ភ្ជាប់​ទៅ​គេហទំព័រ​ទាក់ទង

logo-print
ព័ត៌មាន​​ថ្មី

កិច្ចប្រតិបត្តិ​ការ​ដើម្បី​ឱ្យ​មាន​ឥទ្ធិពល​រុស្ស៊ី​បាន​តម្រង់​ទៅកាន់​ក្រុម​យោ​ធាស.រ.អា.​


រូបភាពឯកសារ៖ អគារ​អគ្គសេនាធិការដ្ឋាន​រុស្ស៊ី ត្រូវ​បាន​គេ​ថត​នៅ​ក្នុង​ទីក្រុង​ម៉ូស្គូ​ប្រទេស​រុស្ស៊ី។

នៅតែ​ប៉ុន្មាន​ថ្ងៃ​ទៀត​នេះ​នឹង​ដល់​ការបោះឆ្នោត​ពាក់កណ្តាល​អា​ណ​ត្តិ​ក្នុង​ស.រ.អា. មានការ​ព្រួយបារម្ភ​ខ្លាំង​ឡើងៗ​អំពី​កិច្ច​ខិតខំ​ប្រឹងប្រែង​របស់​ប្រទេស​រុស្ស៊ីក្នុង​ការ​ធ្វើ​ឱ្យ​អន្តរាយ​ដល់​លទ្ធិ​ប្រជា​ធិប​តេយ្យ​ស.រ.អា.។

នៅតែ​ប៉ុន្មាន​ថ្ងៃ​ទៀត​នេះ​នឹង​ដល់​ការបោះឆ្នោត​ពាក់កណ្តាល​អា​ណ​ត្តិ​ក្នុង​ស.រ.អា. មានការ​ព្រួយបារម្ភ​ខ្លាំង​ឡើងៗ​អំពី​កិច្ច​ខិតខំ​ប្រឹងប្រែង​របស់​ប្រទេស​រុស្ស៊ីក្នុង​ការ​ធ្វើ​ឱ្យ​អន្តរាយ​ដល់​លទ្ធិ​ប្រជា​ធិប​តេយ្យ​ស.រ.អា.មាន​ហួសពី​ការ​បោះ​ឆ្នោត​នៅ​ថ្ងៃទី៦ ខែវិច្ឆិកា ​ឬ​ការបោះឆ្នោត​ប្រធានាធិបតី​ក្នុង​ឆ្នាំ២០២០។

​ក្រុមមន្ត្រី​ខាង​ការពារប្រទេស​និង​ខាង​សន្តិសុខ​ព្រួយបារម្ភ​ថា​ជាផ្នែក​មួយ​នៃ​ផែនការ​របស់​រដ្ឋាភិបាល​ក្រុង​ម៉ូស្គូ​ដែល​កំពុង​មាន​ធ្វើ​ដើម្បី​បង្ក​ឱ្យ​មានការ​បែក​បាក់​គ្នា​និង​ការ​មិន​ស្រុះស្រួល​គ្នា រដ្ឋាភិបាល​រុស្ស៊ីកំពុង​ខិត​ខំ​ព្យា​យាម​យក​ជ័យជម្នះ​លើ​ក្រុម​យោ​ធាស.រ.អា.មិនមែន​ដោយ​ប្រើ​គ្រាប់​កាំភ្លើង​ទេ តែ​ដោយ​ប្រើ tweetsនិង​រូបភាព​កំប្លែង​ផ្សព្វផ្សាយ​តាម​បណ្តាញ​អ៊ិនធឺណិត។

​កលល្បិច​នេះ​ជា​យុទ្ធសាស្ត្រ​មួយ​ប្រទេស​រុស្ស៊ីក្នុង​ការស្វែងរក​ភាព​ប្រេះឆា​ក្នុងសង្គម​អាមេរិកាំង​ដែល​មានការ​មិន​ទុកចិត្ត​គ្នា​និង​មាន​កំហឹង​រួចស្រេច​ហើយនោះ ហើយ​ពង្រីក​ការ​បែកបាក់​គ្នា​ទាំងនោះ​ឱ្យ​ធំជាង​មុន​ដោយ​ប្រើ​សារ​មាន​ទិសដៅ។

​បើ​តាម​ក្រុម​អតីត​មន្ត្រី​ស.រ.អា.និង​បស្ចឹម​ប្រទេស​និងមន្ត្រី​បច្ចុប្បន្ន​ថា ក្នុង​ករណី​នៃ​ក្រុម​យោ​ធាស.រ.អា. គោលដៅ​នៃ​អាជ្ញាធរ​វិមាន​ក្រឹម​ឡាំង​គឺ​ទំនងជា​បង្កើត​អ្វី​ដែលគេ​ស្គាល់​ថា​ជា​ការត្រួតត្រា​ដែល​ធ្វើ​ដោយ​ឥត​គិត។ ​មន្ត្រី​ទាំងនេះ​បាន​និយាយ​ថា​ដោយ​ផ្សាយ​ព័ត៌មាន​មិន​ពិត​ដល់​ក្រុម​ទាហាន​ស.រ.អា. ប្រទេស​រុស្ស៊ីអាច​ធ្វើ​ឱ្យ​ពួក​ទាហាន​អាមេរិកាំង​ទាំងនេះ​ធ្វើការ​ជ្រើសរើស​ឬ​ធ្វើ​សេចក្តី​សម្រេច​ចិត្ត​ដែល​នាំ​ឱ្យ​មានផល​ប្រយោជន៍​ដល់​រដ្ឋាភិបាល​ក្រុង​ម៉ូស្គូ៕

XS
SM
MD
LG