ប្រទេសរុស្សីបានប្រកាសកាលពីថ្ងៃពុធថា ករណីអ្នកជំងឺផ្ទុកមេរោគវីរុសកូរ៉ូណាបានកើនឡើងជិត២៩ភាគរយកាលពីយប់ថ្ងៃពុធដល់១៤៧នាក់ទោះណាជាអាជ្ញាធរវិមានក្រឹមឡាំងដាក់កំហិតការត្រួតត្រាតឹងរ៉ឹងលើការធ្វើដំណើរហើយនិយាយថាស្ថានភាពឋិតនៅក្រោមការត្រួតត្រាក៏ដោយ។
អង្គការឃ្លាំមើលខាងសុខភាពរបស់រដ្ឋនៃប្រទេសរុស្សីបាននិយាយថា ចំនួនអ្នកជំងឺបានកើនឡើង៣៣នាក់ទៅដល់១៤៧នាក់ដោយមាន៣១នាក់ធ្វើតេស្តឃើញថា វិជ្ជមាននៅក្នុងក្រុងម៉ូស្គូក្រោយពីជនទាំងនេះបានធ្វើដំណើរមកពីទ្វីបអឺរ៉ុបដែលមានរួមបញ្ចូលប្រទេសបារាំង ប្រទេសអេស្ប៉ាញ និងប្រទេសអាល្លឺម៉ង់។ ករណីថ្មីៗ២នាក់ទៀតមាននៅក្នុងតំបន់ស៊ីបេរី៕
