អ្នកនាំពាក្យរបស់ប្រធានាធិបតីរុស្ស៊ីលោក Vladimir Putin និងវិមានក្រឹមឡាំងបានថ្លែងប្រាប់អ្នកអ្នកសារព័ត៌មានកាលពីថ្ងៃអង្គារថា លោកបានចូលសម្រាកព្យាបាលនៅមន្ទីរពេទ្យក្រោយពីលោកបានធ្វើតេស្តឃើញវិជ្ជមានមានវីរុសកូរ៉ូណា។
លោក Dmitry Peskov អាយុ៥២ឆ្នាំ ត្រូវបានទីភ្នាក់ងារព័ត៌មាន Interfax ដកស្រង់សម្តីថា លោកបានធ្លាក់ខ្លួនឈឺនិងកំពុងទទួលបានការព្យាបាល។ លោកត្រូវគេរាយការណ៍ថាបានជួបផ្ទាល់ជាមួយលោកពូទីនកាលពីជាងមួយខែមុន។
លោក ពូទីន បានក្នុងប៉ុន្មានសប្តាហ៍ចុងក្រោយនេះបានធ្វើការប្រជុំតាមអនឡាយខណៈដែលលោកធ្វើការពីផ្ទះនៅក្រៅក្រុងមូស្គូ។ អ្នកនាំពាក្យលោក Peskov ជាមន្ត្រីរុស្ស៊ីជាន់ខ្ពស់បំផុតដែលបានឆ្លងជំងឺកូវីដ១៩។
បច្ចុប្បន្ននេះប្រទេសរុស្ស៊ីបានក្លាយជាប្រទេសមានករណីឆ្លងវីរុសកូរ៉ូណាដែលបង្កជំងឺកូវីដ១៩ច្រើនជាងទី២បន្ទាប់ពីសហរដ្ឋអាមេរិកក្រោយពីមានការផ្ទុះរាលដាលថ្មី ដោយមកត្រឹមថ្ងៃអង្គារនេះរុស្ស៊ីមានអ្នកឆ្លងវីរុសកូរ៉ូណាជាង២៣០.០០០នាក់និងអ្នកស្លាប់ពីជំងឺកូវីដ១៩ចំនួន ២.១១៦នាក់។
ទោះបីយ៉ាងនេះក៏ដោយក៏កម្មករសំណង់និងរោងចក្ររុស្ស៊ីបានទៅធ្វើការវិញកាលពីថ្ងៃអង្គារ៕
