ភ្ជាប់​ទៅ​គេហទំព័រ​ទាក់ទង

ចៅក្រម​រុស្ស៊ី៖ ជន​ Chechen ម្នាក់​សារភាព​ថា​បាន​សម្លាប់​លោក​ Nemtsov ហើយ​បួន​នាក់​ទៀត​ត្រូវ​រង​ការ​ស៊ើប​អង្កេត​


ប៉ូលិស​នាំ​ខ្លួន​បុរស​ម្នាក់​ ដែល​ត្រូវ​បាន​ជឿ​ថា​ជា​ជន​សង្ស័យ​ម្នាក់​នៅ​ក្នុង​ចំណោម​ជនសង្ស័យ​ប្រាំនាក់​នៅ​ក្នុង​ការ​សម្លាប់​លោក​ Boris Nemtsov ចូល​ទៅ​ក្នុង​តុលាការ​មួយ​នៅ​ក្រុង​មូស្គូ ប្រទេស​រុស្ស៊ី កាល​ពី​ថ្ងៃ​អាទិត្យ​ ទី០៨ ខែ​មីនា​ ឆ្នាំ ២០១៥។

កាល​ពី​ថ្ងៃ​អាទិត្យ​ ចៅ​ក្រម​រុស្សី​ម្នាក់​បាននិយាយ​ថា​អតីត​មេបញ្ជាការ​ប៉ូលិសChechen ម្នាក់​បាន​ទទួល​សារភាព​អំពី​ការទាក់ទិន​របស់​គាត់​ក្នុង​ការ​ធ្វើឃាត​លោក​ Boris Nemtsov មេដឹកនាំក្រុមប្រឆាំង នៅពេល​ដែល​អាជ្ញាធរបន្ត​ការ​ស៊ើបអង្កេត​របស់​ពួក​គេ​តទៅ​មុខ​អំពី​ជន​ជាប់សង្ស័យ​បួន​នាក់​ទៀត។

ជន​ទាំង​៥​នាក់​នេះ​បានចេញ​បង្ហាញខ្លួន​ក្នុង​តុលាការ​មួយ​ក្នុង​ក្រុងម៉ូស្គូ​ ហើយ​បាន​ត្រូវ​ចាប់​ឃុំឃាំង​ នៅពេល​ក្រុម​មន្ត្រី​បាន​សាកសួរ​ចម្លើយ​ពួកគេ​អំពី​ការបាញ់​សម្លាប់​លោក​ Nemtsov ​ដែលជា​សត្រូវ​ខ្លាំងក្លា​ម្នាក់​របស់​ប្រធានាធិបតី​រុស្សី​លោក​ Vladimir Putin កាល​ពី​ថ្ងៃទី​២៧ខែ​កុម្ភៈ។​ លោក Nemtsov បាន​ត្រូវ​បាន​បាញ់​ចំ​ខ្នង​បួន​គ្រាប់​ នៅពេល​លោកដើរ​ឆ្លងស្ពាន​មួយ​ជា​មិត្តស្រី​លោក​នៅ​ជិត​វិមាន​ក្រឹមទ្បាំង។

ចៅក្រម​ Nataliya Mushnikov បាន​និយាយ​ថា​ បុរសមា្នក់​ក្នុង​បណ្តាពួក​ជន​ត្រូវ​ចោទ​ប្រកាន់​ពីបទ​ធ្វើ​ឃាត​នៅ​ក្នុង​ករណី​នោះ​ គឺ​អតីត​មេបញ្ជាការ​រង​ប៉ូលិស​ Chechen ​ឈ្មោះ​ Zaur Dadayev ​ដែល​បាន​ចុះ​ហត្ថលេខា​លើ​សេចក្តី​សារភាព​មួយ​ ទោះ​បីជា​រូប​គេ​មិនបាន​ប្រាប់អំពី​សេចក្តី​ល្អិតល្អន់​នៃ​មុខនាទី​របស់​គាត់​ក៏​ដោយ​។ ក៏​ប៉ុន្តែ​ចៅក្រម​រូបនេះ​ក៏​បាន​និយាយ​ផង​ដែរ​ថា​ជនជាប់សង្ស័យ​ទីពីរ​ដែល​បានត្រូវ​ចោទប្រកាន់ពី​បទ​ធ្វើឃាត​លោក​ Nemtsovឈ្មោះ Anzor Gubashev​ បាន​បដិសេធ​ថា​ គាត់​គ្មាន​ជាប់ទាក់ទិន​ក្នុង​ឃាតកម្ម​នេះ​ទេ៕

XS
SM
MD
LG