ភ្ជាប់​ទៅ​គេហទំព័រ​ទាក់ទង

Putin ចោទ​ប្រកាន់​ស.រ.អា.​ថា​ព្យាយាម​ត្រួតត្រា​ទំនាក់ទំនង​អន្តរជាតិ


ប្រធានាធិបតី​រុស្ស៊ី Vladimir Putin ចូលរួម​ក្នុង​ការ​ផ្សាយ​ផ្ទាល់​ដោយ​អនុញ្ញាតិ​ឲ្យ​ទូរស័ព្ទ​ចូល​បាន​នៅ​ទូទាំង​ប្រទេស​ក្នុង​ក្រុង​មូស្គូ កាលពី​ថ្ងៃទី១៦ ខែមេសា ឆ្នាំ២០១៥។

ប្រធានាធិបតី Vladimir Putinនៃ​ប្រទេស​រុស្ស៊ី​បាន​ចោទ​ប្រកាន់​សហរដ្ឋ​អាមេរិក​ ​ពី​ការ​ព្យាយាម​ត្រួតត្រា​ទំនាក់ទំនង​អន្តរជាតិ ​ក៏ប៉ុន្តែ​និយាយ​ថា ​រុស្ស៊ី​ជានិច្ច​កាល​នៅ​តែ​បើក​ចំហរ​ដើម្បី​ធ្វើ​កិច្ច​សហប្រតិបត្តិការ។​

ប្រធានាធិបតី​រុស្ស៊ី​បាន​និយាយ​កាល​ពី​ថ្ងៃ​ព្រហស្បតិ៍​នៅ​ក្នុង​កម្មវិធី​ចូល​រួម​ផ្ទាល់​តាម​ទូរស័ព្ទ​តាម​ទូរទស្សន៍​រុស្ស៊ី​ដែល​ក្នុង​នោះ​លោក​បាន​ទទួល​សំណួរ​ពី​សមាជិក​សាធារណ​ជន​រុស្ស៊ី។

លោក Putin ​បាន​និយាយ​ថា បន្ទាប់​ពី​សង្គ្រាម​លោក​លើក​ទី២ ​រដ្ឋាភិបាល​ទីក្រុង​ម៉ូស្គូ​បាន​ព្យាយាម​បង្ខំ​ដោយ​ប្រើ​កម្លាំង​ឲ្យ​ប្រទេស​ជា​ច្រើន​នៅ​អឺរ៉ុប​ខាង​កើតធ្វើ​ទៅ​តាម​ខ្លួន ហើយ​គ្មាន​អ្វី​ល្អ​ទាល់​តែ​សោះ​អំពី​ការ​អភិវឌ្ឍន៍​នេះ។ ​ទោះ​ជា​យ៉ាង​ណា​ក៏​ដោយ លោក​និយាយ​ទៀត​ថា ពលរដ្ឋ​អាមេរិកាំង​កំពុង​ធ្វើ​អ្វី​ម៉្យាង​ប្រហាក់​ប្រហែល​គ្នា​ដោយ​ព្យាយាម​ដាក់​គំរូ​របស់​ខ្លួន​នៅ​ជុំ​វិញ​ពិភពលោក។

ប្រធានាធិបតី​រុស្ស៊ី​ក៏​បាន​និយាយ​ដែរ​ថា ​សហរដ្ឋ​អាមេរិក​បាន​ដាក់​គំនាបទៅ​លើ​មេដឹកនាំ​អឺរ៉ុប​ខ្លះ​មិន​ឲ្យ​ចូលរួម​ក្នុង​ពិធីនៃ​ខួប​លើក​ទី​៧០​នៃ​ការ​បញ្ចប់​សង្គ្រាម​លោក​លើក​ទី​២ក្នុង​អឺរ៉ុបនៅ​ទីក្រុង​ម៉ូស្គូ។

លោក Putin បាន​ការពារ​ការ​សម្រេច​ចិត្តរបស់​លោក​ដើម្បី​ត្រួសត្រាយ​ផ្លូវ​ដើម្បី​លក់​ប្រព័ន្ធ​ការពារ​ដែន​អាកាស S-300 ​ទៅ​ឲ្យ​រដ្ឋាភិបាល​ទីក្រុង​តេហេរ៉ង់ (Tehran)។​ ក៏ប៉ុន្តែ រដ្ឋាភិបាល​ទីក្រុង​ម៉ូស្គូ​បាន​ផ្អឹប​កិច្ច​សន្យា​នោះ​៣​ឆ្នាំ​ក្រោយ​មកបន្ទាប់​ពីការ​ដាក់​ទណ្ឌកម្មរបស់​ក្រុម​ប្រឹក្សា​សន្តិសុខ​អង្គការ​សហប្រជាជាតិ​ទៅ​លើ​ប្រទេស​អ៊ីរ៉ង់៕

XS
SM
MD
LG