស៊ីរី​ ដែល​ត្រូវ​បាន​វាយ​ប្រហារ​ក្រុម​បស្ចិម​ប្រទេស កាល​ពី​ថ្ងៃ​ទី​១៤ ខែ​មេសា​ ឆ្នាំ​២០១៨។​
នៅ​ក្នុង​រូបភាព​ចេញ​ផ្សាយ​ដោយ​ទីភ្នាក់ងារ​ព័ត៌មាន​ស៊ីរី​ SANA បង្ហាញ​ពី​ការ​ខូចខាត​នៃ​មជ្ឈមណ្ឌល​ស្រាវជ្រាវ​វិទ្យាសាស្ត្រ​ស៊ីរី​ ដែល​ត្រូវ​បាន​វាយ​ប្រហារ​ក្រុម​បស្ចិម​ប្រទេស កាល​ពី​ថ្ងៃ​ទី​១៤ ខែ​មេសា​ ឆ្នាំ​២០១៨។​

ទីភ្នាក់ងារ​ព័ត៌មាន​អេភី​ (AP)​ បាន​រាយការណ៍​មក​ថា​ ក្រុម​អ្នក​នយោបាយ​រុស្ស៊ី​បាន​ជួបជាមួយ​ប្រធានាធិបតី​ស៊ីរី លោក​ ​Bashar Assad ​ដែល​អារម្មណ៍​របស់​គាត់​ត្រូវ​គេ​ពិពណ៌នា​ ថា​ល្អ​ធម្មតា​ មួយ​ថ្ងៃ​បន្ទាប់​ពី​មាន​ការ​វាយ​ប្រហារ​តាម​អាកាស​របស់​ក្រុម​សម្ព័ន្ត​មិត្តបស្ចិម​ប្រទេស។

បើ​តាម​ទស្សនៈ​របស់​លោក​ អាសាដ​ បាន​ឲ្យ​ដឹង​ថា​ ការ​វាយ​ប្រហារ​តាម​អាកាស​ដែល ជា​ការ​ឆ្លើយ​តប​ទៅ​នឹង​ការ​ចោទ​ប្រកាន់​ ពី​ការ​ដែល​កងទ័ព​ស៊ីរី​បាន​ប្រើប្រាស់​អាវុធ​គីមី​វាយ​ប្រហារ​ក្នុង​ក្រុង Douma ​នោះ ​នឹង​ធ្វើ​ឲ្យ​ប្រទេស​លោក​មាន​សាមគ្គី​ភាព។​ នេះ​បើ​យោង​តាម​លោក​ Dmitry Sablin សមាជិក​សភា​ជាន់​ទាប​របស់​រុស្ស៊ី ដែល​ត្រូវ​បាន​សារព័ត៌មាន​រុស្ស៊ី​ដកស្រង់​សំដី​មក​ផ្សព្វផ្សាយ។

អភិបាលរដ្ឋ​ក្នុង​តំបន់​ Khanty-Mansiysk​ នៃ​ប្រទេស​រុស្ស៊ី ​គឺ​លោកស្រី​ Natalya Komarova​ ក៏​បាន​ចូលរួម​ក្នុង​កិច្ច​ប្រជុំ​នៅ​ថ្ងៃ​អាទិត្យ​នោះ​ដែរ។ ​លោកស្រី​ថ្លែង​ថា ​លោក​ប្រធានាធិបតី​ អាសាដ ​មាន​អាកប្បកិរិយា​វិជ្ជមាន ​និង​មាន​អារម្មណ៍​ល្អ។

លោកស្រី ​Sablin ត្រូវ​គេ​ដកស្រង់​សំដី​មក​បញ្ជាក់​បន្ថែម​ថា​លោក ​អាសាដ ​បាន​ប៉ាន់​ប្រមាណ​ថា​ នឹង​ចំណាយ​លុយ​៤០០លាន​ដុល្លារ​ក្នុង​ការ​កសាង​ប្រទេស​ឡើងវិញ​បន្ទាប់​ពី​សង្គ្រាម៕

XS
SM
MD
LG