ភ្នំពេញ —
គណបក្សសង្រ្គោះជាតិដែលជាគណបក្សប្រឆាំងដ៏ធំពេញចិត្តលទ្ធផលនៃការបោះឆ្នោតក្រុមប្រឹក្សារាជធានីខេត្ត ក្រុង ស្រុក ខណ្ឌ អាណត្តិទី២ដែលបានប្រព្រឹត្តទៅនាថ្ងៃអាទិត្យនេះ។
ថ្លែងក្នុងសន្និសីទកាសែតនៅទីស្នាក់ការកណ្តាលនៅសង្កាត់ចាក់អង្រែ លោក សម រង្សី ប្រធានគណបក្សបានមានប្រសាសន៍ថា គណបក្សសង្គ្រោះជាតិរបស់លោកពេញចិត្តនឹងលទ្ធផលនៃការបោះឆ្នោតអសកលនេះ។
ការបោះឆ្នោតក្រុមប្រឹក្សារាជធានីខេត្តក្រុងស្រុកខណ្ឌអាណត្តិទី២នេះគណបក្សប្រឆាំងទទួលបានជោគជ័យជាងអាណត្តិទី១នៅឆ្នាំ២០០៩ ដោយមានការកើនឡើងចំនួនអសនៈនៅទូទាំងប្រទេស។
លោកសម រង្សីថ្លែងដូច្នេះថា៖ «និយាយសរុបទៅគឺថាយើងពេញចិត្ត។ និយាយជារួមទៅគឺថា មេរៀនកម្លាំងលុយ មិនឈ្នះកម្លាំងចិត្តពីព្រោះថាឥឡូវហ្នឹងពិបាកអូសទាញណាស់»។
យោងតាមលទ្ធផលដែលលោកទទួលបានគណបក្សសង្គ្រោះជាតិកើនអាសនៈចំនួន១៨៥ គឺពីចំនួន៥៧៩នៅអាណត្តិមុនមកដល់៧៦៤អាសនៈនៅក្នុងការបោះឆ្នោតឆ្នាំ២០១៤នេះ។
មានគណបក្សនយោបាយចំនួនប្រាំដែលបានឈរឈ្មោះដើម្បីប្រកួតប្រជែងយកតំណែងក្រុមប្រឹក្សាថ្នាក់ក្រោមជាតិនេះ។ ក្នុងនោះមានគណបក្សប្រជាជនកម្ពុជា គណបក្សសង្គ្រោះជាតិ គណបក្សហ៊្វុនស៊ិនប៉ិច គណបក្សសាធារណរដ្ឋប្រជាធិបតេយ្យ និងគណបក្សសម្ព័ន្ធដើម្បីប្រជាធិបតេយ្យ។
ក៏ប៉ុន្តែរហូតមកទល់ល្ងាចថ្ងៃដដែលនេះមានតែគណបក្សសង្រ្គោះជាតិមួយតែប៉ុណ្ណោះដែលបានប្រកាសពីលទ្ធផលនៃការបោះឆ្នោតអសកលដែលមានអង្គបោះឆ្នោតត្រឹមតែ១១.៤៥៩នាក់។
ទោះបីជាយ៉ាងណាក្តីមន្ត្រីជាន់ខ្ពស់នៃគណៈកម្មាធិការជាតិរៀបចំការបោះឆ្នោត (គជប) បានហៅការប្រកាសលទ្ធផលរបស់គណបក្សសង្រ្គោះជាតិនេះគ្រាន់តែជាលទ្ធផលរបស់គណបក្សតែប៉ុណ្ណោះ។
ថ្លែងក្នុងសន្និសីទកាសែតនៅល្ងាចថ្ងៃអាទិត្យដដែលលោក ម៉ៅ សុភារិទ្ធ សមាជិកគជបបានហៅដំណើរការនៃការបោះឆ្នោត និងការរាប់សន្លឹកឆ្នោតនៃក្រុមប្រឹក្សាថ្នាក់ក្រោមជាតិអាណត្តិទី២ឆ្នាំ២០១៤នេះថាបានដំណើរការទៅដោយរលូន។
