ភ្ជាប់​ទៅ​គេហទំព័រ​ទាក់ទង

ការ​ផ្ទុះ​គ្រាប់​បែក​នៅ​តាម​ផ្លូវ​បាន​សម្លាប់​មនុស្ស​ពីរ​នាក់​ដែល​ក្នុង​នោះ​មាន​អភិបាល​ស្រុក​ម្នាក់​ផង


ផែនទី​របស់​ប្រទេស​អាហ្វហ្គានីស្ថាន។

ទីភ្នាក់ងារ​ព័ត៌មាន​ AP បាន​រាយការណ៍​ពី​ក្រុង​ Kandahar ប្រទេសអាហ្វហ្គានីស្ថាន​ថា​ មន្ត្រី​ម្នាក់​បាន​និយាយថា​ ការ​ផ្ទុះ​គ្រាប់បែក​នៅ​តាម​ដង​ផ្លូវ​មួយ​បាន​បណ្តាល​ឱ្យ​មនុស្ស​ពីរ​នាក់​ស្លាប់​ដោយ​រួម​មាន​ទាំង​អភិបាល​ស្រុក​ម្នាក់​ផង​ដែរ។​

លោក​ Dost Mohammad Nayab ​អ្នក​នាំពាក្យ​នៃ​អភិបាល​ខេត្ត​ Uruzgan បាន​និយាយ​ថា​លោក Mohammad Ismail Haqyar ​អភិបាល​ស្រុក​ Charcheno បាន​ត្រូវ​សម្លាប់​ជាមួយ​អង្គរក្ស​របស់​លោក​ នៅ​ពេល​អ្នក​ទាំង​នេះ​ធ្វើដំណើរ​ទៅ​កាន់​ការិយាល័យ​របស់​ពួកគេ។

លោក Nayab បាន​និយាយ​ថា​ មិត្ត​ម្នាក់​របស់​លោក​ Haqyar ​បាន​ត្រូវ​របួសនៅ​ក្នុង​ការ​វាយ​ប្រហារ​នោះ។​

គ្មាន​ក្រុម​ណា​មួយ​អះអាង​ទទួល​ខុស​ត្រូវ​ដល់​ការ​វាយ​ប្រហារ​នេះ​ទេ។ ទោះ​ជា​យ៉ាង​ណា​ក៏​ដោយ ​ក្រុម​បះបោរ​តាលីបង់​ជា​ញឹកញយ​បាន​ប្រើ​គ្រាប់បែក​នៅ​តាម​ដង​ផ្លូវ​និង​ការ​វាយ​ប្រហារ​អត្តឃាត​ប្រឆាំង​នឹង​កង​កម្លាំង​សន្តិសុខ​អាហ្វហ្គានីស្ថាន និង​ក្រុម​មន្ត្រី​រដ្ឋាភិបាល​នៅ​ទូទាំង​ប្រទេស។​

នៅ​កន្លែង​ឯទៀតៗ​វិញ​ក្នុង​ខេត្ត​ Uruzgan ប៉ូលិស​ជាន់​ខ្ពស់​ម្នាក់​និង​សហសេវិក​ថ្នាក់​ទាប​ម្នាក់​បាន​សុំ​ចុះចាញ់​ក្រុម​យុទ្ធជន​តាលីបង់​នៅ​ក្នុង​ស្រុក​ Dahrawud នៅ​ក្រោយ​មាន​ការ​ប្រយុទ្ធ​គ្នា​យ៉ាងយូរ​ដើម្បី​ការពារ​កន្លែង​ឆែកឆេរ​របស់​ពួក​គេ នេះ​បើ​តាម​ការ​ប្រាប់ឱ្យ​ដឹង​ដោយ​លោក Noozai Popal ប្រធាន​ប៉ូលិស​នៅ​ទីនោះ៕

XS
SM
MD
LG