ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

បាតុករ​នាំ​គ្នា​ទៅ​តវ៉ា​នៅ​អាកាសយានដ្ឋាន​អន្តរជាតិ​ទីក្រុង ហុង កុង ដែល​ធ្វើ​ឲ្យ​ជើងហោះហើរ​ទាំងអស់​ត្រូវ​លុបចោល


បាតុករ​ប្រឆាំង​នឹង​ច្បាប់​បត្យាប័ន​ប្រមូល​ផ្តុំ​គ្នា​នៅ​ស្ថានីយ៍​ធ្វើដំណើរ​នៅ​អាកាសយានដ្ឋាន​ហុង កុង នៅ​ក្នុង​ក្រុង​ហុងកុង កាលពី​ថ្ងៃទី១២ ខែសីហា ឆ្នាំ២០១៩។

អ្នក​តវ៉ា​រាប់​ពាន់​នាក់​ដែល​គាំទ្រ​លទ្ធិប្រជាធិបតេយ្យ​បាន​នាំ​គ្នា​ទៅ​តវ៉ា​នៅ​អាកាសយានដ្ឋាន​អន្តរជាតិ​ក្នុង​ទីក្រុង ហុងកុង កាល​ពី​ថ្ងៃ​ចន្ទ ដែល​បាន​បង្ខំ​ឲ្យ​ជើងហោះហើរ​ទាំងអស់​ត្រូវ​លុបចោល។

គ្មាន​សេចក្ដីរាយការណ៍​អំពី​អំពើ​ហិង្សា​ដែល​បាន​កើតឡើង​នៅ​ឯ​អាកាសយានដ្ឋាន​អន្តរជាតិ​ដ៏​មមាញឹក​បំផុត​មួយ​ក្នុង​ពិភពលោក​នេះ​ទេ។ បាតុករ​បាន​នាំ​គ្នា​ប្រមូលផ្ដុំគ្នា​នៅ​ខាង​ក្នុង​ស្ថានីយ៍​អ្នក​ដំណើរ​អាកាសចរណ៍​កាល​ពី​យប់​ថ្ងៃ​ចន្ទ។

កាល​ពី​ព្រឹក​ថ្ងៃ​ចន្ទ នៅ​តាម​ដងផ្លូវ​ក្នុង​ទីក្រុង ហុង កុង បាតុករ​ដែល​មាន​ការ​ខឹងសម្បារ​បាន​នាំ​គ្នា​បិទផ្លូវ​និង​ប្រឆាំង​នឹង​បញ្ជា​របស់​ប៉ូលិស​ក្នុង​ការ​បំបែក​ហ្វូង​បាតុករ បន្ទាប់​ពី​ប៉ូលិស​វាយឆ្មក់​បាន​បាញ់​ឧស្ម័ន​បង្ហូរ​ទឹកភ្នែក​និង​គ្រាប់​កាំភ្លើង​ជ័រ​ទៅ​លើ​ហ្វូង​បាតុករ។

មាន​សេចក្ដីរាយការណ៍​ថា​ មនុស្ស​រាប់​សិប​នាក់​បាន​រងរបួស​នៅ​ក្នុង​សង្កាត់​មួយ​ចំនួន ដែល​ក្លាយ​ជា​សមរភូមិ​ពោរពេញ​ដោយ​ផ្សែង និង​សំឡេង​ស្រែក​គង​រំពង​ក្នុង​យប់​នោះ។ អ្នក​ស្ម័គ្រចិត្ត​វេជ្ជសាស្ត្រ​ម្នាក់​ត្រូវ​គ្រាប់​ចំ​ភ្នែក​មួយ​ចំហៀង។ មាន​សេចក្ដីរាយការណ៍​ថា អ្នក​កាសែត​ត្រូវ​បាន​គេ​វាយ​ចំ​ក្បាល​និង​អវយវៈ​ផ្សេងៗ។ ចំណែក​ឯ​ជនដៃដល់​ដទៃទៀត​បាន​ប៉ះទង្គិច​ជា​ថ្មីម្ដងទៀត​ជាមួយ​នឹង​ហ្វូង​បាតុករ​នៅ​តាម​ដងផ្លូវ ដូច​ដែល​បាន​កើតឡើង​កាល​ពី​ប៉ុន្មាន​សប្ដាហ៍​មុន​នៅ​ក្នុង​តំបន់ Yuen Long ប៉ែក​ខាង​ជើង នៅ​ពេល​ដែល​បុរសៗ​ពាក់​អាវ​ពណ៌​ស​បាន​វាយ​អតិថិជន​ដោយប្រើប្រាស់​ដង​ឈើ។​

រដ្ឋាភិបាល​បាន​រាប់​ឃើញ​មាន​មនុស្ស​៥៤​នាក់​រងរបួស ដោយ​រួម​ទាំង​ជនរងគ្រោះ​ពីរ​នាក់​ដែល​ត្រូវ​បញ្ជូន​ទៅ​មន្ទីរពេទ្យ​ដោយសារ​ស្ថានភាព​ជំងឺ​ធ្ងន់ធ្ងរ​កាល​ពី​ថ្ងៃ​ចន្ទ ហើយ​២៨​នាក់​ផ្សេង​ទៀត​មិន​មាន​អាការៈ​គំរាមកំហែង​ដល់​អាយុជីវិត​នោះ​ទេ។ នេះ​បើយោង​តាម​ការ​បញ្ជាក់​របស់​មន្ទីរពេទ្យ Hospital Authority។ ​

អាជ្ញាធរ​នៅ​ក្នុង​ទីក្រុង ប៉េកាំង កាល​ពី​ថ្ងៃ​ចន្ទ​បាន​ហៅ​ការ​តវ៉ា​នេះ​ជា​អំពើ​‍ «ភេរវកម្ម‍»៕

XS
SM
MD
LG