លោក ម៉ៅ សុភារិទ្ធសមាជិក គជបបានថ្លែងថា ក្នុងចំណោមមណ្ឌលបោះឆ្នោតសរុបដែលមាន១៩៧មណ្ឌល លោកបន្ថែមថាគជបទទួលបានពាក្យបណ្តឹងតែមួយប៉ុណ្ណោះពីខេត្តព្រៃវែង។
លោកបានបន្ថែមថា៖ «គណបក្សសង្គ្រោះជាតិបានប្រកាសលទ្ធផលមុនហ្នឹងជារឿងរបស់គណបក្សនយោបាយ ដោយឡែកគ.ជ.បនឹងប្រកាសលទ្ធផលបណ្តោះអាសន្ននៅម៉ោង៧យប់តាមវិទ្យុ និងទូរទស្សន៍ជាតិ»។
យ៉ាងណាមិញយោងតាមការទស្សទាយរបស់គណៈកម្មាធិការដើម្បីការបោះឆ្នោតដោយសេរីនិងយុត្តិធម៌នៅកម្ពុជាហៅកាត់ថាខុមហ្វ្រែល គណបក្សប្រជាជនកម្ពុជាដែលកំពុងកាន់អំណាចនឹងទទួលបានជោគជ័យច្រើនជាងគេនៅក្នុងការបោះឆ្នោតក្រុមប្រឹក្សារាជធានីខេត្ត ស្រុកខណ្ឌអាណត្តិទី២ក្នុងឆ្នាំ២០១៤នេះ ដោយសារគណបក្សនេះមានចំនួនអង្គបោះឆ្នោតដែលជាសមាជិកក្រុមប្រឹក្សាឃុំសង្កាត់ច្រើនលើសលប់រីឯគណបក្សសង្គ្រោះជាតិវិញនឹងទទួលបានអាសនៈនៅលំដាប់ថ្នាក់លេខ២។
លទ្ធផលផ្លូវការនៃការបោះឆ្នោតក្រុមប្រឹក្សារាជធានី ខេត្ត ក្រុងស្រុក ខណ្ឌ អាណត្តិទី ២នេះនឹងត្រូវប្រកាសជាផ្លូវការនៅថ្ងៃទី ៣០ ខែឧសភាខាងមុខនេះ៕
ថ្លែងក្នុងសន្និសីទកាសែតនៅទីស្នាក់ការកណ្តាលនៅសង្កាត់ចាក់អង្រែ លោក សម រង្សី ប្រធានគណបក្សបានមានប្រសាសន៍ថា គណបក្សសង្គ្រោះជាតិរបស់លោកពេញចិត្តនឹងលទ្ធផលនៃការបោះឆ្នោតអសកលនេះ។
ការបោះឆ្នោតក្រុមប្រឹក្សារាជធានីខេត្តក្រុងស្រុកខណ្ឌអាណត្តិទី២នេះគណបក្សប្រឆាំងទទួលបានជោគជ័យជាងអាណត្តិទី១នៅឆ្នាំ២០០៩ ដោយមានការកើនឡើងចំនួនអសនៈនៅទូទាំងប្រទេស។
លោកសម រង្សីថ្លែងដូច្នេះថា៖ «និយាយសរុបទៅគឺថាយើងពេញចិត្ត។ និយាយជារួមទៅគឺថា មេរៀនកម្លាំងលុយ មិនឈ្នះកម្លាំងចិត្តពីព្រោះថាឥឡូវហ្នឹងពិបាកអូសទាញណាស់»។
យោងតាមលទ្ធផលដែលលោកទទួលបានគណបក្សសង្គ្រោះជាតិកើនអាសនៈចំនួន១៨៥ គឺពីចំនួន៥៧៩នៅអាណត្តិមុនមកដល់៧៦៤អាសនៈនៅក្នុងការបោះឆ្នោតឆ្នាំ២០១៤នេះ។
