ភ្ជាប់​ទៅ​គេហទំព័រ​ទាក់ទង

លោក​​​Putin​​​ ជំរុញ​​​ឲ្យ​​​ក្រុម​​​សកម្ម​​​ប្រយុទ្ធ​​​ដោះ​​​លែង​​​ទាហាន​​​អ៊ុយក្រែន


​​លោក​​​ប្រធានាធិបតី​​​រុស្សីVladimir Putin កំពុង​​​ថ្លែង​​​ទៅ​​​កាន់​​​ក្រុម​​​អ្នក​​​សារព័ត៌មាន​​​​​​បន្ទាប់​​​ពី​​​ជំនួប​​​ជា​​​មួយ​​​ប្រធានាធិបតី​​​អ៊ុយក្រែន​​​នី​​​ក្នុង​​​ទីក្រុង​​​​​​ Minsk ​​​ក្នុង​​​ប្រទេស​​​បេឡារុស​​​កាល​​​ពី​​​ថ្ងៃ​​​ទី​​​២៧​​​ខែ​​​សីហា​​​ឆ្នាំ​​​២០១៤។

លោក​ប្រធានាធិបតី​រុស្សី ​Vladimir Putin ​បាន​អំពាវនាវ​ឲ្យ​ពួក​បំបែក​ខ្លួន​គាំទ្រ​រុស្សី​ ដោះ​លែង​ទាហានអ៊ុយក្រែន​ដែលត្រូវ​បាន​ឡោមព័ទ្ធ​នៅ​ភាគ​ខាងកើត​ប្រទេស​អ៊ុយក្រែន​នោះ។ ​ក្នុង​សេចក្ដី​ថ្លែង​ការណ៍​របស់​វិមាន​ Kremlin ​នៅ​ថ្ងៃ​សុក្រ​នេះ ​លោក Putin ​បាន​ជំរុញ​ឲ្យ​ក្រុមបះបោរ​បើក​ច្រក​មនុស្សធម៌​សម្រាប់​ទាហាន​ទាំង​នោះ​ ដើម្បី​ចៀសវាង​កុំ​ឲ្យ​មាន​មនុស្ស​ស្លាប់​អត់​ន័យ​។​

លោក ​Alexander Zakharchenko ​មេ​ដឹកនាំ​ពួក​បះបោរ​បាន​ប្រាប់​បណ្ដាញ​ព័ត៌មាន​រុស្សី​ថា ​លោក​បាន​ត្រៀម​ខ្លួន​ជា​ស្រេច​ដើម្បី​ធ្វើ​តាម​សំណើ​របស់​រុស្សី​ ប៉ុន្តែ​ជា​ដំបូង​ទាហាន​ទាំង​នោះ​ត្រូវ​ដាក់​អាវុធ។ ​ពួក​បះបោរ​បាន​ព័ទ្ធ​ក្រុម​ទាហាន​អ៊ុយក្រែន​មួយ​សប្ដាហ៍​មក​ហើយ​នៅ​ទីក្រុង ​Ilovaysk ​ក្រោយ​ពី​មាន​ការ​វាយ​ប្រហារ​គាំទ្រ​ដោយ​រដ្ឋាភិបាល​ក្រុង​មូស្គូ។

សេច​ក្តី​ថ្លែង​ការណ៍របស់​លោក​ Putin ​មិន​ឆ្លើយតប​នឹង​ការ​ចោទ​ប្រកាន់របស់ ​រដ្ឋាភិបាល​ក្រុង​ Kyiv ​និង​លោក​ខាងលិច​ដែល​ថា​ រុស្សី​បាន​ជួយ​ពួក​បះបោរ​នោះ​ទេ។​ តែលោក​បាន​សរសើរ​ជោគជ័យ​របស់​ពួក​បះបោរ​ក្នុង​ការ​ទប់ស្កាត់​ប្រតិបត្តិការ​របស់​រដ្ឋាភិបាលក្រុង ​Kyiv ​ដែល​លោក​និយាយ​ថា ​គំរាម​កំហែង​ជីវិត​ជន​ស៊ីវិល។

XS
SM
MD
LG