មានគណបក្សនយោបាយចំនួនប្រាំដែលបានឈរឈ្មោះដើម្បីប្រកួតប្រជែងយកតំណែងក្រុមប្រឹក្សាថ្នាក់ក្រោមជាតិនេះ។ ក្នុងនោះមានគណបក្សប្រជាជនកម្ពុជា គណបក្សសង្គ្រោះជាតិ គណបក្សហ៊្វុនស៊ិនប៉ិច គណបក្សសាធារណរដ្ឋប្រជាធិបតេយ្យ និងគណបក្សសម្ព័ន្ធដើម្បីប្រជាធិបតេយ្យ។
ក៏ប៉ុន្តែរហូតមកទល់ល្ងាចថ្ងៃដដែលនេះមានតែគណបក្សសង្រ្គោះជាតិមួយតែប៉ុណ្ណោះដែលបានប្រកាសពីលទ្ធផលនៃការបោះឆ្នោតអសកលដែលមានអង្គបោះឆ្នោតត្រឹមតែ១១.៤៥៩នាក់។
ទោះបីជាយ៉ាងណាក្តីមន្ត្រីជាន់ខ្ពស់នៃគណៈកម្មាធិការជាតិរៀបចំការបោះឆ្នោត (គជប) បានហៅការប្រកាសលទ្ធផលរបស់គណបក្សសង្រ្គោះជាតិនេះគ្រាន់តែជាលទ្ធផលរបស់គណបក្សតែប៉ុណ្ណោះ។
ថ្លែងក្នុងសន្និសីទកាសែតនៅល្ងាចថ្ងៃអាទិត្យដដែលលោក ម៉ៅ សុភារិទ្ធ សមាជិកគជបបានហៅដំណើរការនៃការបោះឆ្នោត និងការរាប់សន្លឹកឆ្នោតនៃក្រុមប្រឹក្សាថ្នាក់ក្រោមជាតិអាណត្តិទី២ឆ្នាំ២០១៤នេះថាបានដំណើរការទៅដោយរលូន។
លោក ម៉ៅ សុភារិទ្ធសមាជិក គជបបានថ្លែងថា ក្នុងចំណោមមណ្ឌលបោះឆ្នោតសរុបដែលមាន១៩៧មណ្ឌល លោកបន្ថែមថាគជបទទួលបានពាក្យបណ្តឹងតែមួយប៉ុណ្ណោះពីខេត្តព្រៃវែង។
លោកបានបន្ថែមថា៖ «គណបក្សសង្គ្រោះជាតិបានប្រកាសលទ្ធផលមុនហ្នឹងជារឿងរបស់គណបក្សនយោបាយ ដោយឡែកគ.ជ.បនឹងប្រកាសលទ្ធផលបណ្តោះអាសន្ននៅម៉ោង៧យប់តាមវិទ្យុ និងទូរទស្សន៍ជាតិ»។
យ៉ាងណាមិញយោងតាមការទស្សទាយរបស់គណៈកម្មាធិការដើម្បីការបោះឆ្នោតដោយសេរីនិងយុត្តិធម៌នៅកម្ពុជាហៅកាត់ថាខុមហ្វ្រែល គណបក្សប្រជាជនកម្ពុជាដែលកំពុងកាន់អំណាចនឹងទទួលបានជោគជ័យច្រើនជាងគេនៅក្នុងការបោះឆ្នោតក្រុមប្រឹក្សារាជធានីខេត្ត ស្រុកខណ្ឌអាណត្តិទី២ក្នុងឆ្នាំ២០១៤នេះ ដោយសារគណបក្សនេះមានចំនួនអង្គបោះឆ្នោតដែលជាសមាជិកក្រុមប្រឹក្សាឃុំសង្កាត់ច្រើនលើសលប់រីឯគណបក្សសង្គ្រោះជាតិវិញនឹងទទួលបានអាសនៈនៅលំដាប់ថ្នាក់លេខ២។
លទ្ធផលផ្លូវការនៃការបោះឆ្នោតក្រុមប្រឹក្សារាជធានី ខេត្ត ក្រុងស្រុក ខណ្ឌ អាណត្តិទី ២នេះនឹងត្រូវប្រកាសជាផ្លូវការនៅថ្ងៃទី ៣០ ខែឧសភាខាងមុខនេះ៕
